完整藏文原文 · 德格版页 当前仅加载第 65 函德格 108b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་འགྱུར་ཏེ། གལ་ཏེ་བྱམས་པ་དང་། སྙིང་རྗེར་ལྡན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ན་ཏིང་ངེ་འཛིན་དེའི་མཐུས་སངས་རྒྱས་ཀྱི་ཞིང་དེ་དག་ན་གནས་པའི་སེམས་ཅན་ཐམས་ཅད་བྱམས་པའི་སེམས་དང་། སྙིང་རྗེའི་སེམས་དང་། གནོད་པའམ། འཚེ་བ་མེད་
D239.065.0108b01.01པའི་སེམས་དང་། ཀུན་ལ་སྙོམས་པའི་སེམས་དང་། གཅིག་ལ་གཅིག་ཕན་པ་དང་བདེ་བར་བྱེད་པའི་སེམས་སྐྱེ་བར་འགྱུར་རོ། །དེ་ཇི་ལྟར་གནས་པ་བཞིན་དུ་སངས་རྒྱས་ཀྱི་ཞིང་རྣམས་ཀྱང་དེ་བཞིན་དུ་འགྱུར་ཏེ། གལ་ཏེ་བསོད་ནམས་ཐམས་ཅད་ཤིན་ཏུ་སྡུད་པ་ཞེས་བྱ་བའི་ཏིང་
D239.065.0108b02.01ངེ་འཛིན་ལ་སྙོམས་པར་ཞུགས་ན་ཏིང་ངེ་འཛིན་དེའི་མཐུས་སངས་རྒྱས་ཀྱི་ཞིང་དེ་དག་ན་གནས་པའི་སེམས་ཅན་ཐམས་ཅད་འཐབ་པ་དང་། རྩོད་པ་དང་། ནད་དང་། མུ་གེ་དང་ཡོངས་སུ་བྲལ་ཏེ། དུས་མ་ཡིན་པའི་རླུང་དང་། ཆར་པ་དང་། ཁ་བ་དང་། རྩུབ་པ་དང་། ཚ་བ་དང་།
D239.065.0108b03.01སྡུག་བསྔལ་བ་ལ་སོགས་པའི་རེག་བྱའི་ཡུལ་ཡིད་དུ་མི་འོང་བ་ཐམས་ཅད་ཡོངས་སུ་ཞི་བར་འགྱུར་རོ། །དེ་ལྟར་སྐྱེས་བུ་ཆེན་པོ་དེ་གལ་ཏེ་རྒྱ་མཚོ་གློག་འོད་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ན་ཏིང་ངེ་འཛིན་དེའི་མཐུས་སངས་རྒྱས་ཀྱི་ཞིང་དེ་དག་གི་ས་ཆེན་པོ་ཐམས་
D239.065.0108b04.01ཅད་རིན་པོ་ཆེ་རྣམ་པ་སྣ་ཚོགས་ལས་བྱས་པར་འགྱུར་ཞིང་ཉེས་པའི་སྐྱོན་ཐམས་ཅད་དང་ཡོངས་སུ་བྲལ་ཏེ་རྣམ་པ་སྣ་ཚོགས་ཀྱི་རིན་པོ་ཆེའི་ཤིང་དང་། གོས་ཀྱི་ཤིང་དང་། སྣོད་ཀྱི་ཤིང་དང་། རྒྱན་གྱི་ཤིང་དང་། མེ་ཏོག་གི་ཤིང་དང་། འབྲས་བུའི་ཤིང་དང་། རོལ་མོ་སྣ་ཚོགས་ཀྱི་
D239.065.0108b05.01ཤིང་ལ་སོགས་པ་འཚོ་བའི་ཡོ་བྱད་དམ་པ་ཚད་མེད་པ་སྙེད་ཀྱིས་ཡོངས་སུ་བརྒྱན་པར་གྱུར་ཏོ། །དེ་བཞིན་དུ་མ་དོར་ན་རིགས་ཀྱི་བུ་དེ་ནི་སེམས་ཅན་མང་པོ་ཡོངས་སུ་སྨིན་པར་བྱ་བའི་ཕྱིར་ཉིན་རེ་ཞིང་སྔ་དྲོའི་དུས་སུ་ཏིང་ངེ་འཛིན་གང་གཱའི་ཀླུང་གི་བྱེ་མ་སྙེད་དག་གི་ཏིང་ངེ་འཛིན་ལ་སྙོམས་
D239.065.0108b06.01པར་འཇུག་སྟེ། ཏིང་ངེ་འཛིན་དེ་ལས་ལངས་ནས་ཕྱོགས་བཅུའི་སངས་རྒྱས་ཀྱི་ཞིང་ཀུན་ན་གདུལ་བའི་སེམས་ཅན་ཐམས་ཅད་ལ་ཅི་དང་ཅིས་འདུལ་བ་བཞིན་དུ་ཕན་པ་དང་བདེ་བའི་དོན་དེ་དང་དེ་དག་གིས་ཡོངས་སུ་སྨིན་པར་བྱེད་དོ། །རིགས་ཀྱི་བུ་འདི་ནི་སྔོན་བསྐལ་པ་ཆེན་པོ་
D239.065.0108b07.01