完整藏文原文 · 德格版页 当前仅加载第 65 函德格 185b 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པ་ནི་སེམས་ཅན་ཐམས་ཅད་ཀྱི་སེམས་ཀྱི་མཚན་ཉིད་ཐུགས་སུ་ཆུད་ནས་དྲི་མ་མེད་པ་མི་ལེན་པར་སྤྱོད་པའི་འཁོར་ལོས་དམ་པའི་ཆོས་སྟོན་ཏེ། གོ་ཆ་ཆེན་པོ་བགོས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་གཞན་ལ་ཆོས་སྟོན་པ་ཡང་
D239.065.0185b01.01དེ་བཞིན་ཏེ། བྱམས་ཤིང་བརྩེ་བའི་ཕྱིར་ཉོན་མོངས་པ་ཐམས་ཅད་ཡོངས་སུ་གཅད་པ་དང་། སྲིད་པ་གསུམ་གྱི་རྒྱ་མཚོ་ལས་བསྒྲལ་བ་དང་། སེམས་ཅན་དག་ཐེག་པ་གསུམ་གང་ལ་དད་པའི་ཐེག་པ་གཅིག་ལ་འཛུད་ཅིང་མྱུར་དུ་རྫོགས་པར་བྱ་བའི་ཕྱིར་
D239.065.0185b02.01དམ་པའི་ཆོས་སྟོན་གྱི། འཁོར་བར་འཁོར་བའི་གཡང་ས་ཆེན་པོར་ལྟུང་བར་ནི་ནམས་ཀྱང་མི་བྱེད་དོ། །དེ་ལ་ཇི་ལྟར་ན་དྲི་མ་མེད་པར་སྤྱོད་པའི་འཁོར་ལོ་ཞེས་བྱ་ཞེ་ན། དེ་ལ་དྲི་མ་མེད་པ་ཞེས་བྱ་བ་ནི་ཆོས་སྟོན་པའི་ཚེ་ན་ཕུང་པོ་ཡོད་པའི་ཕྱིར་མ་ཡིན། སྐྱེ་མཆེད་
D239.065.0185b03.01ཡོད་པའི་ཕྱིར་མ་ཡིན། ཁམས་ཡོད་པའི་ཕྱིར་མ་ཡིན། འདོད་པའི་ཁམས་ཡོད་པའི་ཕྱིར་མ་ཡིན། གཟུགས་ཡོད་པའི་ཁམས་ཡོད་པའི་ཕྱིར་མ་ཡིན། གཟུགས་མེད་པའི་ཁམས་ཡོད་པའི་ཕྱིར་མ་ཡིན། འཇིག་རྟེན་འདི་ཡོད་པའི་ཕྱིར་མ་ཡིན། འཇིག་
D239.065.0185b04.01རྟེན་ཕ་རོལ་པོ་ཡོད་པའི་ཕྱིར་མ་ཡིན། འདུ་བྱེད་ཡོད་པའི་ཕྱིར་མ་ཡིན། ཚོར་བ་ཡོད་པའི་ཕྱིར་མ་ཡིན། འདུ་ཤེས་ཡོད་པའི་ཕྱིར་མ་ཡིན། རྟོག་པ་ཡོད་པའི་ཕྱིར་མ་ཡིན། རིག་པ་ཡོད་པའི་ཕྱིར་མ་ཡིན། ཡིད་ལ་བྱ་བ་ཡོད་པའི་ཕྱིར་མ་ཡིན། མ་རིག་པ་
D239.065.0185b05.01ཡོད་པའི་ཕྱིར་མ་ཡིན་པ་ནས་རྒ་ཤིའི་བར་དུ་ཡོད་པའི་ཕྱིར་མ་ཡིན། འགྲོ་བ་ཡོད་པ་དང་། འགྲོ་བ་མེད་པའི་ཕྱིར་སེམས་ཅན་ལ་དམ་པའི་ཆོས་སྟོན་པ་མ་ཡིན་ནོ། །འདི་ལྟ་སྟེ། ཕུང་པོ་དང་། ཁམས་དང་། སྐྱེ་མཆེད་ནས་འགྲོ་བ་དང་། འགྲོ་བ་མེད་
D239.065.0185b06.01པའི་བར་དུ་རྒྱས་པར་བཤད་པ་ཀུན་ཀྱང་རབ་ཏུ་ཞི་བས་སེམས་ཅན་ལ་དམ་པའི་ཆོས་སྟོན་ཏོ། །དེ་ལྟ་བས་ན་དྲི་མ་མེད་པ་ཞེས་བྱའོ། །སྤྱོད་པ་ཞེས་བྱ་བ་ནི་འདི་ལྟ་སྟེ། འདི་ནས་འཆི་འཕོ་བ་དང་ཕ་རོལ་དུ་སྐྱེ་བ་ཡོངས་སུ་གཅད་པའི་ཕྱིར་སེམས་ཅན་དག་ལ་
D239.065.0185b07.01