完整藏文原文 · 德格版页 当前仅加载第 75 函德格 283b 版页；藏文 NFD、目录标记与异常页序保留在来源切片中，重复版页行以稳定序号区分。
མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་རྣམས་ཀྱིས་མཆོད་ཅིང་ཤེས་པའི་སངས་རྒྱས་བཅོམ་ལྡན་འདས་བསོད་ནམས་ཆེན་པོ་དང་ལྡན་པ། ན་བཟའ་དང་། ཞལ་ཟས་དང་། གཟིམས་ཆ་དང་། གདན་དང་། སྙུན་གསོས་དང་། སྨན་ཟོང་རྣམས་བརྙེས་པ། ཉན་ཐོས་
D343.075.0283b01.01ཀྱི་དགེ་འདུན་དང་བཅས་པ་གྲོང་ཁྱེར་ཀུ་ཤི་ན་གྱད་ཀྱི་ཉེ་འཁོར་ཤིང་ས་ལ་ཟུང་གི་ཚལ་ན་བཞུགས་སོ། །དེ་ནས་བཅོམ་ལྡན་འདས་ཡོངས་སུ་མྱ་ངན་ལས་འདའ་བའི་དུས་ལ་བབ་པ་དེའི་ཚེ་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་དེ་བཞིན་གཤེགས་པ་ནི་དོ་ནུབ་
D343.075.0283b02.01ནམ་ཕྱེད་ན་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་བར་འགྱུར་གྱིས། ཤིང་སཱ་ལ་ཟུང་གི་བར་དུ་དེ་བཞིན་གཤེགས་པའི་གཟིམས་ཁྲི་ཤོམས་ལ་སྔས་བྱང་ཕྱོགས་སུ་སྟོན་ཅིག །དེ་ནས་བཙུན་པ་དེ་ལྟར་འཚལ་ལོ་ཞེས་གསོལ་
D343.075.0283b03.01ཏེ། ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱིས་བཀའ་སྩལ་པ་བཞིན་དུ་ཤིང་སཱ་ལ་ཟུང་གི་བར་དུ་གཟིམས་ཁྲི་བཤམས་ཏེ་སྔས་བྱང་ཕྱོགས་སུ་བསྟན་ནས་བཅོམ་ལྡན་འདས་ག་ལ་བ་དེ་ལོགས་སུ་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་
D343.075.0283b04.01འཚལ་ཏེ་ཕྱོགས་གཅིག་ཏུ་འགྲེང་ངོ་། །ཕྱོགས་གཅིག་ཏུ་འགྲེང་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་ཤིང་སཱ་ལ་ཟུང་གི་བར་དུ་དེ་བཞིན་གཤེགས་པའི་གཟིམས་ཁྲི་བཤམས་ཏེ་སྔས་བྱང་ཕྱོགས་སུ་བསྟན་ལགས་སོ། །དེ་
D343.075.0283b05.01ནས་བཅོམ་ལྡན་འདས་གཟིམས་ཁྲི་ག་ལ་བ་དེར་གཤེགས་ཏེ་བྱོན་ནས་གློ་གཡས་ཕྱོགས་ཀྱིས་གཟིམས་ཏེ་ཞབས་གཤིབས་ཏེ། ཞབས་གཤིབས་ནས་སྣང་བའི་འདུ་ཤེས་དང་། དྲན་པ་དང་། ཤེས་བཞིན་དུ་ལྡན་ཞིང་མྱ་ངན་ལས་འདའ་བའི་འདུ་ཤེས་འབའ་ཞིག་ཐུགས་ལ་
D343.075.0283b06.01དགོངས་ནས། དེར་བཅོམ་ལྡན་འདས་ནམ་ཕྱེད་ན་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་སོ། །སངས་རྒྱས་བཅོམ་ལྡན་འདས་ཡོངས་སུ་མྱ་ངན་ལས་འདས་མ་ཐག་པ་དེའི་མོད་ལ་ས་ཆེན་པོ་ནི་ཤིན་ཏུ་གཡོས། སྐར་མདའ་
D343.075.0283b07.01