完整藏文原文 · 德格版页 当前仅加载第 75 函德格 120b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཡོ་བྱད་རྣམས་ཀུན་ཏུ་འཛིན་པ། ཁྭ་ལའང་གཏོར་མ་མི་སྟེར་ན་སློང་བ་གཞན་དག་ལྟ་ལ་སྨོས་ཀྱང་ཅི་དགོས་པ་ཞིག་ཡོད་དེ། དེ་དགེ་སྦྱོང་དང་བྲམ་ཟེ་དང་སྡུག་ཅིང་ཕོངས་པ་དང་བཀྲེས་པ་དག་མཐོང་ན་སེམས་ཀྱིས་སྡང་བར་བྱེད་དོ། །རེ་ཞིག་ན་བསོད་སྙོམས་པ་ཞིག་དེའི་ཁྱིམ་དུ་འོངས་
D343.075.0120b01.01ནས། དེས་དེ་མཐོང་ན། སེར་སྣ་སྐྱེས་ཏེ། སེམས་ཀྱང་སྡང་བར་གྱུར་ནས་འདི་སྙམ་དུ་སེམས་ཏེ། གལ་ཏེ་བདག་གིས་འདི་ལ་བཀུར་སྟི་བྱས་ན་ནི། འདི་ཕྱིས་ཀྱང་འོང་བར་འགྱུར་རོ་སྙམ་མོ། །དེ་ནས་སྡིག་ཅན་དེས་ཚེ་ཕྱི་མའི་མི་སྡུག་པ་ཁྱད་དུ་བསད་ནས། དགེ་སློང་དེ་ནང་དུ་བོས་ཏེ་སྒོ་
D343.075.0120b02.01བཅད་ནས་སྨྱུང་དུ་བཅུག་གོ། །མང་དུ་ཡང་སྤྱོས་ཏེ། དགེ་སློང་ཁྱོད་ལ་བཀུར་སྟི་མ་ཡིན་པ་བྱས་པ་འདི་ཡིན་གྱིས། ཕྱིན་ཅད་ཁྱིམ་འདིར་མ་འོང་ཤིག་ཅེས་བྱས་སོ། །དེ་ནས་དེ་སེར་སྣ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་དེས་{ཡི་དགས་,ཡི་དྭགས་}སུ་སྐྱེས་ཏེ། དེ་ལྟ་བུའི་སྡུག་བསྔལ་ཉམས་སུ་མྱོང་
D343.075.0120b03.01ངོ་། །མཽད་གལ་གྱི་བུ་དེ་བས་ན་ཅི་ནས་{ཡི་དགས་,ཡི་དྭགས་}མོ་དེའི་ཉེས་པ་གང་ཡིན་པ་དེ་ལྟ་བུ་དག་མི་འོང་བར་བྱ་བའི་ཕྱིར་སེར་སྣ་སྤོང་བ་ལ་བརྩོན་པར་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་མཽད་གལ་གྱི་བུ་དང་ལྷ་དང་ལྷ་མ་ཡིན་དང་ནམ་མཁའ་ལྡིང་དང་མི་འམ་
D343.075.0120b04.01ཅི་དང་ལྟོ་འཕྱེ་ཆེན་པོ་གཞན་དག་ཀྱང་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།ཆུ་ཞེས་བྱ་བ་ནི། སངས་རྒྱས་བཅོམ་ལྡན་འདས་ལ། རྒྱལ་པོ་རྣམས་དང་། བློན་པོ་ཆེན་པོ་རྣམས་དང་། ཕྱུག་པོ་རྣམས་དང་། ཕོ་བྲང་འཁོར་གྱི་མི་རྣམས་དང་། ཚོང་
D343.075.0120b05.01དཔོན་རྣམས་དང་། དེད་དཔོན་རྣམས་དང་། ལྷ་རྣམས་དང་། ཀླུ་རྣམས་དང་། གནོད་སྦྱིན་རྣམས་དང་། ལྷ་མ་ཡིན་རྣམས་དང་། ནམ་མཁའ་ལྡིང་རྣམས་དང་། མིའམ་ཅི་རྣམས་དང་། ལྟོ་འཕྱེ་ཆེན་པོ་རྣམས་ཀྱིས་བཀུར་སྟི་བྱས། བླ་མར་བྱས། རི་མོར་བྱས། མཆོད་པ་བྱས་ཏེ། ལྷ་དང་། ཀླུ་དང་། གནོད་སྦྱིན་
D343.075.0120b06.01དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་རྣམས་ཀྱིས་མཆོད་ཅིང་ཤེས་པའི་སངས་རྒྱས་བཅོམ་ལྡན་འདས་བསོད་ནམས་ཆེན་པོ་དང་ལྡན་པ། ན་བཟའ་དང་། ཞལ་ཟས་དང་། གཟིམས་ཆ་དང་། གདན་དང་། སྙུན་གསོས་དང་། སྨན་ཟོང་རྣམས་བརྙེས་པ། ཉན་ཐོས་
D343.075.0120b07.01