完整藏文原文 · 德格版页 当前仅加载第 75 函德格 161b 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །དེའི་ཚེ་དགེ་སློང་དག་གཏན་ལ་འབེབས་པར་བྱེད་པ་ན། དགེ་སློང་སྡེ་སྣོད་གསུམ་པ་ཞིག་འཁོར་ལྔ་བརྒྱ་དང་གཏན་ལ་འབེབས་པའི་ནང་ན་འདུག་གོ། །དེའི་ནང་ན་སློབ་པ་དང་མི་སློབ་པའི་དགེ་སློང་དག་ཀྱང་ཡོད་དེ། དེ་དག་སྡེ་སྣོད་གསུམ་པ་ལ་འདྲི་བར་བྱེད་ལ། དེས་
D343.075.0161b01.01ནི་ལན་མ་ཐེབས་པ་དང་། དེ་ཁྲོས་ནས་ངག་གི་ལས་རྩུབ་པོ་ཕྱུང་སྟེ། ནགས་ཀྱི་མ་ཧེ་དང་འདྲ་བ་འདི་དག་ཅི་ཤེས་ཞེས་བྱས་སོ། །དེའི་སློབ་མ་རྣམས་ཀྱིས་ཀྱང་མ་ཧེ་རྫི་དང་འདྲ་བ་འདི་དག་ཅི་ཤེས་ཞེས་སྨྲས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་
D343.075.0161b02.01དག་ཇི་སྙམ་དུ་སེམས། དགེ་སློང་སྡེ་སྣོད་གསུམ་པ་གང་ཡིན་པ་དེ་ཉིད་མ་ཧེ་འདི་ཡིན་ནོ། །སློབ་མ་དེ་དག་ནི་མ་ཧེ་རྫི་འདི་དག་ཡིན་ཏེ། ལས་དེས་ན་ཚེ་རབས་ལྔ་བརྒྱར་མ་ཧེར་སྐྱེས་སོ། །སློབ་མ་རྣམས་ཀྱང་མ་ཧེ་རྫི་ལྔ་བརྒྱར་གྱུར་ཏོ། །ང་ལ་སེམས་དགའ་བར་གྱུར་པ་དེས་
D343.075.0161b03.01ནི་ལྷར་སྐྱེས་སོ། །དགེ་སློང་གི་དངོས་པོ་ཐོབ་སྟེ་ཚུལ་ཁྲིམས་བསྲུངས་པས་ནི་བདེན་པ་མཐོང་བ་དང་དགྲ་བཅོམ་ཉིད་མངོན་སུམ་དུ་བྱས་སོ། །དགེ་སློང་དག་དེ་བས་ན་ངག་གི་ཉེས་པ་སྤང་བའི་ཕྱིར་འབད་པར་བྱ་སྟེ། ཅི་ནས་མ་ཧེ་དང་མ་ཧེ་རྫི་རྣམས་ཀྱི་ཉེས་པ་དེ་ལྟ་བུ་དག་འབྱུང་བར་
D343.075.0161b04.01མི་འགྱུར་བ་དང་། ལྷའི་བུ་དེའི་ཡོན་ཏན་གྱི་ཚོགས་དེ་ལྟ་བུ་ཐོབ་པར་འགྱུར་བར་དགེ་སློང་ཁྱོད་ཀྱིས་དེ་ལྟར་བསླབ་པར་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་
D343.075.0161b05.01པར་བསྟོད་དོ།། །།བསྙེན་གནས་ཞེས་བྱ་བ་ནི། སངས་རྒྱས་བཅོམ་ལྡན་འདས་ལ་རྒྱལ་པོ་རྣམས་དང་། བློན་པོ་ཆེན་པོ་རྣམས་དང་། ཕྱུག་པོ་རྣམས་དང་། ཕོ་བྲང་འཁོར་གྱི་མི་རྣམས་དང་། ཚོང་དཔོན་རྣམས་དང་། དེད་དཔོན་རྣམས་དང་། ལྷ་རྣམས་
D343.075.0161b06.01དང་། ཀླུ་རྣམས་དང་། གནོད་སྦྱིན་རྣམས་དང་། ལྷ་མ་ཡིན་རྣམས་དང་། ནམ་མཁའ་ལྡིང་རྣམས་དང་། མིའམ་ཅི་རྣམས་དང་། ལྟོ་འཕྱེ་ཆེན་པོ་རྣམས་ཀྱིས་བཀུར་སྟི་བྱས། བླ་མར་བྱས། རི་མོར་བྱས། མཆོད་པ་བྱས་ཏེ། ལྷ་དང་། ཀླུ་དང་། གནོད་སྦྱིན་
D343.075.0161b07.01