完整藏文原文 · 德格版页 当前仅加载第 75 函德格 241b 版页；藏文 NFD、目录标记与异常页序保留在来源切片中，重复版页行以稳定序号区分。
པས་ཚོར་བ་འགག །ཚོར་བ་འགགས་པས་སྲེད་པ་འགག །སྲེད་པ་འགགས་པས་ལེན་པ་འགག །ལེན་པ་འགགས་པས་སྲིད་པ་འགག །སྲིད་པ་འགགས་པས་སྐྱེ་བ་འགག །སྐྱེ་བ་འགགས་པས་རྒ་ཤི་དང་། མྱ་ངན་དང་། སྨྲེ་སྔགས་འདོན་པ་དང་།
D343.075.0241b01.01སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་འགག་པར་འགྱུར་ཏེ། དེ་ལྟར་ན་སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པོ་འདི་འགག་པར་འགྱུར་རོ། །དགེ་སློང་དག་ངའི་ཆོས་ནི་ལེགས་པར་གསུངས་པ། གསལ་བར་རྣམ་པར་ཕྱེ་བ། རྒྱུ་བ་གཅོད་
D343.075.0241b02.01པ། ལྷ་དང་མི་མན་ཅད་ལ་ཡང་དག་པར་ལེགས་པར་བསྟན་པ་ཡིན་ཏེ། དེ་ལྟར་ཆོས་ནི་ལེགས་པར་གསུངས་པ། གསལ་བར་རྣམ་པར་ཕྱེ་བ། རྒྱུ་བ་གཅོད་པ། ལྷ་དང་མི་མན་ཅད་ལ་ཡང་དག་པར་ལེགས་པར་བསྟན་པ་ལ་ནི་རིགས་ཀྱི་བུ་དད་པས་རབ་ཏུ་
D343.075.0241b03.01བྱུང་བས་སྟོན་པའི་བསྟན་པ་ལ་བརྩོན་པར་བྱ་བའི་རིགས་པ་ཁོ་ནའོ། །སྦྱོར་བར་བྱ་བའི་རིགས་སོ། །བག་ཡོད་པར་བྱ་བའི་རིགས་སོ། །ལུས་ཀྱི་ཤ་ཁྲག་ཀུན་སྐམས་ཏེ། པགས་པ་དང་། ཆུ་བ་དང་། རུས་པ་འབབ་ཞིག་ལུས་པ་ནི་སླའི། ཆོས་རྣམས་ལ་བརྩོན་
D343.075.0241b04.01འགྲུས་བརྩམས་པ། མཐུ་དང་ལྡན་པ། བརྩོན་འགྲུས་དང་ལྡན་པ། སྤྲོ་བ་དང་ལྡན་པ། མཐུ་རྩལ་དང་ལྡན་པ། བརྩོན་པ་མི་འདོར་བས་ཐོབ་པར་བྱ་བ་གང་ཡིན་པ་དེ་མ་ཐོབ་ཀྱི་བར་དུ་བར་མ་དོར་བརྩོན་འགྲུས་གཏང་བར་ནི་མི་བྱའོ། །དེ་ཅིའི་ཕྱིར་ཞེ་ན། ལེ་ལོ་
D343.075.0241b05.01ཅན་ནི་སྡུག་བསྔལ་བཞིན་དུ་གནས་པ་སྟེ། སྡིག་པ་མི་དགེ་བའི་ཆོས་ཀུན་ནས་ཉོན་མོངས་པར་བྱེད་པ། ཡང་སྲིད་པར་སྐྱེ་བར་བྱེད་པ། རིམས་ནད་དང་བཅས་པ། སྡུག་བསྔལ་གྱི་རྣམ་པར་སྨིན་པ་དང་ལྡན་པ། ཕྱི་མ་ལ་སྐྱེ་བ་དང་། རྒ་ཤིར་འགྱུར་བ་རྣམས་
D343.075.0241b06.01དང་འདྲེས་པ་ཡིན་ཏེ། དེའི་ནི་དོན་ཆེན་པོ་ཡང་ཡོངས་སུ་ཉམས་པར་འགྱུར་རོ། །བརྩོན་འགྲུས་བརྩམས་པ་ནི་བདེ་བར་གནས་པ་སྟེ། སྡིག་པ་མི་དགེ་བའི་ཆོས་ཀུན་ནས་ཉོན་མོངས་པར་བྱེད་པ། ཡང་སྲིད་པར་སྐྱེ་བར་བྱེད་པ་རིམས་ནད་དང་བཅས་པ། སྡུག་བསྔལ་
D343.075.0241b07.01