完整藏文原文 · 德格版页 当前仅加载第 75 函德格 125b 版页；藏文 NFD、目录标记与异常页序保留在来源切片中，重复版页行以稳定序号区分。
འཐུན་པའི་ཆོས་བསྟན་ཏེ། དེ་ཐོས་ནས་སྔོན་{ཡི་དགས་,ཡི་དྭགས་}སུ་གྱུར་པའི་ལྷའི་བུ་དེ་དག་གིས་ཁྱད་པར་ཆེན་པོ་ཐོབ་བོ། །དེ་དག་ཚོང་པ་ཁེ་སྤོགས་ཕྱིན་པ་བཞིན་དུ་གྱུར་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་དེ་ཉིད་དུ་མི་སྣང་བར་གྱུར་ཏོ། །དེར་བཅོམ་
D343.075.0125b01.01ལྡན་འདས་ཀྱིས་ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་བཀའ་སྩལ་པ། མཽད་གལ་གྱི་བུ་ཁྱོད་ཀྱིས་{ཡི་དགས་,ཡི་དྭགས་}མང་པོ་དག་ལྷའི་ནང་དུ་བཀོད་ནས་དེ་དག་ཀྱང་མདང་སུམ་ངའི་ཐད་དུ་འོངས་ཏེ། དེ་དག་ལ་ངས་ཆོས་བསྟན་ནས་དེ་དག་གིས་རྙེད་པར་བྱ་བ་རྙེད་དེ་མཐོང་བར་
D343.075.0125b02.01འགྱུར་བ་རྙེད་ནས་དོང་བ་དེ་ནི། །ཁྱོད་ཀྱིས་ཞལ་ཏ་བྱས་པ་འབྲས་བུ་ཡོད་པར་གྱུར་ཏེ་ལེགས་སོ་ལེགས་སོ། །དེ་ནས་ཚེ་དང་ལྡན་པ་མཽད་གལ་གྱི་བུ་ཆེན་པོས་དེ་དག་གི་ཉེ་དུ་རྣམས་ལ་ཡང་ཤེས་པར་བྱས་ཏེ། དེ་དག་གིས་ཐོས་ནས་མཆོག་ཏུ་ཡ་མཚན་དུ་གྱུར་ཏེ།
D343.075.0125b03.01བཅོམ་ལྡན་འདས་ལ་སེམས་དགའ་བར་གྱུར་ནས་བཀུར་སྟི་བྱས་སོ། །མཽད་གལ་གྱི་བུ་དེ་བས་ན་ཁྱོད་ཀྱིས་ཅི་ནས་{ཡི་དགས་,ཡི་དྭགས་}དེ་དག་གི་ཉེས་པ་དེ་ལྟ་བུ་དག་མི་འབྱུང་བར་བྱ་བའི་ཕྱིར་སེར་སྣ་སྤང་བ་ལ་བརྩོན་པར་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས།
D343.075.0125b04.01ཚེ་དང་ལྡན་པ་མཽད་གལ་གྱི་བུ་ཆེན་པོ་དང་ལྷ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་ལ་སོགས་པ་གཞན་དག་ཀྱང་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།ཆུ་སྨད་ཅེས་བྱ་བ་ནི།
D343.075.0125b05.01སངས་རྒྱས་བཅོམ་ལྡན་འདས་ལ་རྒྱལ་པོ་རྣམས་དང་། བློན་པོ་ཆེན་པོ་རྣམས་དང་། ཕྱུག་པོ་རྣམས་དང་། ཕོ་བྲང་འཁོར་གྱི་མི་རྣམས་དང་། ཚོང་དཔོན་རྣམས་དང་། དེད་དཔོན་རྣམས་དང་། ལྷ་རྣམས་དང་། ཀླུ་རྣམས་དང་། གནོད་སྦྱིན་རྣམས་དང་། ལྷ་མ་
D343.075.0125b06.01ཡིན་རྣམས་དང་། ནམ་མཁའ་ལྡིང་རྣམས་དང་། མིའམ་ཅི་རྣམས་དང་། ལྟོ་འཕྱེ་ཆེན་པོ་རྣམས་ཀྱིས་བཀུར་སྟི་བྱས། བླ་མར་བྱས། རི་མོར་བྱས། མཆོད་པ་བྱས་ཏེ། ལྷ་དང་། ཀླུ་དང་། གནོད་སྦྱིན་དང་། ལྷ་མ་ཡིན་དང་། ནམ་མཁའ་ལྡིང་དང་། མི་
D343.075.0125b07.01