完整藏文原文 · 德格版页 当前仅加载第 75 函德格 94b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་བུ་གཅིག་པ་སྡུག་པ་ལ་བྱ་བ་བཞིན་དུ་ཁྲག་གིས་ཚིམ་པར་བྱས་སོ། །ལྷའི་དབང་པོ་བརྒྱ་བྱིན་ནི་འོག་མ་ལ་ཤེས་པའི་མཐོང་བ་འཇུག་སྟེ་དེ་འདི་སྙམ་དུ་སེམས་ཏེ། ཅི་རྒྱལ་པོ་ཞི་ལྡན་འདི་སེམས་ཅན་རྣམས་ཀྱི་དོན་དུ་འདི་ལྟར་བྱེད་དམ། འོན་ཏེ་སྙིང་རྗེས་བྱེད་ཅིག་གུ་སྙམ་ནས་
D343.075.0094b01.01བདག་གིས་འདི་བགམ་པར་བྱའོ་སྙམ་མོ། །དེ་ནས་བྱ་རྒོད་སྟང་ཟིལ་བཅག་པའི་འཕྲོ་ལྟ་བུ་དང་སྣག་ཙའི་མདོག་ཅན་ལྟ་བུར་བདག་ཉིད་སྤྲུལ་ཏེ། རྒྱལ་པོ་ཞི་ལྡན་གྱི་ཐད་དུ་སོང་ནས་མཆུས་མིག་བྲུ་བར་གཟས་ན་ཡང་རྒྱལ་པོ་དེ་སྐྲག་པར་ནི་མ་གྱུར་གྱི། བྱམས་པའི་མིག་ཆེན་པོས་
D343.075.0094b02.01བྱ་རྒོད་དེ་ལ་བལྟས་ནས་སྨྲས་པ། བུ་ངའི་ལུས་ལས་གང་འདོད་པ་ལས་ཅི་དགའ་མགུར་གྱིས་ཤིག་ཅེས་བྱས་སོ། །དེ་ནས་ལྷའི་དབང་པོ་བརྒྱ་བྱིན་དགའ་བར་གྱུར་ཏེ། བྲམ་ཟེའི་ཆ་ལུགས་སུ་སྤྲུལ་ནས་རྒྱལ་པོ་ཞི་ལྡན་གྱི་མདུན་དུ་བགྲེང་སྟེ་སྨྲས་པ། རྒྱལ་པོ་ལེགས་ཀྱིས་ཁྱོད་ཀྱི་
D343.075.0094b03.01མིག་གཉིས་ང་ལ་བྱིན་ཅིག་རྒྱལ་པོས་སྨྲས་པ། ཀྱེ་བྲམ་ཟེ་ངའི་ལུས་འདི་ལ་འགོག་པ་སུ་ཡང་མེད་ཀྱིས་ཅི་འདོད་པ་ཁྱེར་ཅིག་ཅེས་བྱས་སོ། །དེ་ནས་ལྷའི་དབང་པོ་བརྒྱ་བྱིན་ལྷག་པར་དགའ་བར་གྱུར་ནས་བྲམ་ཟེའི་ཆ་ལུགས་མི་སྣང་བར་བྱས་ཏེ། རང་གི་གཟུགས་སུ་འདུག་ནས་རྒྱལ་
D343.075.0094b04.01པོ་ལ་སྤྲོ་བ་བསྐྱེད་དེ་སྨྲས་པ། ཀྱེ་རྒྱལ་པོ་ལེགས་སོ་ལེགས་སོ། །ཁྱོད་ཀྱི་བློ་ཤིན་ཏུ་ངེས་ས་ཁྱོད་ཀྱི་སྨོན་ལམ་བསྐྱོད་དུ་མེད་དོ། །སེམས་ཅན་རྣམས་ལ་ཁྱོད་ཀྱི་སྙིང་རྗེ་ཆེན་པོའི་རྒྱུན་འབབ་པར་གྱུར་ཏོ། །ཁྱོད་འཇིགས་པར་བྱ་བའི་ཆོས་རྣམས་ལ་འདི་ལྟར་འཇིགས་པ་མེད་པ་
D343.075.0094b05.01ལས་ན་ཁྱོད་རིང་པོ་མི་ཐོགས་པར་བརྩོན་པ་འདིས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་རོ་ཞེས་བྱས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ན་རྒྱལ་པོ་ཞི་
D343.075.0094b06.01ལྡན་དུ་གྱུར་པ་གང་ཡིན་པ་དེ་ནི་ང་ཡིན་ཏེ། དེའི་ཚེ་ཡང་ང་བསོད་ནམས་མངོན་པར་འདུ་བྱེད་པ་རྣམས་ཀྱིས་ཆོག་མ་ཤེས་ན་ད་ལྟར་ལྟ་ཅི་སྨོས། དགེ་སློང་དག་དེ་བས་ན་འདི་ལྟར་བསླབ་པར་བྱ་སྟེ་སྦྱིན་པ་དག་སྦྱིན་ནོ། །བསོད་ནམས་དག་བྱའོ་ཞེས་དགེ་སློང་ཁྱེད་ཀྱིས་དེ་ལྟར་བསླབ་པར་
D343.075.0094b07.01