完整藏文原文 · 德格版页 当前仅加载第 75 函德格 82b 版页；藏文 NFD、目录标记与异常页序保留在来源切片中，重复版页行以稳定序号区分。
ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་རྣམས་ཀྱིས་མཆོད་ཅིང་ཤེས་པའི་སངས་རྒྱས་བཅོམ་ལྡན་འདས་བསོད་ནམས་ཆེན་པོ་དང་ལྡན་པ། ན་བཟའ་དང་། ཞལ་ཟས་དང་། གཟིམས་ཆ་དང་། གདན་དང་། སྙུན་གསོས་དང་། སྨན་ཟོང་རྣམས་བརྙེས་པ་ཉན་ཐོས་ཀྱི་
D343.075.0082b01.01དགེ་འདུན་དང་བཅས་པ་མཉན་དུ་ཡོད་པ་ན། རྒྱལ་བུ་རྒྱལ་བྱེད་ཀྱི་ཚལ་ཁྱིམ་བདག་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་མཉན་དུ་ཡོད་པ་ན་ཀུན་དགའ་ར་བའི་སྲུང་མ་ཞིག་ཡོད་དེ། དེས་སོ་ཤིང་ཞིག་ཁྱེར་ཏེ་མཉན་དུ་ཡོད་པར་སོང་ངོ་། །ལྟས་མཁན་
D343.075.0082b02.01ཞིག་ཀྱང་སྒོ་ཀ་ན་འདུག་སྟེ། དེ་ན་རེ་སོ་ཤིང་འདི་སུ་ཟ་བ་དེ་ནི་ཟས་རོ་བརྒྱ་དང་ལྡན་པ་ཟ་བར་འགྱུར་རོ་ཞེས་ཟེར་རོ། །དེ་ནས་ཀུན་དགའ་ར་བའི་སྲུང་མས་ཚིག་དེ་ཐོས་ནས་འདི་སྙམ་དུ་སེམས་ཏེ། སོ་ཤིང་འདི་གང་ལ་བྱིན་ན་དེའི་རྒྱུས་བདག་ཆེར་བཀུར་བར་འགྱུར་ཞིག་གུ་སྙམ་མོ། །
D343.075.0082b03.01ཡང་དེ་འདི་སྙམ་དུ་སེམས་ཏེ། སངས་རྒྱས་བཅོམ་ལྡན་འདས་འདི་ནི་རྒྱུ་བ་དང་མི་རྒྱུ་བའི་འཇིག་རྟེན་ན་བསོད་ནམས་ཀྱི་ཞིང་དུ་འགྲོ་བ་འབྲས་བུ་ཡོད་པ་ཡིན་གྱིས། བདག་གིས་འདི་སངས་རྒྱས་བཅོམ་ལྡན་འདས་ལ་དབུལ་ལོ་སྙམ་མོ། །དེ་ནས་ཀུན་དགའ་ར་བའི་སྲུང་མ་དེས་སོ་ཤིང་
D343.075.0082b04.01དེ་ཁྱེར་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་ཀུན་དགའ་ར་བའི་སྲུང་མ་དེས། སངས་རྒྱས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
D343.075.0082b05.01བཅོམ་ལྡན་འདས་བདག་ལ་ཐུགས་བརྩེ་བའི་སླད་དུ་ཚེམས་ཤིང་འདི་བཞེས་སུ་གསོལ། དེ་ནས་བཅོམ་ལྡན་འདས་ཀྱིས་ཀུན་དགའ་ར་བའི་སྲུང་མ་ལ་ཕན་གདགས་པའི་ཕྱིར་ཕྱག་གསེར་གྱི་ཁ་དོག་ཅན་གླང་པོ་ཆེའི་སྣ་ལྟར་འདུག་པ་བརྐྱང་ནས་བཞེས་སོ། །བཞེས་ནས་ཀྱང་དེ་ཀུན་
D343.075.0082b06.01དགའ་ར་བའི་སྲུང་མའི་མདུན་དུ་གསོལ་ཏོ། །གསོལ་ནས་ཀྱང་སོ་ཤིང་དེ་ས་ལ་བཙུགས་སོ། །དེ་ནས་བཙུགས་པའི་མོད་ད་ཁོ་ནའི་སྐད་ཅིག་ལ་ཡལ་ག་དང་། ལོ་མ་དང་། མེ་ཏོག་དང་། འབྲས་བུ་ཕུན་སུམ་ཚོགས་པའི་ཤིང་ནྱ་གྲོ་དྷ་ཆེན་པོ་ཆུ་ཞེང་གབ་པ་ཞིག་ཏུ་གྱུར་ཏེ། དེའི་གྲིབ་མ་
D343.075.0082b07.01