完整藏文原文 · 德格版页 当前仅加载第 75 函德格 274a 版页；藏文 NFD、目录标记与异常页序保留在来源切片中，重复版页行以稳定序号区分。
བ། རིན་པོ་ཆེའི་རི་བོ་འགྲོ་བ་ལྟ་བུ་ཀུན་ནས་བཟང་བ་མཐོང་ནས། དེ་མཐོང་མ་ཐག་ཏུ་དེས་ཉིན་མཚན་བདུན་གྱི་བར་དུ་རྐང་པ་ཡ་གཅིག་གིས་འགྲེང་སྟེ་ཚིགས་སུ་བཅད་པ་གཅིག་གིས་བསྟོད་པ་དེ་ལྟ་བུའི་སེམས་རྩེ་གཅིག་ཏུ་བྱ་བ་ཐོབ་སྟེ། སྐྱེས་བུ་ཁྱུ་མཆོག་ཁྱོད་འདྲའི་
D343.075.0274a01.01དགེ་སྦྱོང་ཆེན་པོ་གཞན་དག་ལྷ་ཡུལ་ས་ལ་མེད། །འཇིག་རྟེན་འདི་ནའང་ཡོང་གིས་མེད་ལ་རྣམ་ཐོས་བུ་ཡི་ཕོ་བྲང་ན་ཡང་མེད། །ལྷ་ཡི་ཕོ་བྲང་གནས་མཆོག་དག་ནའང་མེད་ལ་ཕྱོགས་དང་ཕྱོགས་མཚམས་དག་ནའང་མེད། །རི་དང་ནགས་སུ་བཅས་པའི་ས་སྟེང་རྒྱས་པ་མ་ལུས་
D343.075.0274a02.01བསྐོར་ཀྱང་ག་ལ་ཡོད། །ཅེས་བསྟོད་དོ། །དེ་ནས་ཡང་དག་པར་རྫོགས་པའི་སངས་རྒྱས་རྒྱལ་གྱིས་བྱང་ཆུབ་སེམས་དཔའ་ཤཱཀྱ་ཐུབ་པའི་རྒྱུད་ཡོངས་སུ་སྨིན་པར་གཟིགས་ནས་ལེགས་སོ་ཞེས་བྱ་བ་བྱིན་ཏེ། སྐྱེས་བུ་དམ་པ་ལེགས་སོ་ལེགས་སོ། །བྲམ་ཟེ་དམ་པ་དེ་རིང་དུ།
D343.075.0274a03.01དེ་བཞིན་གཤེགས་ལ་ལེགས་བསྟོད་པའི། །སྟོབས་དང་བརྩོན་འགྲུས་རྫོགས་པ་འདིས། །བསྐལ་པ་དགུ་ཞིག་འདུམས་པར་གྱུར། །ཅེས་གསུངས་སོ། །དེ་ནས་བཅོམ་ལྡན་འདས་དེ་ལྷ་ཆེ་བར་གྲགས་པ་རྣམས་ཀྱིས་ཞབས་འབྲིང་བྱས་ཏེ་ཕུག་དེའི་ནང་ན་བཞུགས་པ་དང་ཕུག་དེའི་
D343.075.0274a04.01ནང་ན་གནས་པའི་ལྷ་ཆུང་བར་གྲགས་པ་ཞིག་ཡོད་པ་དེས་ཕུག་དེའི་ནང་དུ་འགྲོ་མ་ནུས་སོ། །དེ་ནས་དེས་མིག་མི་སྡུག་པར་བསྒྱུར་ཏེ་བཅོམ་ལྡན་འདས་ལ་བསྡིགས་སོ། །དེས་ཡུན་རིང་མོ་ཞིག་ཏུ་བསྡིགས་ཀྱང་བཅོམ་ལྡན་འདས་ལ་གནོད་པ་བྱེད་མ་ནུས་ནས་དེས་དད་པ་རྙེད་དེ་དྲང་སྲོང་འདི་
D343.075.0274a05.01ནི་བཟང་པོ་ཞིག་སྟེ་བརྟུལ་ཞུགས་གྲུབ་པ་ཞིག་གོ་སྙམ་མོ། །དེ་ནས་དེས་ལུས་རྒྱས་པར་སྤྲུལ་ནས་བཅོམ་ལྡན་འདས་ཀྱི་ཞབས་ལ་ཕྱག་འཚལ་ཏེ་བཟོད་པ་གསོལ་ནས་བཤོས་ཀྱང་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་སྙམ་དུ་སེམས། དེའི་ཚེ་དེའི་
D343.075.0274a06.01དུས་ན་ཕུག་དེ་ན་གནས་པའི་ལྷར་གྱུར་པ་གང་ཡིན་པ་དེ་ནི་མི་སྡུག་པ་འདི་ཡིན་ཏེ། ལས་དེའི་རྣམ་པར་སྨིན་པས་འཁོར་བར་སྡུག་བསྔལ་མཐའ་ཡས་པ་མྱོང་བར་གྱུར་ལ་ད་ལྟར་ཡང་རྒྱུ་དེ་ཁོ་ནས་མི་སྡུག་པར་གྱུར་ཏོ། །དེས་ཕྱིས་སེམས་དགའ་བ་བསྐྱེད་པ་དེས་ནི་འདིའི་མི་སྡུག་པ་མེད་པར་
D343.075.0274a07.01