完整藏文原文 · 德格版页 当前仅加载第 75 函德格 257a 版页；藏文 NFD、目录标记与异常页序保留在来源切片中，重复版页行以稳定序号区分。
མཁའ་དང་ལག་མཐིལ་དུ་འདྲ་བའི་སེམས་དང་ལྡན་པ། ཙན་དན་སྦངས་པ་ལྟ་བུར་བསིལ་བར་གྱུར་པ། རིག་པས་སྒོ་ངའི་སྦུབས་བཅོམ་པ། རིག་པ་དང་། མངོན་པར་ཤེས་པ་དང་། སོ་སོ་ཡང་དག་པར་རིག་པ་ཐོབ་པ། སྲིད་པའི་རྙེད་པ་དང་།
D343.075.0257a01.01ཆགས་པ་དང་། བཀུར་སྟི་ལ་མི་ལྟ་བ། དབང་པོ་དང་ཉེ་དབང་དང་བཅས་པའི་ལྷ་རྣམས་ཀྱིས་མཆོད་ཅིང་རྗེད་པ་དང་གུས་པར་སྨྲ་བའི་གནས་སུ་གྱུར་ཏོ། །དེ་ནས་རྒན་པོས་དགྲ་བཅོམ་པ་ཉིད་ཐོབ་ནས་བདག་གིས་ཀྱང་གདུལ་བར་བྱ་བ་འགའ་ལྟ་ཡོད་དམ་སྙམ་དུ་བསམས་པ་དང་།
D343.075.0257a02.01དེས་ཚོང་པ་ལྔ་བརྒྱ་ཙམ་རྒྱ་མཚོའི་ནང་ན་སྲིན་པོ་ནག་པོའི་རླུང་གིས་བསྐོར་ཅིང་འདུག་པ་མཐོང་ནས་སྡུག་བསྔལ་དང་ཕྲད་པ་འདི་དག་བདག་གིས་སྡུག་བསྔལ་དེ་ལས་ཡོངས་སུ་བསྐྱབ་པར་བྱའོ། །འོན་ཏང་དེ་དག་བདག་གིས་འདུལ་བར་འགྱུར་རོ་སྙམ་མོ། །དེ་ནས་རྒན་པོ་རྫུ་
D343.075.0257a03.01འཕྲུལ་གྱིས་སོང་ནས་འཇིགས་པ་དེ་ལས་ཡོངས་སུ་བསྐྱབས་སོ། །དེ་ནས་དེ་དག་དད་པ་སྐྱེས་ཏེ་ཐམས་ཅད་རབ་ཏུ་བྱུང་ནས་དེ་དག་ལ་ཡིད་ལ་བྱེད་པའི་ལུང་ཕོག་སྟེ། དེ་དག་ཐམས་ཅད་ཀྱིས་བརྩོན་པ་དང་། བསྒྲུབ་པ་དང་། འབད་པས་ཉོན་མོངས་པ་ཐམས་ཅད་སྤངས་
D343.075.0257a04.01ནས་དགྲ་བཅོམ་པ་ཉིད་མངོན་སུམ་དུ་བྱས་སོ། །དེ་ནས་དེ་དག་གི་ཡོན་ཏན་རྣམས་སུས་ཀྱང་མི་ཤེས་ནས་དྲུག་སྡེ་རྣམས་འཕྱ་བར་གྱུར་ཏེ། རྒན་བླུན་དུ་འདུག་ལ་མི་ལྔ་བརྒྱ་དང་ལྷན་ཅིག་འཁོད་ཅིང་དྲུང་དུ་བཞག་པས་འདི་དག་ཀྱང་དེ་དང་འདྲ་བར་དུལ་བར་མི་འགྱུར་རོ་ཞེས་འཛེར་
D343.075.0257a05.01ཏོ། །དེ་ནས་ཚེ་དང་ལྡན་པ་ཀུན་དགའ་བོ་ཚངས་པ་མཚུངས་པར་སྤྱོད་པ་ལ་མཉེས་གཤིན་པ། གཞན་ལ་ཕན་འདོགས་པ་ལ་ཞུགས་པས། ཚེ་དང་ལྡན་པ་གནས་བརྟན་གླེང་བར་འདོད་ནས། ཚེ་དང་ལྡན་པ་གནས་བརྟན་རྒན་པོ་ག་ལ་བ་དེར་སོང་སྟེ་ཕྱིན་ནས། ཚེ་དང་
D343.075.0257a06.01ལྡན་པ་གནས་བརྟན་རྒན་པོ་དང་ལྷན་ཅིག་ཏུ་མངོན་སུམ་དུ་ཡང་དག་པར་མགུ་བར་འགྱུར་བ་དང་། ཡང་དག་པར་དགའ་བར་འགྱུར་བའི་གཏམ་རྣམ་པ་སྣ་ཚོགས་ཀྱིས་འདྲེས་ནས་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་ཚེ་དང་ལྡན་པ་ཀུན་དགའ་བོས་
D343.075.0257a07.01