完整藏文原文 · 德格版页 当前仅加载第 75 函德格 208b 版页；藏文 NFD、目录标记与异常页序保留在来源切片中，重复版页行以稳定序号区分。
སྨན་ཟོང་རྣམས་བརྙེས་པ། ཉན་ཐོས་ཀྱི་དགེ་འདུན་དང་བཅས་པ་ཡུལ་ཀ་ཙང་ག་ལ་ན་ཀ་ཙང་ག་ལའི་ནགས་ཁྲོད་ན་བཞུགས་སོ། །དེའི་ཚེ་ཡུལ་ཀ་ཙང་ག་ལ་དེ་ན་རྒན་མོ་ཀ་ཙང་ག་ལ་ཞེས་བྱ་བ་ཞིག་གནས་པ་དེས་བུམ་པ་ཐོགས་ཏེ་ཁྲོན་པའི་དྲུང་དུ་ཆུ་འཆུར་སོང་བ་དང་། དེར་
D343.075.0208b01.01བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་སོང་ལ་རྒན་མོ་དེ་ལ་བཅོམ་ལྡན་འདས་སྐྱེམས་ཀྱིས་ཆུ་ཕུལ་ཅིག་ཅེས་གྱིས་ཤིག །དེ་ནས་ཀུན་དགའ་བོས་བསྒོ་ནས། དེ་ན་རེ་འཕགས་པ་བདག་ཉིད་ཀྱིས་འཚལ་ཏེ་མཆིའོ་ཞེས་ཟེར་རོ། །
D343.075.0208b02.01དེ་ནས་རེ་ཞིག་ན་ཀ་ཙང་ག་ལས་བུམ་པ་ཆུས་བཀང་སྟེ་བཅོམ་ལྡན་འདས་ཀྱི་ཐད་དུ་སོང་བ་དང་། ཀ་ཙང་ག་ལས་སངས་རྒྱས་བཅོམ་ལྡན་འདས་སྐུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ལེགས་པར་བརྒྱན་པ། དཔེ་བྱད་བཟང་པོ་བརྒྱད་ཅུས་མཛེས་པར་བྱས་པ། འོད་
D343.075.0208b03.01འདོམ་གང་གིས་ལེགས་པར་བརྒྱན་པ། ཉི་མ་སྟོང་བས་ལྷག་པའི་འོད་མངའ་བ། རིན་པོ་ཆེའི་རི་བོ་འགྲོ་བ་ལྟ་བུ་ཀུན་ནས་བཟང་བ་མཐོང་ནས། མཐོང་མ་ཐག་ཏུ་དེ་བུ་ལ་བྱམས་པའི་སེམས་སྐྱེས་ཏེ། ནུ་མ་གཉིས་ལས་ཀྱང་འོ་མའི་རྒྱུན་བབ་ནས་དེས་བུ་བུ་ཞེས་སྨྲས་ཏེ།
D343.075.0208b04.01བཅོམ་ལྡན་འདས་ལ་འཁྱུད་པར་བྱེད་དོ། །དེ་ནས་དགེ་སློང་རྣམས་ཀྱིས་དེ་བཀག་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱོད་ཀྱིས་རྒན་མོ་འདི་མ་དག་གཅིག །དེ་ཅིའི་ཕྱིར་ཞེ་ན། འདི་ནི་ཚེ་རབས་ལྔ་བརྒྱའི་བར། །རྒྱུན་དུ་ང་ཡི་མར་གྱུར་
D343.075.0208b05.01ཏེ། །ང་ལ་བུ་ཡི་བྱམས་པ་ཡིས། །འདི་ནི་ལུས་ལ་འཁྱུད་པར་བྱེད། །ང་ཡི་ལུས་ལ་འཁྱུད་པ་ལས། །གལ་ཏེ་འདི་ནི་བཀག་གྱུར་ན། །འདི་ནི་དེའུ་རེ་འཕྲལ་ཉིད་དུ། །ཁ་ནས་ཁྲག་དྲོན་སྐྱུག་པར་འགྱུར། །བུ་ལ་བྱམས་པ་འདི་མཐོང་ནས། །དྲིན་དུ་གཟོ་བ་དྲན་གྱུར་ཏེ། །
D343.075.0208b06.01སྙིང་ཡང་རྗེ་ཞིང་སྙིང་བརྩེ་བས། །ལུས་ལ་ཡང་ནི་འཁྱུད་དུ་གཞུག །དེ་ནས་རེ་ཞིག་ན་དེ་བུ་ལ་བྱམས་པ་རྩེ་ཞིལ་ནས་ཆོས་མཉན་པའི་ཕྱིར་བཅོམ་ལྡན་འདས་ཀྱི་སྤྱན་སྔར་འདུག་གོ། །དེ་ནས་བཅོམ་ལྡན་འདས་ཀྱིས་དེའི་བསམ་པ་དང་། བག་ལ་ཉལ་དང་། ཁམས་དང་། རང་
D343.075.0208b07.01