完整藏文原文 · 德格版页 当前仅加载第 75 函德格 252a 版页；藏文 NFD、目录标记与异常页序保留在来源切片中，重复版页行以稳定序号区分。
བལྟ་ན་སྡུག་ལ་མཛེས་པ་ཞིག་བཙས་སོ། །དེ་ནས་དེ་བཙས་པའི་བཙས་སྟོན་བྱས་ནས་ཁྱེའུ་འདིའི་མིང་ཇི་སྐད་གདགས་ཞེས་མིང་འདོགས་པར་བྱེད་དེ། ཉེ་དུ་རྣམས་ན་རེ་ཁྱེའུ་འདིའི་ཕ་འབྱོར་པ་ཡིན་པས་ན་དེའི་ཕྱིར་ཁྱེའུ་འདིའི་མིང་རབ་འབྱོར་ཞེས་གདགས་སོ་ཞེས་
D343.075.0252a01.01ཟེར་རོ། །དེ་ནས་ཁྱེའུ་རབ་འབྱོར་བསྐྱེད་བསྲིངས་ཏེ་ཆེར་སྐྱེས་ནས་དེ་སྔོན་གྱི་རྒྱུའི་སྟོབས་དང་ཤུགས་ཀྱིས་སྤྲོ་ཐུང་བ་དང་ཁྲོ་བ་དང་། ཞེ་གནག་པའི་ཤས་ཆེ་བར་གྱུར་ཏེ། དེ་ནས་ཕ་མ་གཉིས་ཀྱིས་སྲིད་སྲུང་ལས་ཕྱུང་སྟེ། དྲང་སྲོང་གི་ནང་དུ་རབ་
D343.075.0252a02.01ཏུ་ཕྱུང་ནས་དེ་ཡང་དེ་ན་བསམ་གཏན་ལྷུར་བྱེད་པར་གྱུར་ཏེ་ནགས་ཁྲོད་ཅིག་ན་རྟེན་ཅིང་འདུག་གོ། །ནགས་ཁྲོད་དེ་ན་ལྷ་བདེན་པ་མཐོང་བ་ཞིག་ཀྱང་གནས་ཏེ། དེས་དེ་ལ་སྙིང་རྗེ་བསྐྱེད་ནས་རིགས་ཀྱི་བུ་འདི་ནི་ཁྲོ་བ་དང་ཞེ་གནག་པའི་ཤས་ཆེ་བས་ཁྱད་པར་ཐོབ་པར་
D343.075.0252a03.01མི་འགྱུར་གྱིས། བདག་གིས་འདི་བཅོམ་ལྡན་འདས་ལ་བལྟར་གཞུག་གོ་སྙམ་མོ། །དེ་ནས་ལྷ་དེས་རབ་འབྱོར་གྱི་མདུན་དུ་སངས་རྒྱས་དང་། ཆོས་དང་། དགེ་འདུན་གྱི་བསྔགས་པ་བརྗོད་དོ། །དེ་ནས་རབ་འབྱོར་བཅོམ་ལྡན་འདས་བལྟ་བའི་འདོད་པ་སྐྱེས་ནས་ལྷ་
D343.075.0252a04.01དེའི་རྫུ་འཕྲུལ་གྱི་མཐུས་བཅོམ་ལྡན་འདས་ཀྱི་ཐད་དུ་ཁྲིད་དོ། །དེ་ནས་དེས་སངས་རྒྱས་བཅོམ་ལྡན་འདས་སྐུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ལེགས་པར་བརྒྱན་པ། དཔེ་བྱད་བཟང་པོ་བརྒྱད་ཅུས་མཛེས་པར་བྱས་པ། འོད་འདོམ་གང་གིས་བརྒྱན་པ། ཉི་མ་
D343.075.0252a05.01སྟོང་བས་ལྷག་པའི་འོད་མངའ་བ། རིན་པོ་ཆེའི་རི་བོ་འགྲོ་བ་ལྟ་བུ་ཀུན་ནས་བཟང་བ་མཐོང་ནས། མཐོང་མ་ཐག་ཏུ་དེའི་སེམས་ཅན་རྣམས་ལ་ཞེ་ནོན་པའི་སེམས་གང་ཡིན་པ་དེ་མེད་པར་གྱུར་ཏོ། །དེ་ནས་དགའ་བ་སྐྱེས་ཏེ་བཅོམ་ལྡན་འདས་ཀྱི་ཞབས་ལ་ཕྱག་འཚལ་ནས་ཆོས་
D343.075.0252a06.01མཉན་པའི་ཕྱིར་བཅོམ་ལྡན་འདས་ཀྱི་སྤྱན་སྔར་འདུག་གོ། །དེ་ནས་བཅོམ་ལྡན་འདས་ཀྱིས་དེའི་བསམ་པ་དང་། བག་ལ་ཉལ་དང་། ཁམས་དང་། རང་བཞིན་ཐུགས་སུ་ཆུད་ནས་འཕགས་པའི་བདེན་པ་བཞི་རྟོགས་པར་འགྱུར་བ་དེ་ལྟ་བུའི་ཆོས་བསྟན་ཏེ། དེ་ཐོས་ནས་
D343.075.0252a07.01