完整藏文原文 · 德格版页 当前仅加载第 75 函德格 153b 版页；藏文 NFD、目录标记与异常页序保留在来源切片中，重复版页行以稳定序号区分。
མཛད་དུ་གསོལ། །དེ་ལྟ་ལགས་ཀྱིས་ཀྱང་བདག་སྔོན་དུ་མཆིས་ཏེ། རྒྱལ་པོ་གཟུགས་ཅན་སྙིང་པོ་ལ་བཅོམ་ལྡན་འདས་གཤེགས་སོ་ཞེས་སྦྲན་པར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། དེ་ལྟར་གྱིས་ཤིག །དེ་ནས་རེ་ཞིག་ན་དེ་བཅོམ་ལྡན་འདས་ཀྱི་སྔོན་དུ་
D343.075.0153b01.01ཆས་ཏེ་མཐར་གྱིས་རྒྱལ་པོའི་ཐད་དུ་ཕྱིན་ཏོ། །དེའི་ཚེ་རྒྱལ་པོ་གཟུགས་ཅན་སྙིང་པོ་ནི་ཁང་{བཟངས་ཀྱི་,བཟང་གི་}སྟེང་ན་བུད་མེད་འབའ་ཞིག་དང་སིལ་སྙན་གྱིས་རྩེ་ཞིང་དགའ་ལ་དགའ་མགུར་སྤྱོད་དོ། །དེ་ནས་ནེ་ཙོ་མི་སྐད་ཤེས་པ་དེས་རྒྱལ་པོ་ལ་སྨྲས་པ། ཀྱེ་རྒྱལ་པོ་ཁྱོད་མཁྱེན་པར་མཛོད་
D343.075.0153b02.01ཅིག །བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ཁྱོད་ཀྱི་ཡུལ་དུ་གཤེགས་ལགས་ཀྱིས། ལྷ་ཁྱོད་ཀྱིས་བཤོས་སྟ་གོན་མཛད་པའི་རིགས་སོ་ཞེས་བྱས་སོ། །དེ་ནས་རྒྱལ་པོ་ཤིན་ཏུ་རིངས་པར་ཁང་{བཟངས་ཀྱི་,བཟང་གི་}སྟེང་ནས་བབས་ཏེ། བློན་པོ་ཆེན་པོའི་
D343.075.0153b03.01ཚོགས་ཀྱིས་ཞབས་འབྲིང་བྱས་ཏེ། བཅོམ་ལྡན་འདས་ཀྱི་གདན་རྣམས་བཤམས་ནས་གདུགས་དང་། རྒྱལ་མཚན་དང་། བ་དན་རྣམས་དང་། བདུག་པ་དང་། སྤོས་དང་། མེ་ཏོག་རྣམ་པ་སྣ་ཚོགས་ཀྱིས་བཅོམ་ལྡན་འདས་བསུའོ། །དེ་ནས་བཅོམ་ལྡན་འདས་ཉན་
D343.075.0153b04.01ཐོས་ཀྱི་དགེ་འདུན་དང་བཅས་པ། བཀུར་སྟི་ཆེན་པོ་དང་ལྡན་པས་ནང་དུ་སྤྱན་དྲངས་ནས་ཞལ་ཟས་བཟང་པོས་ཚིམ་པར་བྱས་སོ། །དེ་ནས་ནེ་ཙོ་དེ་འདི་སྙམ་དུ་སེམས་ཏེ། བཅོམ་ལྡན་འདས་ཀྱི་ཉན་ཐོས་ཀྱི་དགེ་འདུན་གྱི་འབྱོར་པ་འདི་དག་ཐམས་ཅད་ནི་བདག་གི་ཡོན་ཏན་ཡིན་ནོ་སྙམ་དུ་
D343.075.0153b05.01རིག་ནས་དགའ་ཞིང་མགུ་ལ་ཡི་རངས་ཏེ། རབ་ཏུ་དགའ་ཞིང་དགའ་བ་དང་ཡིད་བདེ་བ་སྐྱེས་ནས་རྒྱལ་པོའི་མདུན་ལོགས་སུ་ཕན་ཚུན་དུ་ལྡིང་བ་ལས་ཁྲས་ཁྱེར་ཏེ་བསད་དོ། །བཅོམ་ལྡན་འདས་ལ་སེམས་དགའ་བ་བསྐྱེད་དེ་ཤི་བས་ནི་སུམ་ཅུ་རྩ་གསུམ་པའི་ལྷ་ཡུལ་བཟང་པོར་སྐྱེས་སོ། །
D343.075.0153b06.01ལྷའི་བུའམ་ལྷའི་བུ་མོ་སྐྱེས་ནས་རིང་པོ་མ་ལོན་པ་ནི་ཆོས་ཉིད་ཀྱིས་སེམས་རྣམ་པ་གསུམ་སྐྱེ་བར་འགྱུར་ཏེ། གང་ནས་ཤི་འཕོས། གང་དུ་སྐྱེས། ལས་གང་གིས་སྐྱེས་སྙམ་མོ། །དེ་ནས་དུད་འགྲོ་ལས་ཤི་འཕོས་པ་དང་སུམ་ཅུ་རྩ་གསུམ་པའི་ལྷ་ཡུལ་བཟང་པོར་སྐྱེས་པ་དང་
D343.075.0153b07.01