完整藏文原文 · 德格版页 当前仅加载第 75 函德格 109b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོ་རྣམས་དང་། ཕྱུག་པོ་རྣམས་དང་། ཕོ་བྲང་འཁོར་གྱི་མི་རྣམས་དང་། ཚོང་དཔོན་རྣམས་དང་། དེད་དཔོན་རྣམས་དང་། ལྷ་རྣམས་དང་། ཀླུ་རྣམས་དང་། གནོད་སྦྱིན་རྣམས་དང་། ལྷ་མ་ཡིན་རྣམས་དང་། ནམ་མཁའ་ལྡིང་རྣམས་དང་། མི་འམ་ཅི་རྣམས་དང་། ལྟོ་འཕྱེ་ཆེན་
D343.075.0109b01.01པོ་རྣམས་ཀྱིས་བཀུར་སྟི་བྱས། བླ་མར་བྱས། རི་མོར་བྱས། མཆོད་པ་བྱས་ཏེ། ལྷ་དང་། ཀླུ་དང་། གནོད་སྦྱིན་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་རྣམས་ཀྱིས་མཆོད་ཅིང་ཤེས་པའི་སངས་རྒྱས་བཅོམ་ལྡན་འདས་བསོད་ནམས་
D343.075.0109b02.01ཆེན་པོ་དང་ལྡན་པ། ན་བཟའ་དང་། ཞལ་ཟས་དང་། གཟིམས་ཆ་དང་། གདན་དང་། སྙུན་གསོས་དང་། སྨན་ཟོང་རྣམས་བརྙེས་པ། ཉན་ཐོས་ཀྱི་དགེ་འདུན་དང་བཅས་པ་མཉན་དུ་ཡོད་པ་ན་རྒྱལ་བུ་རྒྱལ་བྱེད་ཀྱི་ཚལ་ཁྱིམ་བདག་མགོན་མེད་ཟས་སྦྱིན་གྱི་ཀུན་དགའ་ར་བ་ན་
D343.075.0109b03.01བཞུགས་སོ། །དེ་ནས་བཅོམ་ལྡན་འདས་སྔ་དྲོ་ཤམ་ཐབས་དང་ཆོས་གོས་གསོལ་ཏེ་ལྷུང་བཟེད་བསྣམས་ནས་མཉན་དུ་ཡོད་པར་བསོད་སྙོམས་ལ་གཤེགས་སོ། །དེ་ནས་རེ་ཞིག་ན་མཐར་གྱིས་གཤེགས་ཏེ་ལམ་པོ་ཆེར་ཞུགས་པ་དང་། བྲམ་ཟེ་ཞིག་ཀྱང་ལམ་པོ་ཆེ་དེར་
D343.075.0109b04.01འོངས་སོ། །དེ་ནས་དེས་སངས་རྒྱས་བཅོམ་ལྡན་འདས་སྐུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ལེགས་པར་བརྒྱན་པ། དཔེ་བྱད་བཟང་པོ་བརྒྱད་ཅུས་མཛེས་པར་བྱས་པ། འོད་འདོམ་གང་གིས་བརྒྱན་པ། ཉི་མ་སྟོང་བས་ལྷག་པའི་འོད་མངའ་བ། །རིན་པོ་ཆེའི་
D343.075.0109b05.01རི་བོ་འགྲོ་བ་ལྟ་བུ་ཀུན་ནས་བཟང་བ་མཐོང་ངོ་། །མཐོང་ནས་ཀྱང་ཤིན་ཏུ་ཡུན་རིང་དུ་བརྟགས་ནས་ས་ལ་རི་མོ་བྲིས་ཏེ་བཅོམ་ལྡན་འདས་ལ་གསོལ་པ། ཀྱེ་གཽ་ཏ་མ་བདག་ལ་ཀཱར་ཥཱ་པ་ཎ་ལྔ་བརྒྱ་ཙམ་མ་སྩལ་གྱི་བར་དུ་ཁྱོད་ཀྱིས་རི་མོ་འདི་མི་འདའ་བར་གསོལ། དེ་ནས་བཅོམ་ལྡན་འདས་
D343.075.0109b06.01ཀྱིས་ལས་ཆུད་མི་ཟ་བར་བསྟན་པ་དང་། མ་བྱིན་པར་ལེན་པ་ལས་བཟློག་པའི་ཕྱིར་སྒོ་སྐྱེས་བཙུགས་པ་བཞིན་དུ་གཞེས་སོ། །དེ་ནས་མཉན་དུ་ཡོད་པ་ཐོག་ཐག་ཏུ་བཅོམ་ལྡན་འདས་ལམ་པོ་ཆེར་བྲམ་ཟེ་ཞིག་གིས་ཀཱར་ཥཱ་པ་ཎ་ལྔ་བརྒྱའི་ཕྱིར་འགྲོར་མི་སྟེར་རོ་ཞེས་དེ་སྐད་དུ་གཏམ་གྲག་
D343.075.0109b07.01