完整藏文原文 · 德格版页 当前仅加载第 75 函德格 219b 版页；藏文 NFD、目录标记与异常页序保留在来源切片中，重复版页行以稳定序号区分。
སྲོང་མངོན་པར་ཤེས་པ་ལྔ་དང་ལྡན་པ། དཀའ་ཐུབ་དྲག་པོ་སྤྱོད་པ། ཟས་སུ་རྩ་བ་དང་འབྲས་བུ་ཟ་ལ་གོས་སུ་{རི་དགས་,རི་དྭགས་}ཀྱི་གཡང་གཞི་དང་ཤིང་ཤུན་གྱོན་པ། མེའི་སྦྱིན་སྲེག་བྱེད་པ་ཞིག་གནས་སོ། །དེ་ཡང་སྙིང་རྗེ་ཅན། བདག་ཉིད་ཆེ་བ། ཆོས་འདོད་པ། སྐྱེ་དགུ་ལ་བྱམས་
D343.075.0219b01.01པ། ཕོངས་པར་གྱུར་པ་རྣམས་ལ་ཡོངས་སུ་སྐྱོབ་པ་ཞིག་གོ། །དེ་ནས་རེ་ཞིག་ན་བཱ་རཱ་ཎ་སཱིའི་ཚོང་པ་ལྔ་བརྒྱ་རྒྱ་མཚོ་ཆེན་པོའི་ནང་དུ་འགྲོ་འདོད་པར་གྱུར་ཏེ། དེ་དག་མཐར་གྱིས་སོང་སོང་ནས་རྒྱ་མཚོའི་འགྲམ་དུ་ཕྱིན་པ་དང་། དེ་དག་གིས་དྲང་སྲོང་དེ་མཐོང་ནས་དད་པ་སྐྱེས་ཏེ་རྐང་པ་ལ་
D343.075.0219b02.01ཕྱག་འཚལ་ནས་གསོལ་བ་བཏབ་པ། བཅོམ་ལྡན་འདས་གལ་ཏེ་བདག་ཅག་རྒྱ་མཚོའི་ནང་དུ་མཆིས་པ་ལས་ཕོངས་པ་འགའ་ཞིག་བྱུང་བར་གྱུར་ན། བཅོམ་ལྡན་འདས་ཁྱོད་ཀྱིས་བདག་ཅག་ཡོངས་སུ་བསྐྱབ་པར་གསོལ་ཞེས་བྱས་ནས་དེས་ཀྱང་གནང་སྟེ་དེ་ལྟར་བྱའོ་ཞེས་བྱས་སོ། །དེ་ནས་
D343.075.0219b03.01ཚོང་པ་དེ་དག་གིས་རིན་པོ་ཆེ་དག་བླངས་ནས་འཛམ་བུའི་གླིང་ལོགས་སུ་ཆས་སོ། །དེ་ནས་རེ་ཞིག་ན་སྲིན་པོ་ནག་པོའི་རླུང་གིས་ཀུན་ཏུ་བསྐོར་བ་ལས་དྲང་སྲོང་དེས་ཡོངས་སུ་བསྐྱབས་སོ། །དེ་ནས་གྲུའི་དོན་གྲུབ་སྟེ་ཉེ་ཞོ་མེད་པར་ཕྱིར་འཁོར་ནས་དྲང་སྲོང་གི་ཐད་དུ་ཕྱིན་ཏེ་སྨྲས་པ། ཀྱེ་དྲང་
D343.075.0219b04.01སྲོང་ཆེན་པོ་དཀའ་བས་འབད་པ་དང་། སྙིང་རྗེའི་རང་བཞིན་འདིས་ཅི་ཞིག་སྒྲུབ་ཅིང་བཞུགས། དེས་སྨྲས་པ། འཇིག་རྟེན་ལོང་བ་འདྲེན་པ་མེད་ཅིང་ཡོངས་སུ་འདྲེན་པ་མེད་པར་སེམས་ཅན་མ་རྒལ་བ་རྣམས་སྒྲོལ་བ་དང་། མ་གྲོལ་བ་རྣམས་འགྲོལ་བ་དང་། དབུགས་མ་ཕྱིན་པ་རྣམས་
D343.075.0219b05.01དབུགས་འབྱིན་པ་དང་། ཡོངས་སུ་མྱ་ངན་ལས་མ་འདས་པ་རྣམས་ཡོངས་སུ་མྱ་ངན་ལས་ཟློ་བའི་སངས་རྒྱས་སུ་གྱུར་ཅིག་ཅེས་བྱས་སོ། །དེ་དག་གིས་སྨྲས་པ། ནམ་ཁྱོད་སངས་རྒྱས་སུ་གྱུར་པ་དེའི་ཚེ་བདག་ཅག་ལ་ཡང་དགོངས་པར་གསོལ། དྲང་སྲོང་གིས་སྨྲས་པ་དེ་ལྟར་བྱའོ། །བཅོམ་ལྡན་
D343.075.0219b06.01འདས་ཀྱིས་བཀའ་སྩལ་པ། དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ན་དྲང་སྲོང་དུ་གྱུར་པ་གང་ཡིན་པ་དེ་ནི་ང་ཡིན་ནོ། །ཚོང་པ་དེ་དག་ནི་རྒྱ་མཚོ་ལ་སོགས་པ་འདི་དག་ཡིན་ཏེ་དེའི་ཚེ་ཡང་ངས་འདི་དག་ཡོངས་སུ་བསྐྱབས་སོ། །གཞན་ཡང་བཅོམ་ལྡན་འདས་འོད་སྲུང་གི་རིང་
D343.075.0219b07.01