完整藏文原文 · 德格版页 当前仅加载第 75 函德格 50b 版页；藏文 NFD、目录标记与异常页序保留在来源切片中，重复版页行以稳定序号区分。
སྨིན་ཟིན་པ་ལས་རྣམ་པར་གྲོལ་བར་བྱ་སྙམ་དུ་ཡེ་ཤེས་གཟིགས་པ་འཇུག་གོ། །འདིར་སྨྲས་པ། རྒྱ་མཚོ་ཆུ་སྲིན་རྣམས་ཀྱི་གནས། །དུས་རླབས་ཡོལ་བར་འགྱུར་ཡང་སྲིད། །གདུལ་བར་བྱ་བའི་སྲས་རྣམས་ལ། །སངས་རྒྱས་དུས་ལས་ཡོལ་བ་མེད། །
D343.075.0050b01.01དེ་ནས་བཅོམ་ལྡན་འདས་ཀྱིས་གདུལ་བའི་སྐྱེ་བོ་ལ་ཕན་གདགས་པའི་ཕྱིར་འཇིག་རྟེན་པའི་དགོངས་པ་བསྐྱེད་དེ། ཀྱེ་མ་དྲི་ཟའི་བུ་ཟུར་ཕུད་ལྔ་པ་དྲི་ཟ་བདུན་སྟོང་གིས་བསྐོར་བས་པི་བང་གཞི་བཻ་དཱུརྱ་ལས་བྱས་པ་ཁྱེར་ཏེ་ངའི་ཐད་དུ་འོངས་ན་ལེགས་སོ་སྙམ་དུ་དགོངས་སོ། །དེ་ནས་དགོངས་
D343.075.0050b02.01པ་བསྐྱེད་པའི་མོད་ལ། དྲི་ཟའི་བུ་ཟུར་ཕུད་ལྔ་པ་དྲི་ཟ་བདུན་སྟོང་གིས་བསྐོར་བས། བཅོམ་ལྡན་འདས་ལ་ཚུལ་བཞིན་དུ་མཆོད་པ་བྱས་ནས་བཅོམ་ལྡན་འདས་ལ་པི་བང་གཞི་བཻ་དཱུརྱ་ལས་བྱས་པ་ཕུལ་ལོ། །དེ་ནས་རོལ་མོ་མཁན་གྱི་རྒྱལ་པོ་རབ་{དགའས,དགས}། བཅོམ་ལྡན་
D343.075.0050b03.01འདས་ཀྱི་སྤྱན་སྔར་པི་བང་བླངས་ཏེ། དེ་ལས་རྒྱུད་གཅིག་ལས་ཀྱང་སྐད་སྣ་བདུན་དང་ཁོང་ནས་འཁྱིག་པ་སྣ་ཉི་ཤུ་རྩ་གཅིག་འབྱུང་བ་བསྟན་ཏེ། དེ་ཐོས་པས་རྒྱལ་པོ་གསལ་རྒྱལ་དང་སྐྱེ་བོ་ཕལ་པོ་ཆེ་གཞན་དག་ཀྱང་མཆོག་ཏུ་ཡ་མཚན་དུ་གྱུར་ཏོ། །དེ་ནས་བཅོམ་ལྡན་
D343.075.0050b04.01འདས་ཀྱིས་ཀྱང་པི་བང་གཞི་བཻ་དཱུརྱ་ལས་བྱས་པ་སྦྲེངས་ཏེ། དེ་ལས་རྒྱུད་གཅིག་ལས་ཀྱང་སྐད་ཀྱི་ཁྱད་པར་སྣ་དུ་མ་དང་ཁོང་དུ་འཁྱིག་པའི་སྣ་གྲངས་དུ་མ་འབྱུང་བ་བསྟན་ཏོ། །དེ་དག་ཀྱང་སྟོང་པའི་རྣམ་པ་དང་བདག་མེད་པའི་རྣམ་པར་གྲག་གོ། །ལུས་འདི་ཡང་པི་བང་
D343.075.0050b05.01དང་འདྲ་བར་བསྟན་ཏོ། །སྐད་རྣམས་ནི་དབང་པོ་དང་འདྲ་བར་བསྟན་ཏོ། །ཁོང་དུ་འཁྱིག་པ་རྣམས་ནི་སེམས་ཀྱི་ཁམས་དང་འདྲ་བར་བསྟན་ཏེ། དེ་ཐོས་པས་རོལ་མོ་མཁན་གྱི་རྒྱལ་པོ་རབ་དགའ་དད་པ་སྐྱེས་ནས་པི་བང་དྲི་གཙང་ཁང་དུ་བུལ་ཏེ། བཅོམ་ལྡན་འདས་ཀྱི་
D343.075.0050b06.01ཐད་དུ་རབ་ཏུ་བྱུང་ནས་དེས་བརྩོན་པ་དང་བསྒྲུབ་པ་དང་འབད་པས་ཕོལ་མིག་ལྔ་པའི་འཁོར་བའི་འཁོར་ལོ་འདི་ཉིད་གཡོ་ཞིང་མི་བརྟན་པར་རིག་ནས། འདུ་བྱེད་ཀྱི་རྣམ་པ་ཐམས་ཅད་སྙིལ་བ་དང་ལྟུང་བ་དང་རྣམ་པར་འཐོར་བ་དང་རྣམ་པར་འཇིག་པའི་ཆོས་ཅན་ཡིན་པར་རྩད་ཆོད་དེ། ཉོན་
D343.075.0050b07.01