完整藏文原文 · 德格版页 当前仅加载第 75 函德格 255a 版页；藏文 NFD、目录标记与异常页序保留在来源切片中，重复版页行以稳定序号区分。
གསོན་པོ་རྣམས་ནི་ཐ་མར་འཆི། །ཞེས་སྨྲས་ཏེ་ཤིའོ། །དེ་ནས་དེ་ཤི་ནས་གོས་སྔོན་པོ་དང་། སེར་པོ་དང་། དམར་པོ་དང་། དཀར་པོ་དག་གིས་ཁྱོགས་བརྒྱན་ཏེ་བསིལ་བའི་ཚལ་གྱི་དུར་ཁྲོད་དུ་ཁྱེར་ནས་སྨན་པའི་རྒྱལ་པོ་འཚོ་བྱེད་བོས་སོ། །རྒྱལ་
D343.075.0255a01.01པོའི་ཁབ་ཀྱི་གྲོང་ཁྱེར་ཐོག་ཐག་ཏུ་ཡང་འདི་ལྟར་བུད་མེད་ཆེ་གེ་མོ་ཞིག་ལ་ལོ་འདི་སྙེད་ཅིག་གི་བར་དུ་བུ་མངལ་ན་འདུག་འདུག་སྟེ། དེའི་བུ་གཞན་བཅུ་བྱུང་ཡང་ཐོག་མའི་བུ་མངལ་ན་འདུག་པ་དེ་མ་བྱུང་ནས། དེང་སྨན་པའི་རྒྱལ་པོ་འཚོ་བྱེད་ཀྱིས་ཤི་བ་དེའི་ལྟ་མཚོན་
D343.075.0255a02.01གྱིས་དྲལ་ཏེ། དང་པོའི་ཁྱེའུ་མངལ་དུ་འདུག་པ་དེ་དབྱུང་བར་འཚལ་ལོ་ཞེས་དེ་སྐད་དུ་སྒྲ་གྲག་གོ། །སྒྲ་གྲག་ནས་ཀྱང་སྲོག་ཆགས་འབུམ་ཕྲག་དུ་མ་དང་རྫོགས་བྱེད་ལ་སོགས་པ་སྟོན་པ་དྲུག་པོ་རྣམས་བསིལ་བའི་ཚལ་གྱི་དུར་ཁྲོད་དུ་ལྟད་མོ་ལ་འདུས་སོ། །དེ་ནས་
D343.075.0255a03.01བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་དགེ་སློང་རྣམས་ལ་འདི་སྐད་དུ་བཅོམ་ལྡན་འདས་དུར་ཁྲོད་རྒྱུ་ཞིང་གཤེགས་པར་བཞེད་ཀྱིས་ཁྱེད་ལས་གང་རྨད་དུ་བྱུང་བ་ལྟ་འདོད་པ་དེ་དག་གཤེགས་ཤིག་ཅེས་བསྒོ་ཤིག །
D343.075.0255a04.01དེ་ནས་རེ་ཞིག་ན་བཅོམ་ལྡན་འདས་ཚེ་དང་ལྡན་པ་ཀུན་ཤེས་ཀཽཎྜི་ནྱ་དང་། རླངས་པ་དང་། མིང་ཆེན་དང་། མ་འགགས་པ་དང་། ཤཱ་རིའི་བུ་དང་། མཽད་གལ་གྱི་བུ་དང་། འོད་སྲུང་དང་། ཀུན་དགའ་བོ་དང་། ནམ་གྲུ་ལ་སོགས་པ་ཉན་ཐོས་ཆེན་པོ་རྣམས་ཀྱིས་
D343.075.0255a05.01ཞབས་འབྲིང་བྱས་ཏེ་བསིལ་བའི་ཚལ་གྱི་དུར་ཁྲོད་དུ་གཤེགས་སོ། །སྐྱེ་བོའི་ཚོགས་ཀྱིས་ཀྱང་བཅོམ་ལྡན་འདས་མཐོང་ནས་གོ་ཕྱེའོ། །དེ་ནས་སྨན་པ་འཚོ་བྱེད་ཀྱིས་བུད་མེད་དེའི་གློ་གཡས་པ་དྲལ་ཏོ། །དེ་ནས་ཁྱེའུ་དེ་རང་བྱུང་ནས་སྐྲ་དཀར་ཞིང་ཡན་ལག་གཉེར་
D343.075.0255a06.01མས་གང་བ། ལུས་ཀྱི་ཕྱོགས་ཆ་རྣམས་རྒན་ཤར་གྱུར་པ། དབང་པོ་རྙིས་པ། རིད་དེ་བ། ཉམ་སྟོབས་ཆུང་ངུ་ཞིག་བྱུང་ངོ་། །དེ་ནས་བྱུང་མ་ཐག་ཏུ་སྐྱེ་བོའི་ཚོགས་དེ་དག་ལ་བལྟས་ནས་ཚིག་ཏུ་སྨྲས་པ། ཀྱེ་བླ་མ་རྣམས་སམ། བླ་མ་ལྟ་བུ་རྣམས་སམ། ཕ་མའམ། མཁན་
D343.075.0255a07.01