完整藏文原文 · 德格版页 当前仅加载第 75 函德格 194b 版页；藏文 NFD、目录标记与异常页序保留在来源切片中，重复版页行以稳定序号区分。
མེལ་ཚེ་བྱས་པ་ཡིན་ནོ་ཞེས་སྨྲས་སོ། །དེ་ནས་དེས་ཐལ་མོ་སྦྱར་ཏེ་ཁྱིམ་བདག་ལ་གསོལ་པ། བདག་བཅོམ་ལྡན་འདས་ཀྱི་བསྟན་པ་ལ་རབ་ཏུ་འབྱུང་བར་ཅི་གནང་ཞེས་བྱས་སོ། །དེ་ནས་ཁྱིམ་བདག་དེས་ལྷུང་བཟེད་དང་ཆོས་གོས་ཀྱང་བྱིན་ནས། དེ་ཇོ་བོས་བྱིན་པའི་ལྷུང་བཟེད་དང་ཆོས་
D343.075.0194b01.01གོས་ཁྱེར་ཏེ་བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་ནས། དེས་བཅོམ་ལྡན་འདས་འོད་སྲུང་གི་གསུང་རབ་ལ་ལོ་དགུ་སྟོང་གི་བར་དུ་ཞལ་ཏ་བའི་ལས་བྱས་ཏེ། འབྲས་ཆན་དང་། སྐྱོ་མ་དང་། ཐུག་པ་བཏུང་བ་དང་། རྟག་རེས་འཁོར་དང་། མགྲོན་དུ་བོད་པ་དང་། མར་མེའི་ཕྲེང་
D343.075.0194b02.01བ་དང་། ཆོས་གོས་སྲ་བརྐྱང་རྣམས་དང་། སྦྱིན་པ་དང་རབ་ཏུ་སྦྱིན་པ་རྣམས་ཀྱང་ཕུལ་ཏེ། སྨོན་ལམ་བཏབ་པ། བདག་གིས་དཀའ་བས་བསྒྲུབས་ཏེ། བཅོམ་ལྡན་འདས་འོད་སྲུང་ལ་སྦྱིན་པ་དང་རབ་ཏུ་སྦྱིན་པ་དག་ཕུལ་བའི་དགེ་བའི་རྩ་བ་དང་སེམས་བསྐྱེད་པ་དང་སྦྱིན་པར་བྱ་བའི་ཆོས་
D343.075.0194b03.01ཡོངས་སུ་གཏོང་བ་འདིས་ན། བདག་བཅོམ་ལྡན་འདས་ཤཱཀྱ་ཐུབ་པའི་གསུང་རབ་ལ་རབ་ཏུ་འབྱུང་བ་ཐོབ་པར་གྱུར་ཅིག་ཅེས་བྱས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ན་བུ་མོ་མངག་གཞུག་མར་གྱུར་པ་གང་ཡིན་པ་དེ་ནི་རབ་སྡུག་
D343.075.0194b04.01མ་འདི་ཡིན་ཏེ། དེས་བཅོམ་ལྡན་འདས་འོད་སྲུང་ལ་ཞལ་ཟས་ཕུལ་བ་དེས་ན་ཕྱུག་པོའི་རིགས་སུ་སྐྱེས་ཏེ། གཟུགས་བཟང་ཞིང་བལྟ་ན་སྡུག་ལ་མཛེས་པ་དང་སྐྱེ་བོ་ཐམས་ཅད་ཀྱིས་བཀུར་བར་གྱུར་ཏོ། །སྨོན་ལམ་བཏབ་པ་དེས་ནི་ད་ལྟར་དགྲ་བཅོམ་པ་ཉིད་མངོན་སུམ་དུ་བྱས་སོ། །དགེ་སློང་
D343.075.0194b05.01དག་དེ་ལྟར་ན་ལས་གཅིག་ཏུ་ངེས་པར་གནག་པ་རྣམས་ནི་རྣམ་པར་སྨིན་པ་ཡང་གཅིག་ཏུ་ངེས་པར་གནག་པར་འགྱུར་རོ། །ལས་གཅིག་ཏུ་ངེས་པར་དཀར་བ་རྣམས་ནི་རྣམ་པར་སྨིན་པ་ཡང་གཅིག་ཏུ་ངེས་པར་དཀར་བར་འགྱུར་རོ། །ལས་འདྲེན་མ་རྣམས་ནི་རྣམ་པར་སྨིན་པ་ཡང་འདྲེན་མར་འགྱུར་
D343.075.0194b06.01རོ། །དགེ་སློང་དག་དེ་བས་ན་ལས་གཅིག་ཏུ་ངེས་པར་གནག་པ་རྣམས་དང་། ལས་འདྲེན་མ་རྣམས་སྤངས་ལ། ལས་གཅིག་ཏུ་ངེས་པར་དཀར་བ་རྣམས་འབའ་ཞིག་ལ་གཏད་པར་བྱ་སྟེ། དགེ་སློང་ཁྱོད་ཀྱིས་དེ་ལྟར་བསླབ་པར་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་
D343.075.0194b07.01