完整藏文原文 · 德格版页 当前仅加载第 75 函德格 217b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་ལང་ཚོ་ལ་བབ་པ་དེ་སྲིད་དུ་ནི་ནོར་སྤེལ་བར་བྱའོ། །ཕྱིས་རྒས་པའི་ཚེ་ནི་བདེ་བར་ལོངས་སྤྱད་པར་བྱའོ་སྙམ་མོ། །དེ་ནས་དེད་དཔོན་དེ་གཡོག་འཁོར་ཚོང་པ་ལྔ་བརྒྱ་དང་རྒྱ་མཚོའི་གྲུ་ཉོས་ནས་ཆུང་མ་དང་བཅས་ཏེ་རྒྱ་མཚོ་ཆེན་པོའི་ནང་དུ་ཞུགས་སོ། །དེ་ནས་རེ་ཞིག་ན་དེའི་ཆུང་མ་ལ་བུ་
D343.075.0217b01.01ཆགས་ནས་རྒྱ་མཚོ་དེ་ཉིད་ཀྱི་ནང་དུ་བུ་བྱུང་སྟེ། ཁྱེའུ་གཟུགས་བཟང་ཞིང་བལྟ་ན་སྡུག་ལ་མཛེས་པ་ཞིག་བཙས་སོ། །དེ་ནས་དེ་བཙས་པའི་བཙས་སྟོན་བྱས་ནས་མིང་རྒྱ་མཚོ་ཞེས་བཏགས་སོ། །དེ་ནས་རེ་ཞིག་ན་དེད་དཔོན་དེ་གྲུའི་དོན་གྲུབ་ནས་ཉེ་ཞོ་མེད་པར་རྒྱ་མཚོ་ཆེན་པོ་ནས་ཕྱིར་འཁོར་
D343.075.0217b02.01ཏོ། །དེ་ནས་གང་གི་ཚེ་ཁྱེའུ་རྒྱ་མཚོ་ཆེར་སྐྱེས་པ་དེའི་ཚེ་ཕས་དེད་དཔོན་དུ་བསྐོས་ནས་གཡོག་འཁོར་ཚོང་པ་ལྔ་བརྒྱ་དང་རྒྱ་མཚོ་ཆེན་པོར་བཏང་སྟེ། དེ་མཐར་གྱིས་སོང་སོང་བ་ལས། གྲོང་དང་། གྲོང་རྡལ་དང་། གྲོང་ཁྱེར་དང་། ཡུལ་འཁོར་དང་། རྒྱལ་པོའི་ཕོ་བྲང་དང་།
D343.075.0217b03.01ཚོང་འདུས་རྣམས་མཐོང་ནས་རྒྱ་མཚོའི་འགྲམ་དུ་ཕྱིན་ཏེ། ཀཱར་ཥཱ་པ་ཎ་ལྔ་བརྒྱས་གྲུའི་གླ་བྱས་ཏེ་ཞོ་ཤས་འཚོ་བ་རྣམ་པ་ལྔ་སྟེ། གྲུ་ཤོལ་བ་དང་། ཆུ་འཕྱག་པ་དང་། མཉན་པ་དང་། བྱེའུ་ཟུལ་མཁན་དང་། རུ་སྐྱ་འཛིན་པ་རྣམས་ཀྱང་ཁྲིད་དེ། དེས་ལན་གསུམ་དུ་དྲིལ་བསྒྲགས་
D343.075.0217b04.01ནས་རྒྱ་མཚོ་ཆེན་པོར་ཞུགས་སོ། །དེ་ནས་དེ་དག་རྒྱ་མཚོ་ཆེན་པོར་སོང་བ་དང་། སྲིན་པོ་ནག་པོའི་རླུང་གིས་གྲུ་དེ་ཕུ་མདར་བསྐོར་ཏོ། །དེད་དཔོན་རྒྱ་མཚོ་ནི་མུ་སྟེགས་ཅན་ལ་དགའ་སྟེ། དེ་དུས་མ་ཡིན་པར་འཆི་བས་འཇིགས་སྐྲག་ནས་སྟོན་པ་དྲུག་ལ་གསོལ་བ་འདེབས་པ་ལ་ཞུགས་ཀྱང་
D343.075.0217b05.01གྲུ་དེ་རླུང་གིས་ཡེ་བསྐོར་ཏོ། །དེ་ནས་རེ་ཞིག་ན་ཚོང་པ་གཞན་དག་ཀྱང་ལྷ་སྟོང་སྙེད་ལ་གསོལ་བ་འདེབས་པ་ལ་ཞུགས་ཏེ། སྨྲས་པ། གུ་ལང་ཆུ་ལྷ་ཀུ་བེ་ར་དང་རླུང་ལྷ་མེ་ལྷ་དབང་ཆེན་དང་། །དྲང་སྲོང་སྣ་ཚོགས་ལྷ་དང་ས་ལ་གནས་པའི་ཀླུ་མང་དེ་དག་ལ། །བདག་ཅག་དད་པ་
D343.075.0217b06.01ལགས་ཀྱིས་བདག་ཅག་འདི་ན་འཆི་བའི་གནོད་གྱུར་ལགས། །མྱུར་དུ་སྡུག་བསྔལ་འདི་དག་བསལ་ཏེ་འགྲོན་པོ་རྣམས་ནི་བསྐྱབ་པར་གསོལ། །དེ་ནས་དེ་དག་གིས་དེ་ལྟར་སྨྲེ་སྔགས་བཏོན་ཀྱང་སྐྱབས་བྱེད་པ་སུ་ཡང་མེད་དོ། །དེ་ནས་རེ་ཞིག་ན་དགེ་བསྙེན་ཞིག་གྲུ་དེའི་ནང་ན་འདུག་པ་དེས་སྨྲས་
D343.075.0217b07.01