完整藏文原文 · 德格版页 当前仅加载第 75 函德格 64a 版页；藏文 NFD、目录标记与异常页序保留在来源切片中，重复版页行以稳定序号区分。
བྱེ་ནས་པད་མ་དེའི་སྙིང་པོ་ལ་ཁྱེའུ་གཟུགས་བཟང་ཞིང་བལྟ་ན་སྡུག་ལ་མཛེས་པ་མདོག་བཟང་བ་གསེར་གྱི་ཁ་དོག་ཅན་མགོ་བོ་གདུགས་ལྟར་འདུག་པ། ལག་པ་རིང་བ། དཔྲལ་བའི་དབྱེས་ཆེ་བ། སྣ་མཐོ་བ། སྣ་ལེགས་པ། སྨིན་མ་སྟུག་པ། ལུས་སྐྱེས་བུ་
D343.075.0064a01.01ཆེན་པོའི་མཚན་སུམ་ཅུ་རྩ་གཉིས་ཀྱིས་ལེགས་པར་བརྒྱན་པ། དཔེ་བྱད་བཟང་པོ་བརྒྱད་ཅུས་མཛེས་པར་བྱས་པ་ཞིག་སྐྱིལ་མོ་ཀྲུང་བཅས་ཤིང་འདུག་སྟེ། དེའི་ཁ་ནས་ནི་པད་མའི་དྲི་འབྱུང་ལ། ལུས་ལས་ནི་ཙན་དན་གྱི་དྲི་འབྱུང་ངོ་། །དེ་ནས་ཀུན་དགའ་ར་བའི་སྲུང་མས་ཀྱང་
D343.075.0064a02.01རྒྱལ་པོ་ལ་གསོལ་ཏོ། །དེ་ནས་རྒྱལ་པོ་བློན་པོ་དང་བཙུན་མོ་དང་བཅས་པ་སྐྱེད་མོས་ཚལ་དུ་དོང་ནས། ཁྱེའུ་དེས་མཐོང་མ་ཐག་ཏུ་རྒྱལ་པོ་ལ་སྨྲས་པ། ཡབ་ཚུར་གཤེགས་བདག་ནི་ཁྱོད་སྲས་མི་མངའ་བའི་སྲས་ལགས་སོ། །དེ་ནས་རྒྱལ་པོ་དགའ་ཞིང་མགུ་ལ་ཡི་རངས་ནས་སྨྲས་པ།
D343.075.0064a03.01བུ་དེ་ནི་ཁྱོད་ཇི་སྐད་ཟེར་བ་བཞིན་ནོ། །དེ་ནས་རྒྱལ་པོ་རྫིང་གི་ནང་དུ་ཞུགས་ནས། པད་མའི་སྙིང་པོ་ལས་ཁྱེའུ་བླངས་ཏེ་ལག་པར་བཞག་གོ། །དེ་ནས་ཁྱེའུ་དེས་གང་དང་གང་དུ་རྐང་པ་བཞག་པ་དེ་དང་དེར་པད་མ་དག་བྱུང་ངོ་། དེ་ནས་དེའི་མིང་ཙན་དན་ཞེས་བཏགས་སོ། །གང་གི་ཚེ་ཁྱེའུ་
D343.075.0064a04.01ཙན་དན་ཁད་ཀྱིས་ཆེར་སྐྱེས་པ་དེའི་ཚེ་གྲོང་ཁྱེར་གྱི་མི་རྣམས་ཀྱིས་རྒྱལ་པོ་ལ་གསོལ་པ། ལྷ་བདག་ཅག་གི་གྲོང་ཁྱེར་འདིར་དུས་སྟོན་བྱུང་ན་ལྷ་སྲས་ཙན་དན་བཏང་བའི་རིགས་སོ། །འོན་ཀྱང་བདག་ཅག་དང་ལྷན་ཅིག་ཏུ་དུས་སྟོན་མྱོང་བར་འགྱུར་ལ་གནས་ཐམས་ཅད་ཀྱང་པད་མས་བརྒྱན་
D343.075.0064a05.01པར་འགྱུར་ལགས་སོ། །རྒྱལ་པོས་སྨྲས་པ་དེ་ལྟར་བྱའོ། །དེ་ནས་ཙན་དན་རྒྱན་ཐམས་ཅད་ཀྱིས་བརྒྱན་པ། བློན་པོའི་བུ་རྣམས་ཀྱིས་གཡོག་འཁོར་དང་བཅས་པ། རོལ་མོའི་སྒྲ་རྣམ་པ་སྣ་ཚོགས་བྱེད་ཅིང་གྲོང་ཁྱེར་གྱི་དུས་སྟོན་མྱོང་བར་བྱ་བའི་ཕྱིར་རྒྱལ་པོའི་ཕོ་བྲང་ནས་ཕྱི་རོལ་དུ་
D343.075.0064a06.01བྱུང་ངོ་། །དེ་ནས་དེ་དེར་འགྲོ་བ་ན་གོམ་པ་རེ་རེ་ལ་པད་མ་བལྟ་ན་སྡུག་ཅིང་ཡིད་འཕྲོག་པ་དག་བྱུང་སྟེ། དེ་དག་ལ་ཉི་མའི་འོད་ཟེར་གྱིས་ཕོག་མ་ཐག་ཏུ་རྙིས་ཤིང་སྐམས་སོ། །དེ་ནས་སེམས་ཅན་དག་པ་བསམ་པ་དགེ་བ་སྔོན་སངས་རྒྱས་ལ་དགེ་བའི་རྩ་བ་བསྐྱེད་བསྐྱེད་པ་དེས་དེ་མཐོང་ནས་
D343.075.0064a07.01