完整藏文原文 · 德格版页 当前仅加载第 75 函德格 236a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་གདུལ་བྱའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ།
D343.075.0236a01.01སངས་རྒྱས་བཅོམ་ལྡན་འདས་འོད་སྲུང་ཞེས་བྱ་བ་འཇིག་རྟེན་དུ་བྱུང་སྟེ། དེ་གྲོང་ཁྱེར་བཱ་རཱ་ཎ་སཱི་ན་དྲང་སྲོང་སྨྲ་བ་{རི་དགས་,རི་དྭགས་}ཀྱི་ནགས་ན་རྟེན་ཅིང་བཞུགས་སོ། །དེའི་ཚེ་དེ་ན་ཚོང་དཔོན་ཞིག་གནས་པ་དེའི་ཆུང་མ་བུ་བཙའ་བའི་ཚེ་སྡུག་བསྔལ་གྱི་ཚོར་བས་ཉེན་ཏེ་ཉམ་ཐག་
D343.075.0236a02.01པའི་སྐད་འབྱིན་ཅིང་ངུ་བ་དང་། དེས་དེའི་སྒྲ་ཐོས་ནས་མཆོག་ཏུ་མི་དགའ་བར་གྱུར་ཏེ། མྱ་ངན་གྱི་ཁང་བུར་ཞུགས་ནས་ལག་པ་ལ་རྐོམ་ཚུགས་བཅས་ཏེ་སེམས་ཁོང་དུ་ཆུད་ཅིང་འདུག་པ་ལས་དེའི་བློ་སྐྱེས་པ། མ་ལ་བདག་བཅོམ་ལྡན་འདས་ཀྱི་བསྟན་པ་ལ་རབ་
D343.075.0236a03.01ཏུ་བྱུང་ལ། ཅི་ནས་བདག་གིས་ནམས་ཀྱང་མངལ་དུ་གནས་པ་ཉམས་སུ་མྱོང་བར་མ་གྱུར་ཅིག་ཅེས་སྨོན་ལམ་གདབ་གོར་མ་ཆག་སྙམ་སྟེ། དེ་སྐྱོ་བར་གྱུར་པ་དེ་ཉིད་ཀྱིས་བཅོམ་ལྡན་འདས་འོད་སྲུང་གི་གསུང་རབ་ལ་རབ་ཏུ་བྱུང་ནས་དེས་སྨོན་ལམ་བཏབ་པ། དགེ་
D343.075.0236a04.01བའི་རྩ་བ་དང་སེམས་བསྐྱེད་པ་འདིས་ན་བདག་གང་དང་གང་དུ་སྐྱེ་བ་དེ་དང་དེར་རྫུས་ཏེ་སྐྱེ་བར་གྱུར་ཅིག །ནམས་ཀྱང་མངལ་དུ་གནས་པ་ཉམས་སུ་མྱོང་བར་མ་གྱུར་ཅིག་ཅེས་བྱས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་སྙམ་དུ་སེམས། དེའི་
D343.075.0236a05.01ཚེ་དེའི་དུས་ན་ཚོང་དཔོན་དུ་གྱུར་པ་གང་ཡིན་པ་དེ་ནི་རྫུས་ཏེ་སྐྱེས་པ་འདི་ཡིན་ཏེ། སྨོན་ལམ་བཏབ་པ་དེས་ན་རྫུས་ཏེ་སྐྱེས་པར་གྱུར་ཏོ། །དེས་དེར་དབང་པོ་རྣམས་ཡོངས་སུ་སྨིན་པར་བྱས་པ་དེས་ནི་ད་ལྟར་དགྲ་བཅོམ་པ་ཉིད་མངོན་སུམ་དུ་བྱས་སོ། །དགེ་སློང་དག་དེ་
D343.075.0236a06.01ལྟར་ན་ལས་གཅིག་ཏུ་ངེས་པར་གནག་པ་རྣམས་ནི་རྣམ་པར་སྨིན་པ་ཡང་གཅིག་ཏུ་ངེས་པར་གནག་པར་འགྱུར་རོ། །ལས་གཅིག་ཏུ་ངེས་པར་དཀར་བ་རྣམས་ནི་རྣམ་པར་སྨིན་པ་ཡང་གཅིག་ཏུ་ངེས་པར་དཀར་བར་འགྱུར་རོ། །ལས་འདྲེན་མ་རྣམས་ནི་རྣམ་པར་
D343.075.0236a07.01