完整藏文原文 · 德格版页 当前仅加载第 75 函德格 206a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་བསོད་ནམས་ཆེན་པོ་དང་ལྡན་པ། ན་བཟའ་དང་། ཞལ་ཟས་དང་། གཟིམས་ཆ་དང་། གདན་དང་། སྙུན་གསོས་དང་། སྨན་ཟོང་རྣམས་བརྙེས་པ། ཉན་ཐོས་ཀྱི་དགེ་འདུན་དང་བཅས་པ་མཉན་དུ་ཡོད་པ་ན་རྒྱལ་བུ་རྒྱལ་བྱེད་ཀྱི་ཚལ་ཁྱིམ་བདག་མགོན་
D343.075.0206a01.01མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་མཉན་དུ་ཡོད་པ་ན་ཚོང་དཔོན་རྒྱལ་བ་ཞེས་བྱ་བ་ཕྱུག་ཅིང་ནོར་མང་ལ་ལོངས་སྤྱོད་ཆེ་བ། ཡོངས་སུ་འཛིན་པ། ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུའི་ནོར་དང་འགྲན་པ་ཞིག་གནས་པ་དེས་
D343.075.0206a02.01རིགས་མཉམ་པ་ལས་ཆུང་མ་བླངས་ནས། དེ་དེ་དང་ལྷན་ཅིག་ཏུ་རྩེ་ཞིང་དགའ་ལ་དགའ་མགུར་སྤྱོད་དོ། །དེ་རྩེ་ཞིང་དགའ་ལ་དགའ་མགུར་སྤྱོད་པ་ལས་ཕྱིས་ཆུང་མ་ལ་བུ་ཆགས་ནས། དེ་ཟླ་བ་བརྒྱད་དམ་དགུ་ལོན་པ་དང་བུ་བྱུང་སྟེ། བུ་མོ་གཟུགས་བཟང་ཞིང་བལྟ་ན་སྡུག་ལ་མཛེས་
D343.075.0206a03.01པ་མགོ་བོ་ལ་མུ་ཏིག་གི་ཕྲེང་བ་བཏགས་པ་ཞིག་བཙས་སོ། །དེ་ནས་དེ་བཙས་པའི་བཙས་སྟོན་བྱས་ནས་བུ་མོ་འདིའི་མིང་ཇི་སྐད་གདགས་ཞེས་མིང་འདོགས་པར་བྱེད་དེ། ཉེ་དུ་རྣམས་ན་རེ་བུ་མོ་འདི་བཙས་མ་ཐག་ཏུ་མགོ་བོ་ལ་མུ་ཏིག་གི་ཕྲེང་བ་བྱུང་བས་ན། དེའི་ཕྱིར་བུ་མོ་འདིའི་མིང་
D343.075.0206a04.01མུ་ཏིག་ཅེས་གདགས་སོ་ཞེས་ཟེར་རོ། །དེ་ནས་བུ་མོ་མུ་ཏིག་པང་ན་འཚོ་བའི་མ་མ་གཉིས་དང་། ནུ་མ་སྣུན་པའི་མ་མ་གཉིས་དང་། དྲི་མ་འཁྲུ་བའི་མ་མ་གཉིས་དང་། རྩེ་བའི་མ་མ་གཉིས་ཏེ་མ་མ་བརྒྱད་ལ་གཏད་ནས། དེ་མ་མ་བརྒྱད་ཀྱིས་འོ་མ་དང་། ཞོ་དང་། མར་དང་།
D343.075.0206a05.01ཞུན་མར་དང་། མར་གྱི་ཉིང་ཁུ་དང་། གཞན་ཡང་ཡོ་བྱད་ཀྱི་ཁྱད་པར་བཟང་ངོ་ཅོག་གིས་བསྐྱེད་བསྲིངས་ཏེ་མཚོའི་ནང་གི་པད་མ་བཞིན་དུ་སྐྱེ་དྲག་པར་གྱུར་ཏོ། །དེ་ནས་རེ་ཞིག་ན་བུ་མོ་མུ་ཏིག་མཐར་གྱིས་ཆེན་མོར་གྱུར་པ་དང་། དེའི་མུ་ཏིག་གི་ཕྲེང་བ་དེ་ཕོག་ན་ཕྱིར་ཞིང་བྱུང་བར་གྱུར་
D343.075.0206a06.01ཏོ། །དེ་ནས་བུ་མོ་དེས་བཀྲེན་པ་དང་ཕོངས་པ་རྣམས་མཐོང་ནས་ལོངས་སྤྱོད་ཀྱི་བགོ་བཤའ་བྱེད་དོ། །དེ་ནས་གང་གི་ཚེ་བག་མར་གཏང་རན་པར་གྱུར་པ་དང་། རྒྱལ་པོའི་བུ་རྣམས་དང་། བློན་པོའི་བུ་རྣམས་དང་། ཚོང་དཔོན་གྱི་བུ་མང་པོ་རྣམས་དེ་སློང་དུ་འོང་ངོ་། །དེ་ནས་དེའི་ཕ་མྱ་ངན་
D343.075.0206a07.01