完整藏文原文 · 德格版页 当前仅加载第 75 函德格 101b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་བདག་ཅག་གི་ཟས་གཞག་པའི་ཁང་པ་དང་། སྐོམ་གཞག་པའི་ཁང་པ་དང་། གོས་གཞག་པའི་ཁང་པ་དང་གཟིམས་ཁང་ལགས་ཏེ། ནོར་བུ་དང་། མུ་ཏིག་དང་། བཻ་དཱུརྱ་དང་། དུང་དང་། མན་ཤེལ་དང་། བྱི་རུ་དང་། གསེར་དངུལ་རྣམ་པ་སྣ་ཚོགས་ཀྱིས་ཡོངས་སུ་
D343.075.0101b01.01གང་བ་ལགས་ཀྱིས་ཚུར་སྤྱོན་དང་ལོངས་སྤྱད་པར་བགྱིའོ་ཞེས་ཟེར་ནས། དེ་དག་དང་ལྷན་ཅིག་ཏུ་ལོ་དུ་མར་དགའ་བ་མྱོང་སྟེ། འདི་ལྟར་དེ་ནི་བསོད་ནམས་བྱེད་བྱེད་པ་དང་དགེ་བ་བྱེད་བྱེད་པ་དང་རྫུ་འཕྲུལ་ཆེ་བ་དང་མཐུ་ཆེ་བ་ཡིན་པའི་ཕྱིར་རོ། །དེ་ནས་དེའི་ཡང་ལྷོ་ཕྱོགས་སུ་སོང་བ་
D343.075.0101b02.01ལས་འགྲོར་མི་སྟེར་ནས། དེ་ལྷོ་ཕྱོགས་ཀྱི་ལམ་དེར་འགྲོར་མི་སྟེར་བ་དང་། ལྷག་པར་ཡང་དེར་འགྲོ་འདོད་དེ་ཇི་ཙམ་དུ་ལྷོ་ཕྱོགས་སུ་སོང་བ་དེ་ཙམ་དུ་དེའི་འདོད་པ་སྐྱེའོ། །རེ་ཞིག་ན་ཡང་ལྷོ་ཕྱོགས་སུ་སོང་བ་དང་ལྕགས་ཀྱི་མཁར་ཞིག་མཐོང་སྟེ། དེ་དེའི་ནང་དུ་སོང་བ་དང་ནང་
D343.075.0101b03.01དུ་སོང་མ་ཐག་ཏུ་དེའི་སྒོ་བཅད་དོ། །དེ་ནས་དེ་བས་ཀྱང་ནང་དུ་སོང་བ་དང་དེའི་སྒོ་ཡང་བཅད་དོ། །དེ་བས་ཀྱང་ནང་དུ་སོང་བ་དང་རེ་ཞིག་ན་མི་བོ་ཆེ་ཞིག་མཐོང་ན། དེའི་མགོ་བོ་ལ་ལྕགས་ཀྱི་འཁོར་ལོ་ཀུན་ཏུ་འབར་ཞིང་རབ་ཏུ་འབར་ལ་ཀུན་ཏུ་རབ་ཏུ་འབར་ཏེ་འབར་བ་གཅིག་ཏུ་གྱུར་པ་
D343.075.0101b04.01ཞིག་འཁོར་ཞིང་འདུག་ལ་དེའི་མགོ་བོ་ལས་རྣག་ཁྲག་ཅི་འཛག་པ་རྣམས་དེའི་ཟས་སུ་ཟའོ། །དེ་ནས་མཛའ་བོའི་བུ་མོས་མི་དེ་ལ་དྲིས་པ། ཀྭའི་མི་ཁྱོད་སུ་ཡིན། དེ་ན་རེ་ང་ནི་མ་ལ་གནོད་པ་བྱེད་བྱེད་པ་ཡིན་ནོ། །ཞེས་ཟེར་རོ། །མི་དེས་སྨྲས་མ་ཐག་ཏུ་མཛའ་བོའི་བུ་མོས་ལས་དེ་
D343.075.0101b05.01དྲན་ནས་ང་ཡང་མ་ལ་གནོད་པ་བྱེད་བྱེད་པ་ཡིན་པ་སྙམ་གྱིས། ང་ཡང་ལས་དེ་ཁོ་ནས་འདིར་ཁྲིད་པ་ལྟ་སྙམ་མོ། །དེ་ནས་དེའི་སྐབས་སུ་ནམ་མཁའ་ལས་སྒྲ་བྱུང་སྟེ། བཅིངས་པ་གང་ཡིན་པ་དེ་དག་ནི་གྲོལ་བར་གྱུར་ཏོ། །གྲོལ་བ་གང་ཡིན་པ་དེ་དག་ནི་བཅིངས་སོ་ཞེས་ཟེར་ཏེ་དེ་སྐད་ཟེར་
D343.075.0101b06.01མ་ཐག་ཏུ་མི་དེའི་མགོ་བོ་ལ་འཁོར་ལོ་མི་སྣང་བར་གྱུར་ནས་མཛའ་བོའི་བུ་མོའི་མགོ་བོ་ལ་བྱུང་ངོ་། །དེ་ནས་མི་དེས་མཛའ་བོའི་བུ་མོ་སྡུག་བསྔལ་གྱིས་དཀོས་ཐག་པ་མཐོང་ནས་ཚིགས་སུ་བཅད་དེ་སྨྲས་པ། ཁྱེད་ནི་ལོངས་བྱེད་རྟག་ཏུ་མྱོས། །དགའ་བྱེད་ཚངས་པའི་བླ་མ་ཡི། །
D343.075.0101b07.01