完整藏文原文 · 德格版页 当前仅加载第 75 函德格 19a 版页；藏文 NFD、目录标记与异常页序保留在来源切片中，重复版页行以稳定序号区分。
འདོད་པའི་འདམ་དུ་བྱིང་བ་ལས་ལག་ནས་དྲང་བར་བྱ། སུ་ནི་འཕགས་པའི་ནོར་བདུན་མེད་པ་ལས་འཕགས་པའི་ནོར་བདུན་གྱི་དབང་ཕྱུག་ལ་དབང་བྱེད་དུ་གཞུག་པར་བྱ། སུ་ནི་དགེ་བའི་རྩ་བ་རྣམས་མ་བསྐྱེད་པ་ལས་བསྐྱེད་པར་བྱ། སུ་ནི་དགེ་བའི་རྩ་བ་རྣམས་
D343.075.0019a01.01བསྐྱེད་ཟིན་པ་ལས་ཡོངས་སུ་སྨིན་པར་བྱ། སུ་ནི་ཡོངས་སུ་སྨིན་ཟིན་པ་ལས་རྣམ་པར་གྲོལ་བར་བྱ་སྙམ་དུ་ཡེ་ཤེས་གཟིགས་པ་འཇུག་གོ། །འདིར་སྨྲས་པ། རྒྱ་མཚོ་ཆུ་སྲིན་རྣམས་ཀྱི་གནས། །དུས་རླབས་ཡོལ་བར་འགྱུར་ཡང་སྲིད། །གདུལ་བར་བྱ་བའི་སྲས་རྣམས་ལ། །སངས་
D343.075.0019a02.01རྒྱས་དུས་ལས་ཡོལ་བ་མེད། །དེ་ནས་བཅོམ་ལྡན་འདས་ཀྱིས་ཚོང་དཔོན་གྱི་བུ་ཆེ་བའི་གནས་སྐབས་དེ་གཟིགས་ནས། འོད་ཟེར་གསེར་གྱི་ཁ་དོག་ཅན་ཉི་མ་སྟོང་གི་འོད་པས་ལྷག་པ་དག་བཀྱེ་སྟེ། དེ་དག་གིས་ཁྱིམ་དེ་ཀུན་ཏུ་སྣང་བར་བྱས་སོ། །བསྐལ་པ་སྟོང་དུ་ཡོངས་སུ་བསྒོམས་
D343.075.0019a03.01པའི་བྱམས་པའི་འོད་ཟེར་དག་ཀྱང་བཀྱེ་སྟེ། དེ་དག་གིས་དེའི་ལུས་ལ་ཕོག་མ་ཐག་ཏུ་རབ་ཏུ་སིམ་པར་གྱུར་ཏོ། །དེ་ནས་བཅོམ་ལྡན་འདས་དེའི་སྒོ་གང་དུ་གཤེགས་ནས་སྒོ་སྲུངས་ཀྱི་མིས་བཅོམ་ལྡན་འདས་སྒོ་ན་བཞུགས་སོ་ཞེས་དེ་ལ་སྦྲན་ཏོ། །དེ་ནས་ཚོང་དཔོན་གྱི་བུ་ཆེ་བ་དགའ་བར་
D343.075.0019a04.01གྱུར་ཏེ། དབུགས་མི་ཕྱིན་པ་དབུགས་ཕྱིན་པར་གྱུར་ནས་བཅོམ་ལྡན་འདས་གཤེགས་པ་ལེགས་སོ། །བཅོམ་ལྡན་འདས་ནང་དུ་གཤེགས་སུ་གསོལ། བཅོམ་ལྡན་འདས་ཀྱི་ཞལ་མཐོང་བར་འཚལ་ལོ་ཞེས་གསོལ་ཏོ། །དེ་ནས་བཅོམ་ལྡན་འདས་ནང་དུ་གཤེགས་ནས་གདན་
D343.075.0019a05.01བཤམས་པ་ལ་བཞུགས་སོ། །བཞུགས་ནས་ཀྱང་བཅོམ་ལྡན་འདས་ཀྱིས་ཆེ་བ་ལ་བཀའ་སྩལ་པ། ཆེ་བ་ཁྱོད་ལ་གནོད་པ་ཅི་ཞིག་ཡོད། ཆེ་བས་གསོལ་པ། བདག་ལ་ལུས་ཀྱི་གནོད་པ་དང་། སེམས་ཀྱི་གནོད་པ་མཆིས་སོ། །དེ་ནས་བཅོམ་ལྡན་འདས་ཀྱིས་དེ་ལ་སེམས་ཅན་ཐམས་
D343.075.0019a06.01ཅད་ལ་བྱམས་པའི་སེམས་ཀྱིས་གདམས་ངག་བསྟན་ཏེ། འདི་ནི་ཁྱོད་ཀྱི་སེམས་ཀྱི་སྡུག་བསྔལ་གྱི་གཉེན་པོ་ཡིན་ནོ་ཞེས་བཀའ་སྩལ་ཏོ། །དེ་ནས་འཇིག་རྟེན་པའི་ཐུགས་བསྐྱེད་དེ། ཀྱེ་མ་ལྷའི་དབང་པོ་བརྒྱ་བྱིན་གྱིས་རི་སྤོས་ཀྱི་ངད་ལྡང་ལས་སྨན་ཤི་རི་ཀ་ཁྱེར་ཏེ་འོངས་ན་ལེགས་སོ་སྙམ་
D343.075.0019a07.01