完整藏文原文 · 德格版页 当前仅加载第 75 函德格 9b 版页；藏文 NFD、目录标记与异常页序保留在来源切片中，重复版页行以稳定序号区分。
ལོན་པ་དང་བུ་བྱུང་སྟེ། ཁྱེའུ་གཟུགས་བཟང་ཞིང་བལྟ་ན་སྡུག་ལ་མཛེས་པ་ཞིག་བཙས་ནས་དེ་བཙས་པའི་ཚེ་ཁྱིམ་གང་གི་མི་ཐམས་ཅད་དགའ་བར་གྱུར་ཏེ་དེ་བཙས་པའི་བཙས་སྟོན་བྱས་ནས། ཁྱེའུ་འདིའི་མིང་ཇི་སྐད་གདགས་ཞེས་མིང་འདོགས་པར་བྱེད་དེ། ཉེ་དུ་རྣམས་
D343.075.0009b01.01ན་རེ་འདི་བཙས་པ་ན་ཁྱིམ་གང་གི་མི་ཐམས་ཅད་དགའ་བར་གྱུར་པས་ན་དེའི་ཕྱིར་ཁྱེའུ་འདིའི་མིང་དགའ་བྱེད་ཅེས་གདགས་སོ་ཞེས་ཟེར་ནས་དེའི་མིང་དགའ་བྱེད་ཅེས་བཏགས་སོ། །དེ་ནས་ཁྱེའུ་དགའ་བྱེད་པང་ན་འཚོ་བའི་མ་མ་གཉིས་དང་། ནུ་མ་སྣུན་པའི་མ་མ་གཉིས་དང་། དྲི་མ་
D343.075.0009b02.01འཁྲུ་བའི་མ་མ་གཉིས་དང་། རྩེ་བའི་མ་མ་གཉིས་ཏེ། མ་མ་བརྒྱད་ལ་གཏད་ནས་དེ་མ་མ་བརྒྱད་ཀྱིས་འོ་མ་དང་། ཞོ་དང་། མར་དང་། ཞུན་མར་དང་། མར་གྱི་ཉིང་ཁུ་དང་། གཞན་ཡང་ཡོ་བྱད་ཀྱི་ཁྱད་པར་བཟང་ངོ་ཅོག་གིས་བསྐྱེད་བསྲིངས་ཏེ། མཚོའི་ནང་གི་པད་མ་བཞིན་དུ་
D343.075.0009b03.01སྐྱེད་ཆེར་དྲག་པར་གྱུར་ཏོ། །དེ་ནས་དེ་གང་གི་ཚེ་ཆེར་སྐྱེས་ཏེ་ལོ་ལྔའམ་དྲུག་ལོན་པ་དེའི་ཚེ། ལེ་ལོ་ཅན་མཆོག་ཏུ་ལེ་ལོ་ཆེ་བ་ཞིག་ཏུ་གྱུར་ཏེ་མལ་དང་སྟན་ལས་ཀྱང་ལྡང་མི་འདོད་དོ། །དེ་བློ་རྣོ་ཞིང་གསལ་བས་ཁྱིམ་གྱི་ནང་དུ་འདུག་བཞིན་དུ་བསྟན་བཅོས་རྣམས་བསླབས་སོ། །དེ་ནས་
D343.075.0009b04.01ཚོང་དཔོན་དེ་འདི་སྙམ་དུ་སེམས་ཏེ་བདག་གིས་ལྷ་མཉེས་པར་བྱས་ནས། བརྒྱ་ལམ་ན་ལན་གཅིག་ན་བུ་སྐྱེས་པ་དེ་ཡང་ལེ་ལོ་ཅན་མཆོག་ཏུ་ལེ་ལོ་ཆེ་བ་ཞིག་ཏུ་གྱུར་ཏེ་མལ་དང་སྟན་ལས་ཀྱང་མི་ལྡང་ན་འདི་ལྟར་ལུས་ཐ་མལ་པར་གྱུར་ཀྱང་གྲུམ་པོ་བཞིན་དུ་ལྔ་རེ་འདུག་པ་འདི་འདྲ་བའི་བུ་ལྟ་
D343.075.0009b05.01ཅི་དགོས་སྙམ་མོ། །ཚོང་དཔོན་དེ་ཡང་རྫོགས་བྱེད་ལ་དགའ་སྟེ། དེས་མུ་སྟེགས་ཅན་གྱི་སྟོན་པ་དྲུག་རང་གི་ཁྱིམ་དུ་བོས་ནས། གལ་ཏེ་ཁྱེའུ་འདིས་དེ་དག་མཐོང་ན་རྗེས་བསྐྱེད་དེ་མལ་ནས་ལྡང་བ་ཙམ་ཡང་བྱེད་སྲིད་དམ་སྙམ་པ་དང་། དེ་ནས་ཁྱེའུ་ལེ་ལོ་ཅན་གྱིས་སྟོན་པ་དེ་དག་
D343.075.0009b06.01མཐོང་ནས་མིག་གིས་ཀྱང་མ་བལྟས་ན་ལྡང་བའམ་གུས་པར་སྨྲ་བའམ་སྟན་བསྟབས་པ་ལྟ་ཅི་སྨོས། དེ་ནས་ཚོང་དཔོན་དེས་གནས་སྐབས་དེ་ལྟ་བུ་མཐོང་ནས་ཆེས་རབ་ཏུ་གདུང་བར་གྱུར་ཏེ་ལག་པ་ལ་རྐོམ་ཚུགས་བཅས་ནས་སེམས་ཁོང་དུ་ཆུད་ཅིང་འདུག་གོ། །དེའི་སྐབས་སུ་སངས་རྒྱས་
D343.075.0009b07.01