完整藏文原文 · 德格版页 当前仅加载第 75 函德格 108a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་པོ་དེས་ལེགས་པར་གསུངས་པ་སྨྲ་བ་བཙལ་བའི་ཕྱིར། གསེར་བྱེ་བ་ཐོགས་ཏེ་གྲོང་དང་། གྲོང་རྡལ་དང་། ཡུལ་འཁོར་དང་། རྒྱལ་པོའི་ཕོ་བྲང་འཁོར་དག་ཏུ་བསྐོར་ན་འོན་ཀྱང་ལེགས་པར་གསུངས་པ་དེ་མ་རྙེད་ནས། རེ་ཞིག་ན་ཟླ་བ་དགུ་ཚང་བ་དང་བུ་
D343.075.0108a01.01བྱུང་སྟེ་ཁྱེའུ་གཟུགས་བཟང་ཞིང་བལྟ་ན་སྡུག་ལ་མཛེས་པ། མདོག་བཟང་བ་གསེར་གྱི་ཁ་དོག་ཅན་མགོ་བོ་གདུགས་ལྟར་འདུག་པ། ལག་པ་རིང་བ། དཔྲལ་བའི་དབྱེས་ཆེ་བ། སྣ་མཐོ་བ། སྣ་ལེགས་པ། སྨིན་མ་སྟུག་པ། ཡན་ལག་དང་ཉིང་ལག་ཐམས་ཅད་དང་ལྡན་པ་ཞིག་
D343.075.0108a02.01བཙས་སོ། །དེ་བཙས་པའི་ཚེ་བཙས་སྟོན་བྱས་ནས་ཁྱེའུའི་མིང་ཇི་སྐད་གདགས་ཞེས་མིང་འདོགས་པར་བྱེད་དེ། བློན་པོ་རྣམས་ན་རེ་ཁྱེའུ་འདི་མ་བཙས་བཞིན་དུ་ལེགས་པར་གསུངས་པ་ཚོལ་བས་ན། དེའི་ཕྱིར་ཁྱེའུ་འདིའི་མིང་ལེགས་པར་གསུངས་པ་ཚོལ་བ་ཞེས་བྱའོ་ཞེས་
D343.075.0108a03.01ཟེར་ནས། དེའི་མིང་ལེགས་པར་གསུངས་པ་ཚོལ་བ་ཞེས་བཏགས་སོ། །དེ་ནས་ཁྱེའུ་ལེགས་པར་གསུངས་པ་ཚོལ་བ་པང་ན་འཚོ་བའི་མ་མ་གཉིས་དང་། ནུ་མ་སྣུན་པའི་མ་མ་གཉིས་དང་། དྲི་མ་འཁྲུ་བའི་མ་མ་གཉིས་དང་། རྩེ་བའི་མ་མ་གཉིས་ཏེ་མ་མ་བརྒྱད་ལ་གཏད་ནས། མ་
D343.075.0108a04.01མ་བརྒྱད་ཀྱིས་འོ་མ་དང་། ཞོ་དང་། མར་དང་། ཞུན་མར་དང་། མར་གྱི་ཉིང་ཁུ་དང་། གཞན་ཡང་ཡོ་བྱད་ཀྱི་ཁྱད་པར་བཟང་ངོ་ཅོག་གིས་བསྐྱེད་བསྲིངས་ཏེ་མཚོའི་ནང་གི་པད་མ་བཞིན་དུ་སྐྱེ་དྲག་པར་གྱུར་ཏོ། །དེ་གང་གི་ཚེ་ཆེར་སྐྱེས་པ་དེའི་ཚེ་ཡང་ལེགས་པར་གསུངས་པ་བཙལ་ཏེ་
D343.075.0108a05.01མ་རྙེད་དོ། །དེ་ནས་དེ་ཕ་ཤི་བའི་འོག་ཏུ་རྒྱལ་པོར་བཅུག་ནས་བློན་པོ་རྣམས་ལ་བསྒོ་བ། ཡུལ་གྱི་གཙོ་བོ་དག་ང་ལ་ལེགས་པར་གསུངས་པ་དགོས་ཀྱིས། ངའི་ལེགས་པར་གསུངས་པ་ཚོལ་ཅིག་ཅེས་བྱས་སོ། །དེ་ནས་བློན་པོ་དེ་དག་གིས་ལེགས་པར་གསུངས་པ་བཙལ་
D343.075.0108a06.01བའི་ཕྱིར། འཛམ་བུའི་གླིང་ཐམས་ཅད་དུ་གསེར་བྱེ་བ་བསྟན་ཀྱང་ལེགས་པར་གསུངས་པ་མ་རྙེད་དོ། །དེ་ནས་དེ་དག་གིས་རྒྱལ་པོ་ལ་གསོལ་ཏོ། །དེ་ནས་རྒྱལ་པོ་དེ་ལེགས་པར་གསུངས་པ་ཉན་འདོད་པའི་ཕྱིར་གདུངས་ཤིང་ཡི་ཆད་དོ། །ལྷའི་དབང་པོ་བརྒྱ་བྱིན་ནི་འོག་མ་ལ་ཤེས་
D343.075.0108a07.01