完整藏文原文 · 德格版页 当前仅加载第 75 函德格 16a 版页；藏文 NFD、目录标记与异常页序保留在来源切片中，重复版页行以稳定序号区分。
ཚེའི་ཟན་རྙེད་པར་ཟད་དེ། དེས་ཅུང་ཟད་ཀྱང་གཞག་ཏུ་མེད་དོ། །དེ་ནས་དེ་འདི་སྙམ་དུ་སེམས་ཏེ། བདག་ནི་འཇིག་རྟེན་ཕ་རོལ་ནས་ཀྱང་བསོད་ནམས་མ་བྱས་པར་འདིར་འོངས་ལ། འདིར་ཡང་དགེ་བ་མི་བྱེད་པས་འདི་ནས་འཇིག་རྟེན་ཕ་རོལ་ཏུ་ཡང་བསོད་ནམས་
D343.075.0016a01.01ཀྱང་མ་བྱས། དགེ་བ་ཡང་མ་བྱས། འཇིགས་ཤིང་སྐྲག་པའི་མགོན་སྐྱབས་ཀྱང་མ་བྱས་པར་འགྲོ་དགོས་སྲིད་ཀྱིས། བདག་གིས་བཅོམ་ལྡན་འདས་ལ་སྣ་འགའ་ཞིག་གིས་མཆོད་པ་བྱ་གོར་མ་ཆག་སྙམ་མོ། །དེ་ནས་དེས་ཁྱིམ་བདག་གཞན་ཞིག་གི་རས་བཏགས་ནས། དེས་
D343.075.0016a02.01དེ་ལས་རས་ཀྱི་ཚར་ཚར་ཁྱེར་ཏེ་སྲང་དུ་ཞུགས་སོ། །བཅོམ་ལྡན་འདས་ཀྱི་སྔ་དྲོ་ཤམ་ཐབས་དང་ཆོས་གོས་གསོལ་ཏེ། ལྷུང་བཟེད་བསྣམས་ནས་མཉན་དུ་ཡོད་པར་བསོད་སྙོམས་ལ་གཤེགས་སོ། །དེ་ནས་དེས་སངས་རྒྱས་བཅོམ་ལྡན་འདས་སྐུ་མཚན་སུམ་ཅུ་རྩ་གཉིས་ཀྱིས་
D343.075.0016a03.01ལེགས་པར་བརྒྱན་པ། དཔེ་བྱད་བཟང་པོ་བརྒྱད་ཅུས་མཛེས་པར་བྱས་པ། འོད་འདོམ་གང་གིས་བརྒྱན་པ། ཉི་མ་སྟོང་བས་ལྷག་པའི་འོད་མངའ་བ། རིན་པོ་ཆེའི་རི་བོ་འགྲོ་བ་ལྟ་བུ་ཀུན་ནས་བཟང་བ་མཐོང་ངོ་། །མཐོང་ནས་ཀྱང་བཅོམ་ལྡན་འདས་ལ་སེམས་མངོན་པར་དགའ་
D343.075.0016a04.01བར་གྱུར་ཏོ། །བཅོམ་ལྡན་འདས་ཀྱིས་ཀྱང་དེ་ལ་ཕན་གདགས་པའི་ཕྱིར་ཉིད་ཀྱི་ཆོས་གོས་རལ་བར་བསྟན་ཏོ། །དེ་ནས་དེས་རས་ཀྱི་ཚར་ཚར་དེ་དག་བཅོམ་ལྡན་འདས་ལ་ཕུལ་ལོ། །བཅོམ་ལྡན་འདས་ཀྱིས་ཀྱང་དེའི་མོད་ལ་ཆོས་གོས་དྲུབས་པར་བསྟན་ཏོ། །དེ་ནས་དེ་རྒྱ་ཆེར་
D343.075.0016a05.01དགའ་བ་སྐྱེས་ནས་བཅོམ་ལྡན་འདས་ཀྱི་ཞབས་ལ་ཕྱག་འཚལ་ཏེ་སྨོན་ལམ་བཏབ་པ། སྦྱིན་པ་ཆུང་ལ་ཞིང་ནི་རྒྱ་ཆེ་སྟེ། །མཐུ་ཆེན་ཁྱོད་ཉིད་ཐུགས་སུ་ཆུད་པར་བས། །སྦྱིན་པ་ཆེན་པོར་གྱུར་པ་འདི་ཡིས་ནི། །བདག་ནི་རྒྱ་ཆེར་གྲགས་པའི་སངས་རྒྱས་ཤོག །སྦྱིན་པ་འདི་ནི་ཆུང་ངུ་
D343.075.0016a06.01ལགས་ཀྱིས་ཀྱང་། །བདག་གི་སེམས་ནི་རབ་ཡངས་དཔག་ཡས་ཏེ། །མི་དང་ལྷ་མཆོག་རྒྱལ་བས་བཞེས་ནས་ནི། །སྦྱིན་པ་ཆུང་ཡང་འབྲས་བུ་ཆེན་པོར་འགྱུར། །བཅོམ་ལྡན་འདས་ཀྱིས་བཀའ་སྩལ་པ། ཁྱོད་ནི་ཕྱི་མར་ཞི་བ་མཐུ་ཆེ་བ། །རྒྱ་ཆེན་གྲགས་པ་མི་དང་ལྷས་མཆོད་པ། །
D343.075.0016a07.01