完整藏文原文 · 德格版页 当前仅加载第 75 函德格 210b 版页；藏文 NFD、目录标记与异常页序保留在来源切片中，重复版页行以稳定序号区分。
འཕྱེ་ཆེན་པོ་རྣམས་ཀྱིས་མཆོད་ཅིང་ཤེས་པའི་སངས་རྒྱས་བཅོམ་ལྡན་འདས་བསོད་ནམས་ཆེན་པོ་དང་ལྡན་པ། ན་བཟའ་དང་། ཞལ་ཟས་དང་། གཟིམས་ཆ་དང་། གདན་དང་། སྙུན་གསོས་དང་། སྨན་ཟོང་རྣམས་བརྙེས་པ། ཉན་ཐོས་ཀྱི་དགེ་འདུན་དང་བཅས་པ་མཉན་དུ་ཡོད་པ་ན་རྒྱལ་བུ་
D343.075.0210b01.01རྒྱལ་བྱེད་ཀྱི་ཚལ་ཁྱིམ་བདག་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ཀོ་ས་ལའི་རྒྱལ་པོ་གསལ་རྒྱལ་དང་། རྒྱལ་པོ་ཚངས་པས་བྱིན་གཉིས་ཕན་ཚུན་མི་འཐུན་པར་གྱུར་ཏོ། །དེ་ནས་རེ་ཞིག་ན་ཀོ་ས་ལའི་རྒྱལ་པོ་གསལ་རྒྱལ་དེའི་ཡུལ་འདབ་ཏུ་སོང་ནས་
D343.075.0210b02.01ཕྲུ་མ་བཏབ་སྟེ་འདུག་གོ། །རྒྱལ་པོ་ཚངས་པས་བྱིན་གྱིས་ཀྱང་དཔུང་ཡན་ལག་བཞི་པ། གླང་པོ་ཆེའི་ཚོགས་དང་། རྟའི་ཚོགས་དང་། ཤིང་རྟའི་ཚོགས་དང་། དཔུང་བུ་ཆུང་གི་ཚོགས་གོ་བསྐོན་ནས་ཆུ་ཀླུང་ཞིག་གི་འགྲམ་དུ་ཕྲུ་མ་བཏབ་སྟེ་འདུག་གོ། །དེ་ནས་རེ་ཞིག་
D343.075.0210b03.01ན་ཀོ་ས་ལའི་རྒྱལ་པོ་གསལ་རྒྱལ་གྱིས་དེ་ཉིད་དུ་བཙུན་མོ་དམ་པ་ཁྲིད་དེ། དེ་དེ་དང་ལྷན་ཅིག་ཏུ་རྩེ་ཞིང་དགའ་ལ་དགའ་མགུར་སྤྱོད་དོ། །རྒྱལ་པོ་ཚངས་པས་བྱིན་ཡང་བཙུན་མོ་དང་ལྷན་ཅིག་ཏུ་རྩེ་ཞིང་དགའ་ལ་དགའ་མགུར་སྤྱོད་དོ། །དེ་ནས་ཉི་མ་གཅིག་ཏུ་ཀོ་ས་ལའི་རྒྱལ་པོ་
D343.075.0210b04.01གསལ་རྒྱལ་གྱི་བུ་མོ་ཡང་བཙས། རྒྱལ་པོ་ཚངས་པས་བྱིན་གྱི་བུ་ཕོ་ཡང་བཙས་སོ། །དེ་ནས་རེ་ཞིག་ན་རྒྱལ་པོ་གཉི་གའི་ཕོ་བྲང་འཁོར་ན་དགའ་བའི་རྔ་རྡུང་བར་བྱེད་དོ། །སློང་བ་རྣམས་ལ་ཡང་སྦྱིན་པ་དག་སྦྱིན་པར་བྱེད་དོ། །དེ་ནས་རེ་ཞིག་ན་རྒྱལ་པོ་གསལ་རྒྱལ་གྱིས་མི་དག་ལ་
D343.075.0210b05.01དྲིས་ཏེ། ཚངས་པས་བྱིན་གྱི་ཕོ་བྲང་འཁོར་འདིར་ཅི་ཞིག་བྱུང་ན་འདི་ལྟར་དགའ་སྟོན་བྱེད་ཅེས་བྱས་ནས། དེ་དག་གིས་ཀྱང་རྒྱལ་པོ་ཚངས་པས་བྱིན་གྱི་བུ་ཕོ་བཙས་སོ་ཞེས་གསོལ་ཏོ། །རྒྱལ་པོ་ཚངས་པས་བྱིན་གྱིས་ཀྱང་དེ་བཞིན་དུ་དྲིས་ནས་རྒྱལ་པོ་གསལ་རྒྱལ་གྱི་བུ་མོ་བཙས་ས་ཞེས་གསོལ་
D343.075.0210b06.01ཏོ། །དེ་ནས་རྒྱལ་པོ་ཚངས་པས་བྱིན་གྱིས་རྒྱལ་པོ་གསལ་རྒྱལ་ལ་ཕོ་ཉ་བཏང་སྟེ། ཁྱོད་ཀྱི་བུ་མོ་བཙས་པའི་ཕྱིར་མཆོད་སྦྱིན་བྱེད་དོ་ཞེས་བདག་གིས་ཐོས་ལ། བདག་གི་ཡང་བུ་ཕོ་བཙས་ཀྱིས། བུ་མོ་དེ་བདག་གི་བུ་ལ་བྱིན་ཅིག་དང་། དེ་ལྟར་བྱས་ན་གཉེན་དུ་ཡང་འགྱུར་ལ་ཇི་
D343.075.0210b07.01