完整藏文原文 · 德格版页 当前仅加载第 75 函德格 40a 版页；藏文 NFD、目录标记与异常页序保留在来源切片中，重复版页行以稳定序号区分。
ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་རྒྱལ་རིགས་སྤྱི་བོ་ནས་དབང་བསྐུར་བའི་རྒྱལ་པོ་དེ་བཅོམ་ལྡན་འདས་ཀྱིས་བྱང་ཆུབ་འཐོབ་པར་བྱེད་པའི་ཆོས་རྣམས་ལ་ཡང་དག་པར་བཙུད་དོ། །དེ་ནས་
D343.075.0040a01.01རྒྱལ་རིགས་སྤྱི་བོ་ནས་དབང་བསྐུར་བའི་རྒྱལ་པོ་དེ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། ཡང་དག་པར་རྫོགས་པའི་སངས་རྒྱས་ཙན་དན་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། ཡང་དག་པར་
D343.075.0040a02.01རྫོགས་པའི་སངས་རྒྱས་ཙན་དན་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་རྒྱལ་པོའི་ཕོ་བྲང་འཁོར་འདིར་ཟླ་བ་གསུམ་གྱི་བར་དུ་བཞུགས་པར་ཅི་གནང་། དེ་ནས་ཡང་དག་པར་རྫོགས་པའི་སངས་རྒྱས་ཙན་དན་གྱིས་རྒྱལ་པོ་དེ་ལ་
D343.075.0040a03.01ཅང་མི་གསུང་བས་གནང་ངོ་། །དེའི་ཚེ་ཐན་ཆེན་བྱུང་ནས་དེས་ཆུ་ཀླུང་དང་ཁྲོན་པ་རྣམས་ཆུ་ཆུང་བར་གྱུར་ལ། ཤིང་རྣམས་ཀྱང་མེ་ཏོག་དང་འབྲས་བུ་མེད་པར་གྱུར་ཏོ། །དེ་ནས་རྒྱལ་པོས་ཡང་དག་པར་རྫོགས་པའི་སངས་རྒྱས་ཙན་དན་ལ་གསོལ་བ་བཏབ་སྟེ། བཅོམ་ལྡན་
D343.075.0040a04.01འདས་གྲོང་ཁྱེར་འདིའི་ནང་དུ་རྫིང་སྤོས་ཆབ་ཀྱིས་བལྟམས་པ་བགྱིད་དུ་སྩོལ་བར་འཚལ་ན། དེར་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ཁྲུས་མཛད་པར་གསོལ། དེ་ལྟར་བཅོམ་ལྡན་འདས་ཀྱིས་ཁྲུས་མཛད་ན། བདག་གི་ཡུལ་འདིར་དགུང་ཆར་དབབ་ཏུ་གློ་བ་
D343.075.0040a05.01རེ་ལགས་སོ་ཞེས་གསོལ་ཏོ། །དེ་ནས་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་ཙན་དན་གྱིས། རྒྱལ་པོ་དེ་ལ་ཅང་མི་གསུང་བས་གནང་ངོ་། །དེ་ནས་རྒྱལ་རིགས་སྤྱི་བོ་ནས་དབང་བསྐུར་བའི་རྒྱལ་པོ་དེས། བློན་པོ་རྣམས་ལ་ཁྱེད་ཀྱིས་སྤོས་ཆབ་དང་རིན་པོ་ཆེའི་
D343.075.0040a06.01བུམ་པ་དག་སྟ་གོན་གྱིས་ཤིག་དང་། དེ་དག་གིས་ངས་སངས་རྒྱས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ཁྲུས་གསོལ་བར་བྱའོ་ཞེས་བསྒོའོ། །དེ་ནས་རྒྱལ་པོ་དེས་བློན་པོའི་འཁོར་དང་བཅས་པས་གྲོང་ཁྱེར་དེ་རྡོ་དང་གསེག་མ་དང་གྱོ་མོ་མེད་པར་བྱས་ཏེ། རྒྱལ་མཚན་
D343.075.0040a07.01