完整藏文原文 · 德格版页 当前仅加载第 75 函德格 96b 版页；藏文 NFD、目录标记与异常页序保留在来源切片中，重复版页行以稳定序号区分。
བུ་གཅིག་པ་དང་སྡུག་པའི་ཆུང་མ་ཡང་བྱིན་ཟིན་ན་ཡང་ཅི་འདོད། གནོད་སྦྱིན་གྱིས་སྨྲས་པ། རང་གི་ལུས་ང་ལ་བྱིན་ཅིག་དང་དེས་ན་ང་འགྲངས་པར་འགྱུར་རོ། །རྒྱལ་པོས་སྨྲས་པ། གལ་ཏེ་རང་གི་ལུས་ཁྱོད་ལ་བྱིན་ན་ངས་ཇི་ལྟར་ཆོས་མཉན་གྱིས། སྔར་ང་ལ་ཆོས་ཇེ་སྟོན་དང་
D343.075.0096b01.01ངས་ཆོས་ཐོས་པའི་འོག་ཏུ་རང་གི་ལུས་ཡོངས་སུ་གཏང་བར་བྱའོ་ཞེས་བྱས་སོ། །དེ་ནས་གནོད་སྦྱིན་གྱིས་རྒྱལ་པོ་དམ་གྱི་འོག་ཏུ་བཅུག་ནས་འཁོར་བརྒྱ་ཕྲག་དུ་མའི་མདུན་དུ་ཆོས་བསྟན་པ། སྡུག་པ་དག་ལས་མྱ་ངན་སྐྱེ། །སྡུག་པ་དག་ལས་འཇིགས་པ་སྐྱེ། །འཇིགས་པ་དག་
D343.075.0096b02.01ལས་རྣམ་གྲོལ་རྣམས། །མྱ་ངན་མེད་ན་ག་ལ་འཇིགས། །དེ་ནས་རྒྱལ་པོས་ཚིགས་སུ་བཅད་པ་འདི་ཐོས་མ་ཐག་ཏུ་ཡིད་རབ་ཏུ་སིམ་པར་གྱུར་ཏེ། དབང་པོ་དགའ་ཞིང་ཡིད་བདེ་བ་སྐྱེས་ནས་གནོད་སྦྱིན་ལ་སྨྲས་པ། གནོད་སྦྱིན་ངའི་ལུས་འདི་ཇི་དགའ་བར་གྱིས་ཤིག་ཅེས་བྱས་སོ། །
D343.075.0096b03.01དེ་ནས་ལྷའི་དབང་པོ་བརྒྱ་བྱིན་གྱིས་རྒྱལ་པོ་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ལྷུན་པོ་བཞིན་དུ་མི་གཡོ་བར་རིག་ནས། གནོད་སྦྱིན་གྱི་གཟུགས་མི་སྣང་བར་བྱས་ཏེ། རང་གི་གཟུགས་སུ་འདུག་ནས་དགའ་ཞིང་མདངས་ཕྱུང་བའི་མིག་དང་ལྡན་པས་ལག་པ་ཡ་
D343.075.0096b04.01གཅིག་གིས་ནི་བུ་བཟུང་ཡ་གཅིག་གིས་ནི་ཆུང་མ་བཟུང་ནས་རྒྱལ་པོ་སྤྲོ་བ་བསྐྱེད་དེ་སྨྲས་པ། སྐྱེས་བུ་དམ་པ་ལེགས་སོ་ལེགས་སོ། །ཁྱོད་ཀྱི་གོ་ཆ་བརྟན་གྱིས་བརྩོན་པ་འདིས་རིང་པོ་མི་ཐོགས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་
D343.075.0096b05.01འགྱུར་རོ། །ཁྱོད་ཀྱི་སྡུག་པའི་མི་དང་ཕྲད་པ་ཡང་འདི་ཡིན་ནོ་ཞེས་བྱས་སོ། །དེ་ནས་རྒྱལ་པོས་ལྷའི་དབང་པོ་བརྒྱ་བྱིན་ལ་འདི་སྐད་ཅེས་སྨྲས་སོ། །ཀཽ་ཤི་ཀ་བདག་གི་ཆོས་ཀྱི་བསམ་པ་ཡོངས་སུ་རྫོགས་པར་བྱས་པ་ལེགས་སོ་ལེགས་སོ། །བཅོམ་ལྡན་འདས་ཀྱིས་བཀའ་སྩལ་
D343.075.0096b06.01པ། དགེ་སློང་དག་ཇི་སྙམ་དུ་སེམས་དེའི་ཚེ་དེའི་དུས་ན་རྒྱལ་པོ་གཟུགས་བཟང་ཞེས་བྱ་བར་གྱུར་པ་གང་ཡིན་པ་དེ་ནི་ང་ཡིན་ནོ། །གཞོན་ནུ་མཛེས་ལྡན་ནི་ཀུན་དགའ་བོ་ཡིན་ནོ། །མཛེས་ལྡན་མ་ནི་གྲགས་འཛིན་མ་ཡིན་ནོ། །དགེ་སློང་དག་དེའི་ཚེ་ཡང་ངས་ཆོས་ཀྱི་ཕྱིར་གཉེན་སྡུག་
D343.075.0096b07.01