完整藏文原文 · 德格版页 当前仅加载第 75 函德格 264b 版页；藏文 NFD、目录标记与异常页序保留在来源切片中，重复版页行以稳定序号区分。
ཁང་ཕྱགས་པའི་འོག་ཏུ་མཉན་དུ་ཡོད་པར་བསོད་སྙོམས་ལ་འགྲོ་བར་བྱེད་དོ། །དེའི་ཚེ་ན་ཚེ་དང་ལྡན་པ་ཤཱ་རིའི་བུ་ཡང་འཁོར་ལྔ་བརྒྱ་དང་རྒྱལ་བུ་རྒྱལ་བྱེད་ཀྱི་ཚལ་དུ་དབྱར་གནས་པར་དམ་བཅས་ནས་མཉན་དུ་ཡོད་པར་ལྷགས་ཏེ་སྟོན་པ་ལ་གུས་པ་བསྐྱེད་ནས་དྲི་གཙང་ཁང་དུ་
D343.075.0264b01.01ཕྱག་དར་བྱས་སོ། །དེ་ནས་ཚེ་དང་ལྡན་པ་འདེ་གུས་གསོས་ཀྱིས་ཚོར་ནས་དེས་སྨྲས་པ། གནས་བརྟན་ཁྱོད་ཀྱིས་དྲི་གཙང་ཁང་དུ་ཕྱག་དར་བྱས་པ་ནི་བདག་གི་ལྟོར་བསྣུན་པར་བས་སོ། །གནས་བརྟན་གྱིས་སྨྲས་པ་ཅི་ཉེས། འདེ་གུས་གསོས་ཀྱིས་སྨྲས་པ། གནས་
D343.075.0264b02.01བརྟན་གང་གི་ཚེ་བདག་གིས་དྲི་གཙང་ཁང་དུ་ཕྱག་དར་མ་བྱས་པ་དེའི་ཚེ་བདག་གིས་བསོད་སྙོམས་མི་རྙེད་དོ། །དེ་ནས་གནས་བརྟན་ཤཱ་རིའི་བུས་སྨྲས་པ། གལ་ཏེ་དེ་ལྟ་ན་བདག་ག་ཞིག་ཏུ་གཡར་དྲངས་ཀྱིས་ཁྱོད་སྙིང་མ་ཆུང་ཤིག་དང་། བདག་གིས་དེར་ཁྱོད་ལ་ཁ་
D343.075.0264b03.01ཟས་སྦྱིན་པར་བྱའོ། །དེ་ནས་གནས་བརྟན་ཤཱ་རིའི་བུ་འཁོར་ལྔ་བརྒྱ་དང་བཅས་པའི་སྤྱན་འདྲེན་འོངས་ནས་འདེ་གུས་གསོས་ཀྱང་དེ་དག་དང་ལྷན་ཅིག་ཏུ་ཆས་སོ། །དེ་ནས་གང་གི་ཚེ་ཁྱིམ་བདག་དེའི་སྒོ་དང་ཉེ་བ་ཞིག་ཏུ་ཕྱིན་པ་དེའི་ཚེ་འདེ་གུས་གསོས་ཀྱི་ལས་ཀྱི་རྣམ་
D343.075.0264b04.01པར་སྨིན་པས་ཁྱིམ་དེར་ཐབ་མོ་ཆེན་པོ་བྱུང་ངོ་། །དེ་ནས་ཚེ་དང་ལྡན་པ་འདེ་གུས་གསོས་འདི་སྙམ་དུ་སེམས་ཏེ། བདག་བསོད་ནམས་ཆུང་བའི་ཕྱིར་ཐབ་མོ་བྱུང་ངོ་སྙམ་མོ། །དེ་ནས་ཕྱིར་ལོག་སྟེ་གཙུག་ལག་ཁང་དུ་སོང་ནས་སྨྱུང་བར་འདུག་གོ། །དེ་ནས་ཕྱི་དེ་ཉིན་
D343.075.0264b05.01པར་ཚེ་དང་ལྡན་པ་ཤཱ་རིའི་བུས་སྨྲས་པ། ཁྱོད་ཅིའི་ཕྱིར་མ་འོངས། དེས་སྨྲས་པ། བདག་བསོད་ནམས་ཆུང་བའི་ཕྱིར་དེར་ཐབ་མོ་ཇི་ལྟར་བྱུང་བ་གནས་བརྟན་གྱིས་མི་མཁྱེན་ཏམ། དེ་ནས་གནས་བརྟན་ཤཱ་རིའི་བུས་དེའི་ཉིན་པར་མདུན་དུ་བཅུག་སྟེ། ཁྱིམ་དེའི་
D343.075.0264b06.01ནང་དུ་སོང་ནས་དགེ་འདུན་གྱི་ཁྲོད་དུ་འདུག་ན་ཡང་། གཡས་གཡོས་སུ་ནི་ཁ་ཟས་བྲིམས་ལ་དེ་ལ་ནི་འདྲིམ་པའི་མིས་ཀྱང་བརྗེད་ནས་དེ་དགེ་འདུན་གྱི་ཁྲོད་དེ་ཁོ་ནར་ལན་གཉིས་སུ་སྨྱུང་བར་གྱུར་ཏོ། །དེ་ནས་རེ་ཞིག་ན་གཏམ་དེ་གནས་བརྟན་ཀུན་དགའ་བོས་ཐོས་སོ། །
D343.075.0264b07.01