完整藏文原文 · 德格版页 当前仅加载第 75 函德格 126b 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །དེའི་མ་དེ་ནི་བརྐམ་ཆགས་ཅན་འཇུངས་པ་ཡོ་བྱད་རྣམས་ཀུན་ཏུ་འཛིན་པ་ཞིག་སྟེ་ཀཱར་ཥཱ་པ་ཎ་དེ་དག་སྦས་ནས། དགེ་སློང་དང་བྲམ་ཟེ་གང་དག་ཟས་འདོད་དེ་ཁྱིམ་དེར་འོངས་པ་དེ་དག་ལ་རྒྱ་ཞིང་ཁྱེད་ནི་{ཡི་དགས་,ཡི་དྭགས་}སུ་སྐྱེས་པ་བཞིན་དུ་ཁྱིམ་ཕྱི་ཉུག་ཅིང་སློང་ངོ་ཞེས་ཟེར་རོ། །
D343.075.0126b01.01བུ་དེ་ལ་ཡང་སླུ་བར་བྱེད་དེ། བདག་གིས་ཉིན་གཅིག་བཞིན་དུ་དགེ་སློང་འདི་སྙེད་འདི་སྙེད་ཅིག་ལ་ཟན་བྱིན་ནོ་ཞེས་ཟེར་རོ། །ཕྱིས་རེ་ཞིག་ན་དེ་ཤི་བ་དང་དེ་{ཡི་དགས་,ཡི་དྭགས་}སུ་སྐྱེས་ནས་བུ་ཆུ་སྨད་མ་དང་བྲལ་བའི་མྱ་ངན་བྱེད་དོ། །སྦྱིན་པ་དག་སྦྱིན་ཞིང་བསོད་ནམས་དག་བྱས་ནས་
D343.075.0126b02.01བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་ངོ་། །དེས་བརྩོན་པ་དང་བསྒྲུབ་པ་དང་འབད་པས་ཕོལ་མིག་ལྔ་པའི་འཁོར་བའི་འཁོར་ལོ་འདི་ཉིད་གཡོ་ཞིང་མི་བརྟན་པར་རིག་ནས། འདུ་བྱེད་ཀྱི་རྣམ་པ་ཐམས་ཅད་སྙིལ་བ་དང་། ལྟུང་བ་དང་། རྣམ་པར་འཐོར་བ་དང་། རྣམ་པར་
D343.075.0126b03.01འཇིག་པའི་ཆོས་ཅན་ཡིན་པར་རྩད་ཆོད་དེ། ཉོན་མོངས་པ་ཐམས་ཅད་སྤངས་ནས་དགྲ་བཅོམ་པ་ཉིད་མངོན་སུམ་དུ་བྱས་ཏེ། དགྲ་བཅོམ་པ་ཁམས་གསུམ་པའི་འདོད་ཆགས་དང་བྲལ་བར་གྱུར་ནས་གསེར་དང་བོང་བར་མཉམ་པ། ནམ་མཁའ་དང་ལག་མཐིལ་དུ་འདྲ་
D343.075.0126b04.01བའི་སེམས་དང་ལྡན་པ། ཙན་དན་སྦངས་པ་བཞིན་དུ་བསིལ་བར་གྱུར་པ། རིག་པས་སྒོ་ངའི་སྦུབས་བཅོམ་པ་རིག་པ་དང་མངོན་པར་ཤེས་པ་དང་སོ་སོ་ཡང་དག་པར་རིག་པ་ཐོབ་པ། སྲིད་པའི་རྙེད་པ་དང་ཆགས་པ་དང་བཀུར་སྟི་ལ་མི་ལྟ་བ་དབང་པོ་དང་ཉེ་དབང་དང་བཅས་
D343.075.0126b05.01པའི་ལྷ་རྣམས་ཀྱིས་མཆོད་ཅིང་རྗེད་པ་དང་གུས་པར་སྨྲ་བའི་གནས་སུ་གྱུར་ནས། དེས་ཆུ་ཀླུང་གང་གཱའི་འགྲམ་དུ་ལོ་མའི་སྤྱིལ་པོ་བྱས་ཏེ་བསམ་གཏན་བྱེད་དོ། །དེའི་མ་{ཡི་དགས་,ཡི་དྭགས་}ཀྱི་འཇིག་རྟེན་དུ་སྐྱེས་པ་དེ་ཡང་སྡོང་དུམ་མེ་རེག་འདྲ་ལ་གཅེར་བུར་འདུག་ཅིང་རང་གི་སྐྲས་ཡོག་པ། ལྟོ་ནི་རི་ཙམ་ལ་ཁ་ནི་ཁབ་ཀྱི་
D343.075.0126b06.01མིག་ཙམ་སྟེ། འབར་ཞིང་རབ་ཏུ་འབར་ལ་ཀུན་ཏུ་རབ་ཏུ་འབར་ཏེ་མེ་ལྕེ་གཅིག་ཏུ་འབར་ནས། ཚིག་ཅིང་ཉམ་ཐག་པའི་སྐད་འབྱིན་ཏེ། ཚེ་དང་ལྡན་པ་ཆུ་སྨད་ཀྱི་ཐད་དུ་སོང་ནས་རེ་ཞིག་ན་ཆུ་སྨད་ཀྱིས་{ཡི་དགས་,ཡི་དྭགས་}མོ་དེ་མཐོང་ནས་དྲིས་པ། འདི་ཁོ་ན་འདྲ་བ་ཁྱོད་སུ་ཞིག །{ཡི་དགས་,ཡི་དྭགས་}མོས་སྨྲས་པ། བུ་གཅིག་གང་
D343.075.0126b07.01