完整藏文原文 · 德格版页 当前仅加载第 75 函德格 133a 版页；藏文 NFD、目录标记与异常页序保留在来源切片中，重复版页行以稳定序号区分。
གསུམ་ཚོགས་པ་ལས་བུ་དང་བུ་མོ་སྐྱེ་བར་འགྱུར་ཏེ། གསུམ་གང་ཞེ་ན། ཕ་མ་གཉིས་འདོད་ཆགས་ལངས་ཏེ་ཕྲད་པ་དང་། མ་དུས་ལ་བབ་ཅིང་ཟླ་མཚན་དང་ལྡན་པ་དང་། དྲི་ཟ་འོངས་པ་སྟེ། གནས་འདི་གསུམ་ཚོགས་པ་ལས་བུ་དང་བུ་མོ་སྐྱེ་བར་འགྱུར་ཏེ།
D343.075.0133a01.01དེས་ལྷ་མཉེས་པར་བྱས་ཀྱང་བུ་ཡང་མ་བྱུང་བུ་མོ་ཡང་མ་བྱུང་ནས་དེའི་བློ་འདི་ལྟ་བུ་དག་སྐྱེས་ཏེ། མ་ལ་བདག་གིས་ཆུན་མ་ཞིག་བླངས་ན། བརྒྱ་ལ་བུ་ཡོད་པར་འགྱུར་ལྟ་སྲིད་དམ་སྙམ་སྟེ། དེས་རིགས་མཉམ་པ་ལས་ཆུན་མ་བླངས་ཏེ། དེ་དེ་དང་ལྷན་ཅིག་ཏུ་རྩེ་ཞིང་དགའ་ལ་དགའ་
D343.075.0133a02.01མགུར་སྤྱོད་དོ། །དེ་རྩེ་ཞིང་དགའ་ལ་དགའ་མགུར་སྤྱོད་པ་ལས་ཕྱི་ཞིག་ན་བུ་ཆགས་པར་གྱུར་ནས། དེ་དགའ་ཞིང་མགུ་ལ་རབ་ཏུ་དགའ་ནས་ཁྱིམ་ཐབ་ལ་སྦྲན་པ། ཇོ་བོ་བདག་ལ་སྲས་ཆགས་ཏེ་བདག་གི་རུམ་གཡས་ལོགས་ན་རྟེན་ཅིང་གནས་པ་ལས་ན། ཁྱེའུར་འབྱུང་བར་ངེས་ཀྱིས་
D343.075.0133a03.01དགྱེས་པ་བསྐྱེད་དུ་གསོལ་ཞེས་བྱས་སོ། །དེ་ཡང་དགའ་ཆེས་ཏེ་རོ་སྟོད་ནི་བཏེག །ལག་པ་གཡས་པ་ནི་བརྐྱང་ནས། །བདག་གིས་ཡུན་རིང་པོ་ནས་སྨོན་སྨོན་པའི་བུ་ངོ་མཐོང་བར་འོང་ངོ་། །བདག་གི་བུ་རུང་བར་ཤོག་ཅིག །མི་རུང་བར་མ་གྱུར་ཅིག །བདག་གི་བྱ་བ་དག་བྱེད་
D343.075.0133a04.01པར་ཤོག་ཅིག །གསོས་པའི་ལན་ཕྱིར་གས་བར་ཤོག་ཅིག །ནོར་སྐལ་ལ་སྤྱོད་པར་ཤོག་ཅིག །བདག་གི་རིགས་རྒྱུད་རིང་དུ་གནས་པར་ཤོག་ཅིག །བདག་ཅག་འདས་ཏེ་ཤི་བའི་འོག་ཏུ་ཡང་བདག་ཅག་གི་ཕྱིར་མང་ཡང་རུང་ཉུང་ཡང་རུང་སྟེ། སྦྱིན་པ་དག་བྱིན་ལ་བསོད་
D343.075.0133a05.01ནམས་དག་བྱས་ནས། དེ་གཉིས་གང་དང་གང་དུ་སྐྱེས་ཤིང་འགྲོ་བ་དེར་འདི་སོང་ཤིག་ཅེས་ཡོན་བསྔོ་བར་ཤོག་ཅིག་ཅེས་དགའ་བའི་ཚིག་བརྗོད་དོ། །དེ་ནས་དེས་བུ་ཆགས་པར་རིག་ནས་བུའི་རིམ་གྲོ་བྱ་བའི་ཕྱིར་ཁང་{བཟངས་ཀྱི་,བཟང་གི་}སྟེང་དུ་ཉམ་རངས་སུ་བཞག་སྟེ། གྲང་བའི་ཚེ་གྲང་བའི་
D343.075.0133a06.01ཡོ་བྱད་རྣམས་དང་། ཚ་བའི་ཚེ་ཚ་བའི་ཡོ་བྱད་རྣམས་དང་། སྨན་པས་བསྟན་པའི་ཟས་རྣམས་དང་། ཧ་ཅང་ཁ་བ་མ་ཡིན་པ་རྣམས་དང་། ཧ་ཅང་སྐྱུར་བ་མ་ཡིན་པ་རྣམས་དང་། ཧ་ཅང་ལན་ཚ་ཆེ་བ་མ་ཡིན་པ་རྣམས་དང་། ཧ་ཅང་མངར་བ་མ་ཡིན་པ་རྣམས་དང་། ཧ་ཅང་རོ་ཚ་བ་མ་ཡིན་པ་རྣམས་དང་། ཧ་
D343.075.0133a07.01