完整藏文原文 · 德格版页 当前仅加载第 75 函德格 262b 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་གདུལ་བྱའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འོད་སྲུང་
D343.075.0262b01.01ཞེས་བྱ་བ་འཇིག་རྟེན་དུ་བྱུང་སྟེ། དེ་གྲོང་ཁྱེར་བཱ་རཱ་ཎ་སཱི་ན་དྲང་སྲོང་སྨྲ་བ་{རི་དགས་,རི་དྭགས་}ཀྱི་ནགས་ན་རྟེན་ཅིང་བཞུགས་སོ། །རེ་ཞིག་ན་དེ་ན་དགེ་སློང་གཉིས་ཤིག་མཛའ་ཞིང་འདུག་སྟེ། དེའི་ནང་ན་གཅིག་ནི་དགྲ་བཅོམ་པ་ཡང་ཡིན་ལ་མང་དུ་ཐོས་པ་ཡང་ཡིན་ནོ། །ཅིག་ཤོས་
D343.075.0262b02.01ནི་སོ་སོའི་སྐྱེ་བོ་ཡང་ཡིན་ལ་ཐོས་པ་ཡང་ཉུང་ངོ་། །དེ་ལ་དགྲ་བཅོམ་པ་མང་དུ་ཐོས་པ་དེ་ནི་ཀུན་གྱིས་ཤེས་པ། བསོད་ནམས་ཆེན་པོ་དང་ལྡན་པ། གོས་དང་། ཟས་དང་། མལ་ཆ་དང་། སྟན་དང་། ནད་གསོས་དང་། སྨན་ཟོང་རྣམས་བརྙེས་པ། གཡར་
D343.075.0262b03.01འདྲེན་པ་མང་དུ་རྙེད་པ་ཞིག་སྟེ། གང་དུ་གཡར་དྲངས་པ་དེར་དེས་དགེ་སློང་མཛའ་བོ་དེ་ཕྱི་བཞིན་འབྲང་བའི་དགེ་སྦྱོང་དུ་ཁྲིད་དོ། །རེ་ཞིག་ན་ཉི་མ་གཅིག་ཅིག་དགྲ་བཅོམ་པ་དེ་ཡང་གཡར་དྲངས་ཏེ་འགྲོ་བར་ཆད་པ་ལས་ཕྱི་བཞིན་འབྲང་བའི་དགེ་སྦྱོང་དེ་བཙལ་ན་མ་རྙེད་དོ། །
D343.075.0262b04.01དེ་ནས་དེ་མི་སྣང་ནས་དེས་དགེ་སློང་གཞན་ཞིག་ཁྲིད་པ་དང་། རེ་ཞིག་ན་དེར་དགེ་སློང་གཞོན་ནུ་སེམས་རྒོད་པ་དག་གིས་འདི་སྐད་ཅེས་སྨྲས་ཏེ། བཙུན་པ་དག་གཟིགས་དང་། དེས་ཕྱི་བཞིན་འབྲང་བའི་དགེ་སྦྱོང་འདི་ཡང་དེང་མ་ཁྲིད་དེ་གཞན་ཁྲིད་དོ་ཞེས་བྱས་སོ། །
D343.075.0262b05.01དེ་ནས་དེ་ཁྲོས་ཏེ་དགྲ་བཅོམ་པ་ལ་སེམས་སྡང་བར་བྱས་ནས་ངག་གི་ལས་རྩུབ་པོ་སྨྲས་ཏེ། བདག་གིས་ཕྱིན་ཅད་དེའི་ལྷུང་བཟེད་བཀྲུས་སུ་ཟིན་ན་བདག་གི་ལག་པ་འདི་གཉིས་མེད་པར་གྱུར་ཅིག་ཅེས་བྱས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་
D343.075.0262b06.01ཇི་སྙམ་དུ་སེམས། དེའི་ཚེ་དེའི་དུས་ན་དགེ་སློང་མཛའ་བོར་གྱུར་པ་གང་ཡིན་པ་དེ་ནི་ལག་པ་ཅན་འདི་ཡིན་ཏེ། དེས་དགྲ་བཅོམ་པ་ལ་སེམས་སྡང་བར་བྱས་ཏེ་ངག་གི་ལས་རྩུབ་པོ་སྨྲས་པ་དེས་ན་ཚེ་རབས་ལྔ་བརྒྱར་ལག་པ་མེད་པར་གྱུར་ཏོ། །ཕྱིས་སྙིང་ནས་འགྱོད་
D343.075.0262b07.01