完整藏文原文 · 德格版页 当前仅加载第 75 函德格 245b 版页；藏文 NFD、目录标记与异常页序保留在来源切片中，重复版页行以稳定序号区分。
མཆོག་ཏུ་དུལ་ཞིང་ཉེ་བར་ཞི་བ་དང་ལྡན་ལ་ཕྱག་དར་ཁྲོད་ཀྱི་གོས་གྱོན་ཞིང་ཁ་ཟས་ངན་པ་ཁྱེར་ཏེ་རིགས་ངན་གྱི་ཁྱིམ་དེ་ནས་ཕྱིར་བྱུང་བ་མཐོང་ངོ་། །མཐོང་ནས་ཀྱང་ཁ་ལོ་པ་རྒྱུ་བའི་བུ་རིང་པོ་ལ་དྲིས་པ། འདི་དགེ་སློང་བཟང་ལྡན་མ་ཡིན་ནམ། ཁ་ལོ་པས་སྨྲས་པ། ལྷ་
D343.075.0245b01.01བཀའ་སྩལ་པ་བཞིན་ཏེ་དེ་ལགས་སོ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་འཁམས་ནས་བརྒྱལ་ཏེ་ས་ལ་ལྷུང་ངོ་། །དེ་ནས་ཆུས་གཏོར་བ་དང་ཕྱིར་སངས་ཏེ་སེམས་རྟས་ནས་ཁ་ལོ་པ་རྒྱུ་བའི་བུ་རིང་པོས་བསླང་ངོ་། །དེ་ནས་རྒྱལ་པོ་གསལ་རྒྱལ་བཅོམ་ལྡན་འདས་
D343.075.0245b02.01ཀྱི་ཐད་དུ་སོང་སྟེ། བཅོམ་ལྡན་འདས་ཀྱི་ཞབས་ལ་ཕྱག་འཚལ་ནས་བཅོམ་ལྡན་འདས་ལ་གསོལ་པ། བཅོམ་ལྡན་འདས་བདག་གིས་ནི་རྨད་དུ་བྱུང་བ་ཞིག་མཐོང་སྟེ། ཤཱཀྱའི་རྒྱལ་པོ་བཟང་ལྡན་དེ་ཕྱག་དར་ཁྲོད་ཀྱི་གོས་གྱོན་ཞིང་ཁ་ཟས་ངན་པ་ཐོགས་ཏེ་ལྷ་དང་མི་
D343.075.0245b03.01དད་པར་བགྱིས་པའི་སྤྱོད་ལམ་ཤིན་དུ་ཞི་བས་བསོད་སྙོམས་བླངས་ཏེ་རིགས་ངན་གྱི་ཁྱིམ་ནས་སླར་བྱུང་བ་དེ་ལ་བདག་འདི་སྙམ་བགྱིད་དོ། །བཅོམ་ལྡན་འདས་ཀྱི་བསྟན་པ་ནི་ཤིན་ཏུ་དུལ་བར་བགྱིད་པ་ལགས་ཏེ། དེ་ལ་བསྟེན་ན་འདི་ལྟ་བུར་སྐྱིད་དེ་བར་མཆིས་ལ་བདེ་
D343.075.0245b04.01བས་བསྐྱེད་པ་དག་ཀྱང་འདི་ལྟར་ཚུལ་དུལ་བར་གྱུར་པ་ནི་ངོ་མཚར་ཆེའོ་སྙམ་བགྱིད་དོ། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་བཟང་ལྡན་འདི་ལ་ནི་ངོ་མཚར་ཆེ་བ་གཞན་ཡང་ཡོད་ཀྱིས་ཉོན་ཅིག །རྒྱལ་པོ་ཆེན་པོ་བཟང་ལྡན་འདི་ནི་དགོན་པ་ན་གནས་
D343.075.0245b05.01སམ། ཤིང་དྲུང་ན་གནས་སམ། ཁང་སྟོང་ན་གནས་ཀྱང་རུང་སྟེ། ཀྱེ་མ་རེ་སྐྱིད། ཀྱེ་མ་རེ་སྐྱིད། བདག་རབ་ཏུ་མ་བྱུང་བ་ཙམ་ན་རྒྱལ་པོའི་ཕོ་བྲང་གི་ནང་ན་འདུག་སྟེ། བློན་པོ་ཆེན་པོ་དང་། གྲོང་རྡལ་གྱི་མི་དང་ཡུལ་གྱི་མི་རྣམས་ཀྱིས་ཤིན་ཏུ་ལེགས་པར་བསྲུངས་
D343.075.0245b06.01ལ། ར་བ་དང་། འོབས་དང་། སྒོ་དང་། གཅན་རྣམས་ཀྱིས་བསྐྱབས་ཀྱང་སྙིང་གཞན་ལ་དོགས་ཤིང་མི་དགའ་ལ་ཀུན་ལ་ཡང་ཁུ་འཕྲིག་ཟ་བཞིན་ཏེ། གཉིད་ཀྱང་མི་འོང་བ་ལས་ད་ནི་བདག་ལུས་དང་སྲོག་ལ་ཡང་མི་ལྟ་བས། གནས་གང་དང་གང་དུ་ཡང་བདེ་བར་
D343.075.0245b07.01