完整藏文原文 · 德格版页 当前仅加载第 75 函德格 276a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། དེས་ཡིད་དུ་མི་འོང་བའི་སྒྲ་སྐད་ཅི་ཡང་མི་ཐོས་པར་བྱས་སོ། །དེ་ནས་དེ་ཟླ་བ་བརྒྱད་དམ་དགུ་ལོན་པ་དང་བུ་བྱུང་སྟེ། ཁྱེའུ་གཟུགས་བཟང་ཞིང་བལྟ་ན་སྡུག་ལ་མཛེས་པ། ཡན་ལག་དང་ཉིང་ལག་ཐམས་ཅད་དང་ལྡན་པ་ཞིག་བཙས་ནས། དེ་བཙས་
D343.075.0276a01.01པའི་བཙས་སྟོན་བྱས་ཏེ་དེའི་མིང་གང་གཱ་པ་ཞེས་བཏགས་སོ། །དེ་ནས་ཁྱེའུ་གང་ག་པ་པང་ན་འཚོ་བའི་མ་མ་གཉིས་དང་། ནུ་མ་སྣུན་པའི་མ་མ་གཉིས་དང་། དྲི་མ་འཁྲུ་བའི་མ་མ་གཉིས་དང་། རྩེ་བའི་མ་མ་གཉིས་ཏེ། མ་མ་བརྒྱད་ལ་གཏད་ནས། དེ་མ་མ་བརྒྱད་ཀྱིས་
D343.075.0276a02.01འོ་མ་དང་། ཞོ་དང་། མར་དང་། ཞུན་མར་དང་། མར་གྱི་ཉིང་ཁུ་དང་། གཞན་ཡང་ཡོ་བྱད་ཀྱི་ཁྱད་པར་བཟང་ངོ་ཅོག་གིས་བསྐྱེད་བསྲིངས་ཏེ་མཚོའི་ནང་གི་པད་མ་བཞིན་དུ་སྐྱེ་དྲག་པར་གྱུར་ཏོ། །དེ་ཡང་ངེས་པར་འབྱེད་པའི་ཆ་དང་འཐུན་པའི་དགེ་བའི་རྩ་བ་དང་ལྡན་ཏེ།
D343.075.0276a03.01ཁྱིམ་ན་གནས་པར་མི་དགའ་ནས་དེས་ཕ་མ་གཉིས་ཀྱི་རྐང་པ་ལ་ཕྱག་འཚལ་ཏེ་གསོལ་བ་བཏབ་པ། ཡབ་ཡུམ་བདག་བཅོམ་ལྡན་འདས་ཀྱི་བསྟན་པ་ལ་རབ་ཏུ་འབྱུང་བར་གནང་བར་མཛད་དུ་གསོལ། །དེ་ནས་དེའི་ཕ་མ་གཉིས་ཀྱི་བུ་གཅིག་པ་ཡིན་པའི་ཕྱིར་མ་གནང་ངོ་། །དེ་ནས་གང་གཱ་པའི་བློ་
D343.075.0276a04.01སྐྱེས་པ། མིར་སྐྱེ་བ་འཐོབ་པ་ནི་རྙེད་པར་དཀའ་བ་ཡིན། དེ་བཞིན་གཤེགས་པ་འབྱུང་བ་ཡང་རྙེད་པར་དཀའ་བ་ཡིན། གཞན་དུ་ན་དབང་པོ་ཕུན་སུམ་ཚོགས་པ་ཡང་རྙེད་པར་དཀའ་བ་ཡིན་ན། མ་ལ་བདག་བཅོམ་ལྡན་འདས་ཀྱི་བསྟན་པ་ལ་རབ་ཏུ་འབྱུང་བར་བྱ་བའི་ཐབས་ཅི་ཡོད་
D343.075.0276a05.01སྙམ་མོ། །དེ་ནས་དེ་འདི་སྙམ་དུ་སེམས་ཏེ། མ་ལ་བདག་གིས་སྨོན་ལམ་བཏབ་ལ་བདག་འཆི་བར་བྱས་ཏེ། ཅི་ནས་མིར་སྐྱེ་བ་ཐོབ་ནས་ཤིན་དུ་མྱུར་བར་རབ་ཏུ་འབྱུང་བར་བྱའོ་སྙམ་མོ། །དེས་དེ་ལྟར་བསམས་ནས་དུག་འཐུངས་ན་ཡང་མ་ཤིའོ། །མེའི་ནང་དུ་མཆོངས་ན་ཡང་མ་ཤི།
D343.075.0276a06.01བྲག་ལས་མཆོངས་ན་ཡང་མ་ཤི། ཆུ་ཀླུང་ཟློག་བྱེད་ཀྱི་ནང་དུ་མཆོངས་ན་དེར་ཡང་མ་ཤི་ནས་དེའི་བློ་སྐྱེས་པ། བདག་འཆི་བར་བྱ་བའི་ཐབས་གཞན་ཅི་ཡོད་སྙམ་མོ། །དེ་ནས་དེ་འདི་སྙམ་དུ་སེམས་ཏེ། མ་ལ་རྒྱལ་པོ་མ་སྐྱེས་དགྲ་དེ་ནི་ཡོང་ཡེ་གཏུམ་ཞིང་བརླང་ལ་ཞེ་རྩུབ་ཅིང་གཟུ་
D343.075.0276a07.01