完整藏文原文 · 德格版页 当前仅加载第 75 函德格 71a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོད་པ་དེའི་ནང་ནས་ཀྱང་པད་མ་ཚད་ལས་འདས་པར་ཆེ་བ་ཞིག་བློ་ཏོལ་དུ་སྐྱེས་ཏེ། དེ་ཉིན་གཅིག་བཞིན་དུ་ཆེར་སྐྱེ་ལ་ཁ་ནི་མི་འབྱེ་བ་ཞིག་ཡོད་དོ། །དེ་ནས་ཀུན་དགའ་ར་བའི་སྲུང་མས་རྒྱལ་པོ་ལ་གསོལ་ཏོ། །དེ་ནས་རྒྱལ་པོས་ཀྱང་པད་མ་དེ་ལེགས་པར་སྲུངས་
D343.075.0071a01.01ཤིག་ཅེས་བསྒོའོ། །ཕྱིས་རེ་ཞིག་ན་ཉི་མ་འཆར་ཀར་པད་མ་དེ་ཁ་བྱེ་ནས་པད་མ་དེའི་སྙིང་པོ་ལ་ཁྱེའུ་གཟུགས་བཟང་ཞིང་བལྟ་ན་སྡུག་ལ་མཛེས་པ་མདོག་བཟང་བ་གསེར་གྱི་ཁ་དོག་ཅན་མགོ་བོ་གདུགས་ལྟར་འདུག་པ་ལག་པ་རིང་བ། དཔྲལ་བའི་དབྱེས་ཆེ་བ། སྣ་མཐོ་བ།
D343.075.0071a02.01སྣ་ལེགས་པ། སྨིན་མ་སྟུག་པ། ལུས་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ལེགས་པར་བརྒྱན་པ། དཔེ་བྱད་བཟང་པོ་བརྒྱད་ཅུས་མཛེས་པར་བྱས་པ་ཞིག་སྐྱིལ་མོ་ཀྲུང་བཅས་ཤིང་འདུག་སྟེ། ཀུན་དགའ་ར་བའི་སྲུང་མས་ཀྱང་རྒྱལ་པོ་ལ་གསོལ་ཏོ། །དེ་ནས་
D343.075.0071a03.01རྒྱལ་པོས་ཐོས་ནས་བློན་པོ་དང་བཙུན་མོ་དང་བཅས་པ་སྐྱེད་མོས་ཚལ་དུ་དོང་སྟེ། པད་མའི་སྙིང་པོ་ལ་དེ་ལྟ་བུར་མཛེས་ཤིང་འདུག་པ་མཐོང་ངོ་། །མཐོང་ནས་ཀྱང་དགའ་ཞིང་མགུ་ལ་རབ་ཏུ་དགའ་སྟེ་ཡི་རངས་ནས་དགའ་བ་དང་། ཡིད་བདེ་བ་སྐྱེས་ཏེ། རྫིང་གི་ནང་དུ་ཞུགས་ནས་
D343.075.0071a04.01ཁྱེའུ་དེ་བླངས་ཏེ་བཀུར་སྟི་ཆེན་པོ་དང་ལྡན་པས་རང་གི་ཕོ་བྲང་དུ་ཁྱེར་ནས། དགེ་སྦྱོང་དང་བྲམ་ཟེ་དང་མཚན་མཁན་དག་ལ་བསྙད་དེ། ཞག་བདུན་གསུམ་ཉི་ཤུ་རྩ་གཅིག་གི་བར་དུ་བཙས་སྟོན་རྒྱས་པར་བྱས་ནས། མགོ་བཅུ་པ་ཞེས་མིང་བཏགས་སོ། །དེ་ནས་ཁྱེའུ་མགོ་བཅུ་
D343.075.0071a05.01པ་པང་ན་འཚོ་བའི་མ་མ་གཉིས་དང་། ནུ་མ་སྣུན་པའི་མ་མ་གཉིས་དང་། དྲི་མ་འཁྲུ་བའི་མ་མ་གཉིས་དང་། རྩེ་བའི་མ་མ་གཉིས་ཏེ་མ་མ་བརྒྱད་ལ་གཏད་ནས། དེ་མ་མ་བརྒྱད་ཀྱིས་འོ་མ་དང་། ཞོ་དང་། མར་དང་། ཞུན་མར་དང་། མར་གྱི་སྙིང་ཁུ་དང་གཞན་ཡང་ཡོ་བྱད་ཀྱི་ཁྱད་པར་
D343.075.0071a06.01བཟང་ངོ་ཅོག་གིས་བསྐྱེད་བསྲིངས་ཏེ། མཚོའི་ནང་གི་པད་མ་བཞིན་དུ་སྐྱེ་དྲག་པར་གྱུར་ཏོ། །ཁྱེའུ་དེ་ཡང་དད་པ་དང་ལྡན་ལ་བསམ་པ་བཟང་ཞིང་དགེ་བ། བདག་ལ་ཕན་པ་དང་གཞན་ལ་ཕན་པ་ལ་ཞུགས་པ། སྙིང་རྗེ་ཆེ་བ། བདག་ཉིད་ཆེ་བ། ཆོས་འདོད་པ། སྐྱེ་དགུ་ལ་བྱམས་པ་
D343.075.0071a07.01