完整藏文原文 · 德格版页 当前仅加载第 75 函德格 35b 版页；藏文 NFD、目录标记与异常页序保留在来源切片中，重复版页行以稳定序号区分。
ཉིས་སྟོང་གིས་ཞབས་འབྲིང་བྱས་ཏེ། ལྗོངས་རྒྱུ་ཞིང་གཤེགས་པ་ལས་གང་གཱའི་འགྲམ་དུ་བྱོན་ནས། དེའི་ཚེ་དེད་དཔོན་ཞིག་འཁོར་བརྒྱ་ཕྲག་དུ་མ་དང་གང་གཱའི་ཀླུང་ལས་འགྲོན་པོ་དག་སྒྲོལ་ཞིང་འདུག་གོ། །ཕྱོགས་དེ་ན་ཆོམ་རྐུན་གྱི་འཇིགས་པ་ཆེན་པོ་ཡང་ཡོད་དོ། །དེ་ནས་
D343.075.0035b01.01དེད་དཔོན་གྱིས་ཡང་དག་པར་རྫོགས་པའི་སངས་རྒྱས་ཤིང་རྟ་སྐལ་ལྡན་དགྲ་བཅོམ་པ་དྲུག་ཁྲི་ཉིས་སྟོང་གིས་ཞམ་རིང་བྱས་པ་མཐོང་ངོ་། །མཐོང་ནས་ཀྱང་སེམས་དགའ་བར་གྱུར་ཏེ། སེམས་དགའ་བར་གྱུར་ནས་བཅོམ་ལྡན་འདས་ལ་གསོལ་པ། བདག་གིས་ཐོག་མ་ཁོ་ནར་བཅོམ་
D343.075.0035b02.01ལྡན་འདས་བསྒྲལ་བར་འཚལ་ལོ། །ཡང་དག་པར་རྫོགས་པའི་སངས་རྒྱས་ཤིང་རྟ་སྐལ་ལྡན་གྱིས་ཀྱང་དེད་དཔོན་ལ་ཅང་མི་གསུང་བས་གནང་ངོ་། །དེ་ནས་དེད་དཔོན་དེས་ཡང་དག་པར་རྫོགས་པའི་སངས་རྒྱས་ཤིང་རྟ་སྐལ་ལྡན་དགྲ་བཅོམ་པ་དྲུག་ཁྲི་ཉིས་སྟོང་གིས་ཞམ་རིང་བྱས་
D343.075.0035b03.01པ་འབྱོར་པ་ཆེན་པོ་དང་ལྡན་པས་གྲུ་ཟམ་ལས་བསྒྲལ་ཏེ་ཞལ་ཟས་བཟང་པོས་ཀྱང་ཚིམ་པར་བྱས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྨོན་ལམ་བཏབ་བོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཇི་སྙམ་དུ་སེམས། དེའི་ཚེ་དེའི་
D343.075.0035b04.01དུས་ན། དེད་དཔོན་དུ་གྱུར་པ་གང་ཡིན་པ་དེ་ནི་ང་ཡིན་ཏེ་ངས་ཡང་དག་པར་རྫོགས་པའི་སངས་རྒྱས་ཤིང་རྟ་སྐལ་ལྡན་དགྲ་བཅོམ་པ་དྲུག་ཁྲི་ཉིས་སྟོང་གིས་ཞབས་འབྲིང་བྱས་པ། གྲུ་ཟམ་ལས་བསྒྲལ་བ་དང་། ཞལ་ཟས་བཟང་པོས་ཚིམ་པར་བྱས་པ་དང་། སྨོན་ལམ་བཏབ་པའི་
D343.075.0035b05.01ལས་དེའི་རྣམ་པར་སྨིན་པས་ངས་འཁོར་བ་ན་བདེ་བ་ཆེན་པོ་མཐའ་ཡས་པ་ཉམས་སུ་མྱོང་ལ། ད་ལྟར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་པ་ན་ཡང་། འདི་ལྟ་བུའི་མཆོད་པ་བྱས་སོ། །དགེ་སློང་དག་དེ་བས་ན་འདི་ལྟར་བསླབ་པར་བྱ་སྟེ།
D343.075.0035b06.01སྟོན་པ་ལ་བཀུར་སྟི་བྱའོ། །བླ་མར་བྱའོ། །རི་མོར་བྱའོ། །མཆོད་པ་བྱའོ། །སྟོན་པ་ལ་བཀུར་སྟི་བྱས། བླ་མར་བྱས། རི་མོར་བྱས། མཆོད་པ་བྱས་ནས། བརྟེན་ཏེ་གནས་པར་བྱའོ་ཞེས་དགེ་སློང་ཁྱེད་ཀྱིས་དེ་ལྟར་བསླབ་པར་བྱའོ། །བཅོམ་ལྡན་འདས་ཀྱིས་དེ་སྐད་ཅེས་
D343.075.0035b07.01