完整藏文原文 · 德格版页 当前仅加载第 75 函德格 266a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱེར་བཱ་རཱ་ཎ་སཱི་ན་ཁྱིམ་བདག་ཅིག་གི་ཆུང་མ་དད་པ་དང་ལྡན་ལ་དགེ་ཞིང་བསམ་པ་བཟང་བ་ཞིག་འདུག་པ་དེ་རྒྱུན་མི་འཆད་པར་དགེ་སྦྱོང་དང་། བྲམ་ཟེ་དང་། བཀྲེན་པ་དང་། སྡུག་ཅིང་ཕོངས་པ་དང་། སློང་བ་རྣམས་ལ་སྦྱིན་པ་དག་བྱེད་དོ། །ཕྱིས་དེའི་
D343.075.0266a01.01ཁྱིམ་ཐབ་ཤི་ནས་རེ་ཞིག་ན་དེའི་བུ་བདག་གི་ཁྱིམ་གྱི་བདག་པོར་གྱུར་ཏོ། །དེ་ཡང་སེར་སྣ་ཅན། འཇུངས་པ། ཡོ་བྱད་ལ་ཀུན་ཏུ་འཛིན་པ། ཁྭ་ལ་ཡང་གཏོར་མ་མི་སྟེར་བ་ཞིག་སྟེ། དེ་དགེ་སྦྱོང་དང་། བྲམ་ཟེ་དང་། བཀྲེན་པ་དང་། སྡུག་ཅིང་ཕོངས་པ་དང་། སློང་བ་
D343.075.0266a02.01རྣམས་མཐོང་ན་སེམས་སྡང་བར་བྱེད་དོ། །དེའི་མ་ནི་སྔོན་གྱི་ལུགས་བཞིན་དུ་དགེ་སྦྱོང་དང་། བྲམ་ཟེ་དང་། བཀྲེན་པ་དང་། སྡུག་ཅིང་ཕོངས་པ་དང་། སློང་བ་རྣམས་ལ་སྦྱིན་པ་དང་རབ་ཏུ་སྦྱིན་པ་དག་སྦྱིན་པར་བྱེད་དོ། །དེ་ནས་དེའི་བུ་སེར་སྣས་ནོན་པ་དེས་སྨྲས་པ། ཡུམ་བདག་
D343.075.0266a03.01མ་དད་ཀྱིས་སྦྱིན་པ་མ་སྦྱིན་ཅིག །དེས་སྨྲས་པ། བུ་གཅིག་ཁྱིམ་འདི་ན་ཁྱིམ་གྱི་ལུགས་ཀྱིས་དེ་ཡིན་ནོ། །དེ་ནས་དེས་ལོགས་ཤིག་ཏུ་ཟན་ཕོག་སྟེ་བཞག་ན་འོན་ཀྱང་དེ་ཟན་གྱི་ཕྱེད་ནི་སྦྱིན་པར་བྱེད་དོ། །ཕྱེད་ནི་བདག་ཉིད་ཟའོ། །དེ་ནས་སེར་སྣས་ནོན་ཅིང་ཁྲོ་བས་བསྒྲིབས་པའི་བློ་
D343.075.0266a04.01ཅན་དེས་ཡང་དང་ཡང་དུ་བཀག་སྟེ། ཐབས་ཇི་ལྟ་བུས་བཀག་ཀྱང་དེ་དགག་མ་ནུས་ནས་མ་ལ་སྨྲས་པ། ཡུམ་བགྱི་བ་ཞིག་མཆིས་ཀྱིས་ཁྱིམ་གྱི་ཕུག་ཏུ་བཞུད་ཅིག །དེ་ནས་རང་བཞིན་གྱིས་དྲང་བ་དེ་ཁྱིམ་གྱི་ཕུག་ཏུ་སོང་ངོ་། །དེ་ནས་དེས་སྒོ་བཅད་དེ་ཉི་མ་གཅིག་ཟན་བཅད་
D343.075.0266a05.01ནས་དེས་སྨྲས་པ། བུ་བདག་བཀྲེས་སོ། །དེ་ནས་དེས་ཚིག་རྩུབ་པོ་སྨྲས་ཏེ་ཐལ་བ་འགོམ་ཅིག་ཅེས་བྱས་སོ། །དེ་ནས་རེ་ཞིག་ན་ཉམ་ང་ཞིང་མི་བདེ་ལ་གནོད་པ་དང་ཕྲད་པ་དེས་སྙིང་རྗེ་རྗེ་སྐད་དུ་ཁུས་བཏབ་ཀྱང་ཞག་དྲུག་གི་བར་སྨྱུང་དུ་བཅུག་སྟེ་མ་བཏང་ནས་ཤིའོ། །འོན་ཀྱང་སེར་
D343.075.0266a06.01སྣས་བསྒྲིབས་པ་དེ་མ་དང་བྲལ་བ་ལ་འགྱོད་པ་མེད་དོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ན་ཁྱིམ་བདག་གི་བུར་གྱུར་པ་གང་ཡིན་པ་དེ་ནི་འདེ་གུས་གསོས་འདི་ཡིན་ཏེ། དེས་མ་ལ་གནོད་པ་བྱས་པའི་ལས་དེའི་
D343.075.0266a07.01