完整藏文原文 · 德格版页 当前仅加载第 75 函德格 279a 版页；藏文 NFD、目录标记与异常页序保留在来源切片中，重复版页行以稳定序号区分。
ན་ལྟ་བ་འདི་ཡང་སྤངས་པ་དང་། བོར་བ་དང་། བསྩལ་བར་འགྱུར་ལ། ལྟ་བ་གཞན་ཡང་ཉིང་མཚམས་སྦྱོར་བ་མེད་པ་དང་། ལེན་པ་མེད་པ་དང་། འབྱུང་བ་མེད་པར་འགྱུར་རོ། །གཽ་ཏ་མ་བདག་ནི་དེ་ལྟར་ཤེས་ཤིང་དེ་ལྟར་ལྟ་བས་ན་ལྟ་བ་འདི་ཡང་སྤངས་
D343.075.0279a01.01པ་དང་། བོར་བ་དང་། བསྩལ་བར་འགྱུར་ལ། ལྟ་བ་གཞན་ཡང་ཉིང་མཚམས་སྦྱོར་བ་མ་མཆིས་པ་དང་། འབྱུང་བ་མ་མཆིས་པར་འགྱུར་ལགས་སོ། །མེའི་ཆ་ལུགས་ཅན་གྱི་བུ་འོ་ན་ནི་ཁྱོད་སྐྱེ་བོ་མང་པོ་དང་འཐུན་པར་འགྱུར་ཞིང་མཚུངས་པར་འགྱུར་ཏེ། སྐྱེ་བོ་མང་པོ་ཡང་
D343.075.0279a02.01དེ་ལྟར་ལྟ་ཞིང་དེ་སྐད་སྨྲ་བས་ན་ཁྱོད་ཀྱང་དེ་ཁོ་ན་དང་འདྲའོ། །མེའི་ཆ་ལུགས་ཅན་གྱི་བུ་དགེ་སྦྱོང་ངམ་བྲམ་ཟེ་སུ་ཡང་རུང་སྟེ། ལྟ་བ་དེ་ངེས་པར་སྤོང་ལ་ལྟ་བ་གཞན་ཡང་ལེན་པར་མི་བྱེད་པ་དེ་དག་ནི་འཇིག་རྟེན་ན་ཉུང་བ་བས་ཀྱང་ཆེས་ཉུང་ཞེས་བྱའོ། །མེའི་ཆ་ལུགས་ཅན་གྱི་བུ་ལྟ་བའི་
D343.075.0279a03.01གནས་ནི་འདི་གསུམ་ཡིན་ཏེ། གསུམ་གང་ཞེ་ན། མེའི་ཆ་ལུགས་ཅན་གྱི་བུ་འདི་ན་ཁ་ཅིག་ནི་བདག་ནི་ཐམས་ཅད་མི་འདོད་དོ་ཞེས་དེ་ལྟར་ལྟ་ཞིང་དེ་སྐད་སྨྲའོ། །གཞན་ཡང་འདི་ན་ཁ་ཅིག་ནི་བདག་ནི་ཐམས་ཅད་འདོད་དོ་ཞེས་དེ་ལྟར་ལྟ་ཞིང་དེ་སྐད་སྨྲའོ། །གཞན་ཡང་འདི་ན་ཁ་ཅིག་
D343.075.0279a04.01ནི་བདག་ནི་གཅིག་འདོད་ལ་གཅིག་ནི་མི་འདོད་དོ་ཞེས་དེ་ལྟར་ལྟ་ཞིང་དེ་སྐད་སྨྲའོ། །མེའི་ཆ་ལུགས་ཅན་གྱི་བུ་དེ་ལ་བདག་ནི་ཐམས་ཅད་འདོད་དོ་ཞེས་དེ་ལྟར་ལྟ་བ་གང་ཡིན་པའི་ལྟ་བ་འདི་ནི་ཀུན་ཏུ་འདོད་ཆགས་པར་འགྱུར་གྱི་ཀུན་ཏུ་འདོད་ཆགས་པ་མེད་པར་མི་འགྱུར་རོ། །ཀུན་ཏུ་ཞེ་སྡང་
D343.075.0279a05.01བར་འགྱུར་གྱི་ཀུན་ཏུ་ཞེ་སྡང་བ་མེད་པར་མི་འགྱུར་རོ། །ཀུན་ཏུ་གཏི་མུག་པར་འགྱུར་གྱི་ཀུན་ཏུ་གཏི་མུག་པ་མེད་པར་མི་འགྱུར་རོ། །ཀུན་ཏུ་སྦྱོར་བར་འགྱུར་གྱི་ཀུན་ཏུ་འབྲལ་བར་མི་འགྱུར་རོ། །ཀུན་ནས་ཉོན་མོངས་པར་འགྱུར་གྱི་རྣམ་པར་བྱང་བར་མི་འགྱུར་རོ། །ཀུན་ཏུ་འཕེལ་བར་
D343.075.0279a06.01འགྱུར་གྱི་ཀུན་ཏུ་འབྲི་བར་མི་འགྱུར་ཏེ། མངོན་པར་དགའ་བ་དང་། ཉེ་བར་ལེན་པ་དང་། ལྷག་པར་ཞེན་པར་འགྱུར་རོ། །མེའི་ཆ་ལུགས་ཅན་གྱི་བུ་དེ་ལ་བདག་ནི་ཐམས་ཅད་མི་འདོད་དོ་ཞེས་དེ་ལྟར་ལྟ་བ་གང་ཡིན་པའི་ལྟ་བ་དེ་ནི་ཀུན་ཏུ་འདོད་ཆགས་པ་མེད་པར་འགྱུར་གྱི་ཀུན་ཏུ་
D343.075.0279a07.01