完整藏文原文 · 德格版页 当前仅加载第 75 函德格 193b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་རེ་ཞིག་ན་ནགས་ཁུང་ཆུ་དང་ལྡན་པ་ཞིག་ཏུ་ཕྱིན་ནས་དྲོ་ལ་བབ་ན་རྒྱགས་ཀྱང་མེད་ནས། བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་བཞུགས་པར་གསོལ་ཏོ། །དེ་ནས་ལྷུང་བཟེད་ལག་པ་གཡོན་པ་ལ་བཞག་སྟེ། ཚིག་ཏུ་སྨྲས་པ། གལ་ཏེ་བསོད་ནམས་དག་
D343.075.0193b01.01གི་རྣམ་པར་སྨིན་པ་ཡོད་ཅེ་ན། བདག་གི་ལྷུང་བཟེད་བཟའ་བ་དང་བཅའ་བ་ལ་སོགས་པ་རྣམ་པ་སྣ་ཚོགས་ཀྱིས་གང་བར་གྱུར་ཅིག་ཅེས་བྱས་སོ། །དེ་ནས་ལྷས་ལྷའི་བདུད་རྩིས་བཀང་ངོ་། །དེ་ནས་རབ་སྡུག་གིས་གྲལ་རིམས་བཞིན་དུ་དགེ་སློང་གི་དགེ་འདུན་ཐམས་ཅད་ཀྱི་ལྷུང་
D343.075.0193b02.01བཟེད་རྣམས་ཞལ་ཟས་ཀྱིས་བཀང་ནས། དེར་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ངའི་ཉན་ཐོས་ཀྱི་དགེ་སློང་མ་བསོད་ནམས་བྱས་པ་རྣམས་ཀྱི་མཆོག་ནི་འདི་ལྟ་སྟེ་དགེ་སློང་མ་རབ་སྡུག་མ་འདི་ཡིན་ནོ། །དེ་ནས་དགེ་སློང་དག་ཐེ་ཙོམ་སྐྱེས་ཏེ།
D343.075.0193b03.01ཐེ་ཙོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་རབ་སྡུག་མས་ལས་གང་དག་བགྱིས་ན་དེས་ཕྱུག་པོའི་རིགས་སུ་སྐྱེས་ཏེ་གཟུགས་བཟང་ཞིང་བལྟ་ན་སྡུག་ལ་མཛེས་པ་དང་། སྐྱེ་བོ་ཐམས་ཅད་ཀྱིས་བཀུར་ལ་རབ་ཏུ་བྱུང་ནས་དགྲ་བཅོམ་པ་ཉིད་མངོན་
D343.075.0193b04.01སུམ་བགྱིས་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་རབ་སྡུག་མ་ཉིད་ཀྱིས་སྔོན་ཚེ་རབས་གཞན་དག་ཏུ་ཚོགས་རྙེད་ཅིང་རྐྱེན་གྲུབ་པ་དང་ལྡན་ཏེ། དབའ་རྒལ་བཞིན་དུ་བྱུང་ལ་གདོན་མི་ཟ་བར་འོང་བའི་ལས་དེ་དག་བྱས་ཤིང་བསགས་པས་ན། རབ་
D343.075.0193b05.01སྡུག་མ་ཉིད་ཀྱིས་ལས་བྱས་ཤིང་བསགས་པ་དེ་དག་གཞན་སུ་ཞིག་གིས་ཉམས་སུ་མྱོང་བར་འགྱུར་ཏེ། དགེ་སློང་དག་ལས་བྱས་ཤིང་བསགས་པ་རྣམས་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་དང་། མེའི་ཁམས་དང་། རླུང་གི་ཁམས་ལ་རྣམ་
D343.075.0193b06.01པར་སྨིན་པར་མི་འགྱུར་ཏེ། ལས་དགེ་བ་དང་མི་དགེ་བ་བྱས་ཤིང་བསགས་པ་རྣམས་ནི་ཟིན་པའི་ཕུང་པོ་དང་། ཁམས་དང་། སྐྱེ་མཆེད་རྣམས་འབའ་ཞིག་ལ་རྣམ་པར་སྨིན་པར་འགྱུར་རོ། །ལུས་ཅན་དག་གི་ལས་རྣམས་ནི། །བསྐལ་པ་བརྒྱར་ཡང་ཆུད་མི་ཟ། །ཚོགས་ཤིང་དུས་ལ་བབ་
D343.075.0193b07.01