完整藏文原文 · 德格版页 当前仅加载第 75 函德格 159b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་ཁྱེད་སྙིང་མ་ཆུང་ཤིག །དེ་ནས་མ་ཧེ་དེས་བཅོམ་ལྡན་འདས་ཐག་རིང་མོ་ཞིག་ནས་མཐོང་བ་དང་རྔ་མ་ལྡང་དུ་གཟར་ནས། བཅོམ་ལྡན་འདས་ག་ལ་བ་དེར་བརྒྱུགས་སོ། །དེ་ནས་བཅོམ་ལྡན་འདས་ཀྱི་མདུན་ལོགས་སུ་སེང་གེ་རལ་པ་ཅན་རལ་པ་གཡེངས་པ་ལྔ་སྤྲུལ་ཏེ།
D343.075.0159b01.01གློ་གཡས་གཡོན་དུ་མི་ཆེན་པོ་ལྔ་སྤྲུལ་ཏོ། །སྟེང་དུ་ནི་ལྕགས་ཀྱི་ཕ་བོང་ཆེན་པོ་ཞིག་སྤྲུལ་ཏོ། །དེ་ནས་མ་ཧེ་དེས་ཕྱོགས་ཀུན་ཏུ་འཇིགས་པ་ཆེན་པོ་མཐོང་ནས། བཅོམ་ལྡན་འདས་ཀྱི་ཞབས་དྲུང་དུ་སོང་སྟེ། བཅོམ་ལྡན་འདས་ཀྱི་ཞབས་ལ་ལྕེས་བལྡགས་ནས་ཞུམ་པའི་
D343.075.0159b02.01བཞིན་གྱིས་བཅོམ་ལྡན་འདས་ལ་བལྟས་སོ། །དེ་ནས་བཅོམ་ལྡན་འདས་ཀྱིས་དེ་ལ། དེས་བརྡ་ཕྲད་པའི་སྐད་དུ་བཞིན་{བཟངས་,བཟང་}འདི་ལྟར་འདུ་བྱེད་ཐམས་ཅད་ནི་མི་རྟག་པའོ། །ཆོས་ཐམས་ཅད་ནི་བདག་མེད་པའོ། །མྱ་ངན་ལས་འདས་པ་ནི་ཞི་བའོ་ཞེས་ཆོས་ཚིག་གསུམ་
D343.075.0159b03.01བསྟན་ནས། ཚེ་རབས་ཀྱང་དྲན་པར་མཛད་དེ་དེ་ཐོས་ནས་ངུས་སོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། ཁྱོད་ནི་དུད་འགྲོར་སྐྱེས་པ་ལ། །ད་ནི་ང་ཡིས་ཅི་བྱར་ཡོད། །མི་ཁོམ་པར་ནི་སྐྱེས་ཟིན་གྱིས། །དོན་མེད་ངུས་པས་ཅི་ལ་ཕན། །
D343.075.0159b04.01འདིར་ནི་རྒྱལ་བ་སྙིང་རྗེ་ཅན། །ང་ལ་དད་པའི་སེམས་བསྐྱེད་ལ། །དུད་འགྲོའི་སྐྱེ་གནས་སྤངས་ན་ལེགས། །འོན་ཀྱང་མཐོ་རིས་འགྲོ་བར་འགྱུར། །དེ་ནས་མ་ཧེ་མ་རུངས་པ་དེས་རང་གི་ལུས་ལ་དམད་དེ་ཁ་འཚོས་ནས། དུད་འགྲོའི་སྐྱེ་གནས་སུ་སྐྱེས་པའི་སྲོག་ཆགས་
D343.075.0159b05.01རྣམས་ནི་མེའི་དྲོད་ཆེ་བས་དེ་སྐྱེན་པར་ཤི་སྟེ། སུམ་ཅུ་རྩ་གསུམ་པའི་ལྷ་ཡུལ་བཟང་པོར་སྐྱེས་སོ། །ལྷའི་བུའམ་ལྷའི་བུ་མོ་སྐྱེས་ནས་རིང་པོ་མ་ལོན་པ་ནི་ཆོས་ཉིད་ཀྱིས་སེམས་རྣམ་པ་གསུམ་སྐྱེ་བར་འགྱུར་ཏེ། གང་ནས་ཤི་འཕོས་གང་དུ་སྐྱེས། ལས་གང་གིས་སྐྱེས་སྙམ་
D343.075.0159b06.01མོ། །དེ་ནས་དུད་འགྲོ་ལས་ཤི་འཕོས་པ་དང་སུམ་ཅུ་རྩ་གསུམ་པའི་ལྷ་ཡུལ་བཟང་པོར་སྐྱེས་པ་དང་བཅོམ་ལྡན་འདས་ལ་སེམས་དགའ་བར་གྱུར་པ་དེས་མཐོང་ངོ་། །དེ་ནས་སྔོན་མ་ཧེར་གྱུར་པའི་ལྷའི་བུ་དེ་འདི་སྙམ་དུ་སེམས་ཏེ། བདག་ཞག་ལོན་ནས་གཟོད་བཅོམ་ལྡན་
D343.075.0159b07.01