完整藏文原文 · 德格版页 当前仅加载第 75 函德格 143a 版页；藏文 NFD、目录标记与异常页序保留在来源切片中，重复版页行以稳定序号区分。
དང་མི་འཐུན་པ་མེད་པ་དེ་དུར་ཁྲོད་དུ་ཁྱེར་ནས་པང་པར་བཞག་སྟེ་ཀྱི་ཧུད་བུ། ཀྱི་ཧུད་བུ་ཐུ་བོ། ཀྱི་ཧུད་བུ་གཅིག་ཞེས་ཟེར་ཞིང་འབོད་དེ། དེའི་ཉེ་དུ་རྣམས་ཀྱིས་དེ་ལྟར་བཅུགས་ཀྱང་བསླང་མ་ནུས་ནས་དེ་ཁྭ་དང་། ཆུན་ལག་དང་། བྱ་རྒོད་དང་ཝ་རྣམས་ཀྱིས་ནི་བསྐོར། །བུད་མེད་
D343.075.0143a01.01སྐྲ་བཤིག་པ་དག་དང་ནི་འགྲོགས། སྐྱེ་བོ་མང་པོས་ནི་བལྟ་ཞིང་འདུག་གོ། །དེ་ནས་དེའི་བུ་ལྷར་སྐྱེས་པས་ཕ་སྨྲེ་སྔགས་འདོན་པ་མཐོང་ནས་སྙིང་རྗེས་སྙིང་བསྐྱོད་དེ། ཕའི་མྱ་ངན་བསལ་བའི་ཕྱིར་བདག་ཉིད་དྲང་སྲོང་གི་ཆ་ལུགས་སུ་སྤྲུལ་ནས། དུར་ཁྲོད་ཀྱི་འདབ་ཏུ་དཀའ་ཐུབ་ལྔ་བྱེད་ཅིང་འདུག་
D343.075.0143a02.01གོ། །དེ་ནས་བྲམ་ཟེ་དེས་དྲང་སྲོང་དེ་ལ་དྲིས་པ། ཀྱེའི་དྲང་སྲོང་ཆེན་པོ་ཁྱོད་དཀའ་ཐུབ་འདིས་ཅི་ཞིག་སྒྲུབ། དྲང་སྲོང་གིས་སྨྲས་པ། ང་ནི་རྒྱལ་སྲིད་སྒྲུབ་སྟེ། ངའི་གསེར་གྱི་ཤིང་རྟ་རིན་པོ་ཆེ་སྣ་ཚོགས་ཀྱིས་སྤྲས་པ་ཉི་མ་དང་ཟླ་བ་གཉིས་ཀྱིས་ཤིང་རྟའི་འཁོར་ལོ་བྱས་ལ། འཇིག་རྟེན་སྐྱོང་བ་བཞིས་
D343.075.0143a03.01ནི་མདུན་ནས་འདྲེན་ཏེ། ཤིང་རྟ་དེ་ལ་ཡང་ཞོན་ཞིང་ས་ཆེན་པོ་འདི་བསྐོར་བར་འདོད་དོ། །བྲམ་ཟེས་སྨྲས་པ། གལ་ཏེ་ལོ་བརྒྱ་ཐམ་པའི་བར། །རྒྱུན་དུ་དཀའ་ཐུབ་སྤྱད་བྱས་ཏེ། །དཀའ་ཐུབ་མཆོག་ནི་སྤྱད་བྱས་ཀྱང་། །གནས་དེ་ཁྱོད་ཀྱིས་རེ་མི་འཐོབ། །དྲང་སྲོང་གིས་སྨྲས་པ། ཁྱོད་ཀྱང་
D343.075.0143a04.01ཤི་བའི་ཁོག་པ་མཆོག་ཏུ་མནམ་ཞིང་མི་གཙང་བའི་རོ་ཤིང་འདྲ་བར་གྱུར་པ་འདིས་ཅི་ཞིག་སྒྲུབ། བྲམ་ཟེས་སྨྲས་པ། སྡུག་པའི་བུ་གཅིག་པ་ཤི་སྟེ་དེ་སྒྲུབ་བོ། །དྲང་སྲོང་གིས་སྨྲས་པ། གལ་ཏེ་ལོ་བརྒྱ་ཐམ་པའི་བར། །རྒྱུན་དུ་ངུ་བའི་ལས་བྱས་ཀྱང་། །བུ་དེ་ཁྱོད་ཀྱིས་རེ་མི་ཐོབ། །ཁྱོད་
D343.075.0143a05.01ནི་ངུས་ཀྱང་ཅི་ལ་ཕན། །དེ་ནས་བྲམ་ཟེ་དེ་དྲང་སྲོང་གི་ཚིག་བདེན་ནོ་སྙམ་ནས་དད་པ་སྐྱེས་སོ། །དད་པ་སྐྱེས་ནས་ཁྱོད་སུ་ཞིག་ཅེས་དྲིས་སོ། །དེ་ནས་དྲང་སྲོང་གིས་ཆ་ལུགས་དེ་མི་སྣང་བར་བྱས་ནས། རང་གི་ཆ་ལུགས་སུ་འདུག་སྟེ། ཕ་ལ་སྨྲས་པ། བདག་ནི་ཁྱོད་ཀྱི་བུ་གཅིག་པ་དེ་ཡིན་
D343.075.0143a06.01ཏེ་བཅོམ་ལྡན་འདས་ལ་སེམས་དགའ་བར་གྱུར་ནས་ཤི་སྟེ། སུམ་ཅུ་རྩ་གསུམ་པའི་ལྷ་ཡུལ་བཟང་པོར་སྐྱེས་ནས། ཁྱོད་ཀྱི་མྱ་ངན་བསལ་བའི་ཕྱིར་འདིར་འོངས་སོ། །ཡབ་ཁྱོད་ཚུར་སྤྱོན། བཅོམ་ལྡན་འདས་ལ་སྐྱབས་སུ་བཞུད་ཅིག་དང་། ཁྱེད་ཀྱང་འཁོར་བ་ལས་འདའ་བར་གྱུར་ཀྱང་
D343.075.0143a07.01