完整藏文原文 · 德格版页 当前仅加载第 75 函德格 273a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་མཐོང་ནས་ངོ་ཚ་སྟེ་ཕན་ཚུན་དུ་བྲོས་སོ། །དེ་ནས་བཅོམ་ལྡན་འདས་ཀྱིས་ཇི་ལྟར་ཡང་འབྲོས་མི་ནུས་པར་བྱིན་གྱིས་བརླབས་སོ། །དེ་ནས་བཅོམ་ལྡན་འདས་དང་ཉན་ཐོས་ཆེན་པོ་རྣམས་འགོག་པའི་སྙོམས་པར་ཞུགས་སོ། །དེ་ནས་འགོག་པ་ལས་བཞེངས་ཏེ་
D343.075.0273a01.01བདག་ཉིད་མི་སྡུག་པར་སྤྲུལ་ཏོ། །སྤྲུལ་ནས་ཀྱང་ཁམ་ཕོར་ཁ་ཟས་ཀྱིས་བཀང་བ་བསྣམས་ཏེ་མི་སྡུག་པའི་ཐད་དུ་གཤེགས་སོ། །དེ་ནས་མི་སྡུག་པས་མཐོང་བ་དང་དགའ་བར་གྱུར་ནས་སྨྲས་པ། གྲོགས་པོ་ཆེན་པོ་ག་ལས་འོངས་ཚུར་ཤོག །བདག་ཅག་གཉིས་ལྷན་ཅིག་ཏུ་
D343.075.0273a02.01འདུག་གོ་ཞེས་བྱས་སོ། །དེ་ནས་བཅོམ་ལྡན་འདས་ཀྱིས་དེ་ལ་ཟས་བྱིན་ཏེ་དབང་པོ་ཚིམ་པར་གྱུར་ནས་བཅོམ་ལྡན་འདས་ཀྱིས་ཉིད་ཀྱི་ཆ་ལུགས་སུ་བསྒྱུར་ཏོ། །དེ་ནས་མི་སྡུག་པས་སངས་རྒྱས་བཅོམ་ལྡན་འདས་མཐོང་ནས་གསོལ་པ། ད་ནི་ཁྱོད་བྱད་གཟུགས་བཟང་པོར་གྱུར་
D343.075.0273a03.01ན་ལས་གང་གི་མཐུ་ལས་གྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། ང་ལ་སེམས་དགའ་བར་བྱེད་པ་ཞེས་བྱ་བའི་རིག་སྔགས་ཡོད་དེ་འདི་ནི་དེའི་མཐུ་ཡིན་ནོ། །དེ་ནས་དེས་བཅོམ་ལྡན་འདས་དང་ཉན་ཐོས་ཆེན་པོ་འགོག་པའི་སྙོམས་པར་ཞུགས་པ་དེ་དག་ལ་སེམས་
D343.075.0273a04.01དགའ་བ་བསྐྱེད་དེ། དེས་ན་དེའི་མི་སྡུག་པ་མེད་པར་གྱུར་ནས་བཟང་པོར་གྱུར་ཏེ་རབ་ཏུ་བྱུང་ནས་དགྲ་བཅོམ་པ་ཉིད་མངོན་སུམ་དུ་བྱས་སོ། །དེ་ནས་དགེ་སློང་དག་ཐེ་ཙོམ་སྐྱེས་ཏེ། ཐེ་ཙོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་མི་སྡུག་པས་
D343.075.0273a05.01ལས་གང་དག་བགྱིས་ན་དེས་འདི་ལྟ་བུར་མདོག་ངན་ཅིང་རེག་ཏུ་མི་བཟོད་པ་དང་མི་སྡུག་པའི་སྣ་གྲངས་{བཅྭ་,བཅོ་}བརྒྱད་དང་ལྡན་པར་གྱུར་ལ། རབ་ཏུ་བྱུང་ནས་དགྲ་བཅོམ་པ་ཉིད་མངོན་སུམ་དུ་བགྱིས་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་མི་སྡུག་པ་
D343.075.0273a06.01ཉིད་ཀྱིས་སྔོན་ཚེ་རབས་གཞན་དག་ཏུ་ཚོགས་རྙེད་ཅིང་རྐྱེན་གྲུབ་པ་དང་ལྡན་ཏེ་དབའ་རྒལ་བཞིན་དུ་འབྱུང་ལ། གདོན་མི་ཟ་བར་འོང་བའི་ལས་དེ་དག་བྱས་ཤིང་བསགས་པས་ན། མི་སྡུག་པ་ཉིད་ཀྱིས་ལས་བྱས་ཤིང་བསགས་པ་དེ་དག་གཞན་སུ་ཞིག་གིས་ཉམས་སུ་མྱོང་བར་འགྱུར་ཏེ།
D343.075.0273a07.01