完整藏文原文 · 德格版页 当前仅加载第 75 函德格 48a 版页；藏文 NFD、目录标记与异常页序保留在来源切片中，重复版页行以稳定序号区分。
ནས། སྟན་ཆེས་དམའ་བ་ཁྱེར་ཏེ་ཆོས་མཉན་པའི་ཕྱིར་བཅོམ་ལྡན་འདས་ཀྱི་སྤྱན་སྔར་འདུག་གོ། །དེ་ནས་བཅོམ་ལྡན་འདས་ཀྱིས་ལྷའི་དབང་པོ་བརྒྱ་བྱིན་འཁོར་དང་བཅས་པ་ལ་ཆོས་ཀྱི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག །
D343.075.0048a01.01ཡང་དག་པར་གཟེངས་བསྟོད། ཡང་དག་པར་དགའ་བར་མཛད་དོ། །རྒྱལ་པོ་མ་སྐྱེས་དགྲ་ཁང་{བཟངས་ཀྱི་,བཟང་གི་}སྟེང་ན་འདུག་པས་ཀྱང་འོད་མའི་ཚལ་ན་བཅོམ་ལྡན་འདས་ལ་དེ་ལྟ་བུར་མཆོད་པ་བྱེད་པ་མཐོང་ངོ་། །མཐོང་ནས་ཀྱང་འགྱོད་པ་སྐྱེས་ཏེ་དད་པ་ཆེན་པོ་རྙེད་དོ། །རྒྱལ་པོའི་ཁབ་ན་འཁོད་
D343.075.0048a02.01པའི་ཕོ་བྲང་འཁོར་གྱི་མི་རྣམས་ཀྱིས་ཀྱང་ཆོས་ཀྱི་ཤུགས་ཐོབ་ནས་རྒྱལ་པོའི་ཐད་དུ་དོང་སྟེ་འདི་སྐད་ཅེས་སྨྲས་སོ། །ཀྱེ་མ་རྒྱལ་པོ་ཆེན་པོ་འདི་ལྟར་ལྷ་རྒྱགས་ཤིང་བག་མ་མཆིས་པར་གནས་པ་རྣམས་ཀྱིས་ཀྱང་ལྷ་ཡུལ་བོར་ཏེ། བཅོམ་ལྡན་འདས་ལ་མཆོད་པ་བགྱིད་པ་ལས་ན།
D343.075.0048a03.01རྒྱལ་པོའི་ཁབ་ན་གནས་པའི་ཕོ་བྲང་འཁོར་གྱི་མི་རྣམས་སྒོར་ཕམ་པར་འགྱུར་གྱིས། ལྷ་ཁྲིམས་དེ་ནི་བཤིག་ན་ལེགས་ལགས་སོ་ཞེས་བྱས་སོ། །དེ་ནས་རྒྱལ་པོ་མ་སྐྱེས་དགྲས་ཁྲིམས་དེ་བཤིག་ནས། རྒྱལ་པོའི་ཕོ་བྲང་འཁོར་གྱི་གྲོང་ཁྱེར་དུ་དྲིལ་བསྒྲགས་ཏེ།
D343.075.0048a04.01བཅོམ་ལྡན་འདས་ལ་བཀུར་སྟི་ཅི་དགའ་བར་གྱིས་ཤིག་ཅེས་བྱས་སོ། །དེ་ནས་རྒྱལ་པོའི་ཁབ་ན་གནས་པའི་ཕོ་བྲང་འཁོར་གྱི་མི་རྣམས་འཁོར་དང་བཅས་པ་དགའ་ཞིང་མགུ་ལ་རབ་ཏུ་དགའ་སྟེ་ཡི་རངས་ནས་དགའ་ཞིང་ཡིད་བདེ་བ་སྐྱེས་ཏེ། མེ་ཏོག་དང་། སྤོས་དང་། མེ་
D343.075.0048a05.01ཏོག་ཕྲེང་རྣམས་ཁྱེར་ནས་བཅོམ་ལྡན་འདས་ལ་བལྟ་བའི་ཕྱིར་དོང་ངོ་། །དེ་ནས་ལྷ་རྣམས་དང་མི་རྣམས་ཀྱིས་བཅོམ་ལྡན་འདས་ལ་བཀུར་སྟི་ཆེན་པོ་བྱས་སོ། །བཅོམ་ལྡན་འདས་ཀྱིས་ཀྱང་གཞི་དེ་ལས་ལྷ་དང་མི་རྣམས་ལ་འཕགས་པའི་བདེན་པ་བཞི་རྟོགས་པར་
D343.075.0048a06.01འགྱུར་བ་དེ་ལྟ་བུའི་ཆོས་བསྟན་ཏེ། དེ་ཐོས་ནས་ལྷ་དང་མི་དུ་མས་བདེན་པ་མཐོང་བར་གྱུར་ཏོ། །དེ་ནས་དགེ་སློང་དག་གིས་བཅོམ་ལྡན་འདས་ཀྱི་མཆོད་པ་མཐོང་ནས་ཐེ་ཙོམ་སྐྱེས་ཏེ་ཐེ་ཙོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་
D343.075.0048a07.01