完整藏文原文 · 德格版页 当前仅加载第 75 函德格 43a 版页；藏文 NFD、目录标记与异常页序保留在来源切片中，重复版页行以稳定序号区分。
གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། ཡང་དག་པར་རྫོགས་པའི་སངས་རྒྱས་ཟླ་བ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་ཡང་དག་པར་རྫོགས་པའི་སངས་རྒྱས་ཟླ་བ་ལ་འདི་སྐད་ཅེས་གསོལ་ཏོ། །བཅོམ་
D343.075.0043a01.01ལྡན་འདས་ལ་བདག་གིས་ན་བཟའ་དང་། ཞལ་ཟས་དང་། གཟིམས་ཆ་དང་། གདན་དང་། སྙུན་གསོས་དང་། སྨན་ཟོང་རྣམས་ཀྱིས་བསྙེན་བཀུར་བགྱི་བར་འཚལ་ན། བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་ཟླ་བ་གསུམ་གྱི་བར་དུ་འདིར་
D343.075.0043a02.01བཞུགས་པར་ཅི་གནང་། དེ་ནས་ཡང་དག་པར་རྫོགས་པའི་སངས་རྒྱས་ཟླ་བས་རྒྱལ་པོ་དེ་ལ་ཅང་མི་གསུང་བས་གནང་ངོ་། །དེའི་ཚེ་རྒྱལ་པོའི་གྲོང་ཁྱེར་དེ་ན་སྐྱེ་བོ་མང་པོ་ལ་མི་ནད་བྱུང་སྟེ། དེས་སྐྱེ་བོ་ཕལ་པོ་ཆེ་དེ་དག་ལ་ཤིན་ཏུ་གནོད་པར་གྱུར་ཏོ། །དེ་ནས་རྒྱལ་པོ་དེས་ནད་
D343.075.0043a03.01ཞི་བར་བྱ་བའི་ཕྱིར་ཡང་དག་པར་རྫོགས་པའི་སངས་རྒྱས་ཟླ་བ་ལ་གསོལ་བ་བཏབ་སྟེ། བཅོམ་ལྡན་འདས་ཡམས་ཀྱི་ནད་འདི་ཞི་བར་འགྱུར་བའི་ཐབས་མཛད་པར་ཅི་གནང་ཞེས་གསོལ་ཏོ། །དེ་ནས་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་ཟླ་བས་རྒྱལ་
D343.075.0043a04.01པོ་དེ་ལ་བཀའ་སྩལ་པ། རྒྱལ་པོ་ཆེན་པོ་སོང་ལ་ངའི་ཆོས་གོས་སྣམ་སྦྱར་འདི་རྒྱལ་མཚན་གྱི་རྩེ་མོ་ལ་ཐོགས་ལ། བཀུར་སྟི་ཆེན་པོ་དང་ལྡན་པས། བདག་གི་ཡུལ་སྐོར་དུ་ཆུག་ཤིག །འདི་ལ་དགའ་སྟོན་ཆེན་པོ་ཡང་གྱིས་ཤིག །སྐྱེ་བོ་ཕལ་པོ་ཆེ་ཐམས་ཅད་ཀྱང་སངས་
D343.075.0043a05.01རྒྱས་རྗེས་སུ་དྲན་པ་ཡང་དག་པར་འཛིན་དུ་ཆུག་ཤིག་དང་། དེས་ན་ཁྱེད་བདེ་ལེགས་སུ་འགྱུར་རོ། །དེ་ནས་རྒྱལ་པོས་ཀྱང་ཇི་སྐད་བསྟན་པ་བཞིན་དུ་ཐམས་ཅད་དེ་ཁོ་ན་བཞིན་དུ་བྱས་ནས་དེའི་རྒྱུ་དང་དེའི་རྐྱེན་གྱིས་ཡམས་ཀྱི་ནད་ཐམས་ཅད་ཞི་བར་གྱུར་ཏོ། །དེ་ནས་སྐྱེ་བོའི་
D343.075.0043a06.01ཚོགས་དེ་དག་དགའ་བར་གྱུར་ཏེ། རྒྱལ་པོ་དང་། བློན་པོ་དང་། ཕོ་བྲང་འཁོར་གྱི་མི་རྣམས་སངས་རྒྱས་དང་ཆོས་དང་དགེ་འདུན་ལ་སྐྱབས་སུ་སོང་ངོ་། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཇི་སྙམ་དུ་སེམས། དེའི་ཚེ་དེའི་དུས་ན་རྒྱལ་
D343.075.0043a07.01