完整藏文原文 · 德格版页 当前仅加载第 75 函德格 211a 版页；藏文 NFD、目录标记与异常页序保留在来源切片中，重复版页行以稳定序号区分。
སྲིད་འཚོའི་བར་དུ་ཡང་འཁོན་མེད་པར་འགྱུར་རོ་ཞེས་བྱས་སོ། །དེ་ནས་རྒྱལ་པོ་གསལ་རྒྱལ་གྱིས་ཀྱང་དེ་ལྟར་བྱའོ་ཞེས་ཁས་བླངས་སོ། །དེ་ནས་དེ་གཉིས་ཕན་ཚུན་དུ་མཛའ་བོ་བྱས་ནས་བདེ་བར་གྱུར་ཏེ། རྒྱལ་པོ་ཚངས་པས་བྱིན་གྱིས་ཁྱེའུ་བཙས་པའི་བཙས་སྟོན་བྱས་
D343.075.0211a01.01ནས་ཁྱེའུའི་མིང་བདེ་བྱེད་ཅེས་བཏགས་སོ། །ཀོ་ས་ལའི་རྒྱལ་པོ་གསལ་རྒྱལ་གྱིས་ཀྱང་བུ་མོ་བཙས་པའི་བཙས་སྟོན་བྱས་ནས་བུ་མོའི་མིང་བདེ་བྱེད་མ་ཞེས་བཏགས་སོ། །དེ་ནས་གཉི་ག་ཡང་བསྐྱེད་བསྲིངས་ཏེ་རེ་ཞིག་ན་མཐར་གྱིས་ཆེར་སྐྱེས་སོ། །དེ་ནས་ཁྱེའུ་དེས་བུ་མོ་དེ་ལ་དོ་ཤལ་
D343.075.0211a02.01དང་། སེ་མོ་དོ་དང་། ཕྲེང་བ་དང་། རྣ་ཆ་དང་། མགུལ་རྒྱན་རྣམས་བསྐུར་རོ། །དེ་ནས་གང་གི་ཚེ་བུ་མོ་དེ་ཆེན་མོར་གྱུར་པ་དེའི་ཚེ་དེས་བཅོམ་ལྡན་འདས་ཀྱི་བསྟན་པ་ལ་དད་པ་རྙེད་དེ། འདོད་པ་རྣམས་ལ་ཡང་ཉེས་པར་ལྟ་བར་གྱུར་ཏོ། །དེ་ནས་དེས་དེ་དག་ལ་དྲིས་པ། སྐྱེས་
D343.075.0211a03.01འདི་རྣམས་ག་ལས་འོངས་ཞེས་བྱས་པ་དང་། འཁོར་རྣམས་ཀྱིས་ཀྱང་གཏན་ཚིགས་དང་བཅས་ཏེ་རྒྱས་པར་བསྙད་དོ། །དེ་ནས་དེ་ཐོས་ནས་ཡབ་ལ་གསོལ་པ། ཡབ་བདག་ནི་འདོད་པ་རྣམས་ལ་དོན་དུ་གཉེར་བ་མ་ལགས་ཏེ། །བཅོམ་ལྡན་འདས་ཀྱི་བསྟན་པ་ལ་རབ་ཏུ་འབྱུང་
D343.075.0211a04.01བར་འཚལ་གྱིས་ཡབ་ཀྱིས་བདག་ལ་གནང་བར་མཛད་དུ་གསོལ། རྒྱལ་པོས་སྨྲས་པ། བུ་མོ་གང་གི་ཕྱིར་ཁྱོད་བཙས་པ་ན་ང་བདེ་བར་གྱུར་པས་ན་འདི་ནི་ངས་བཅོས་སུ་མེད་དོ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་གྱིས་རྒྱལ་པོ་ཚངས་པས་བྱིན་ལ་ཕོ་ཉ་བཏང་སྟེ། བུ་
D343.075.0211a05.01མོ་འདི་ནི་རབ་ཏུ་འབྱུང་བར་འདོད་ཀྱིས་ཚུར་ཤོག་ལ་འདི་ལོང་ཤིག་ཅེས་བྱས་སོ། །དེ་ནས་རེ་ཞིག་ན་རྒྱལ་པོ་ཚངས་པས་བྱིན་གྱིས་དུས་བཏབ་སྟེ། ད་སྟེ་ཞག་བདུན་ན་འོང་གིས་ཁྱོད་ཀྱིས་བྱ་བ་དང་བཤམ་པར་བྱ་བ་གང་ཡིན་པ་དེ་དག་གྱིས་ཤིག་ཅེས་བྱས་སོ། །དེ་ནས་བུ་མོ་བདེ་
D343.075.0211a06.01བྱེད་མས་ཞག་བདུན་ན་བག་མར་ལེན་ནོ་ཞེས་ཟེར་བའི་གཏམ་དེ་ཐོས་སོ། །དེ་ནས་བདེ་བྱེད་མ་འཇིགས་ཤིང་སྐྲག་ལ་མི་དགའ་སྟེ་སྐྱི་བུང་ཞེས་བྱས་ནས་ཁང་ཐོག་ཏུ་སོང་སྟེ། རྒྱལ་བུ་རྒྱལ་བྱེད་ཀྱི་ཚལ་ལོགས་སུ་ཕྱོགས་ནས་སངས་རྒྱས་བཅོམ་ལྡན་འདས་ལ་གསོལ་བ་བཏབ་བོ། །ཡང་
D343.075.0211a07.01