完整藏文原文 · 德格版页 当前仅加载第 75 函德格 104b 版页；藏文 NFD、目录标记与异常页序保留在来源切片中，重复版页行以稳定序号区分。
དོ། །དགེ་སློང་དག་སྔོན་བྱུང་བ་འདས་པའི་དུས་ན་རིའི་སུལ་ཆུ་འབབ་ཅིང་མེ་ཏོག་དང་འབྲས་བུ་དང་རྡོ་གུ་ཕུན་སུམ་ཚོགས་པ་དང་ལྡན་པ་ཞིག་ན་དྲང་སྲོང་དཀའ་ཐུབ་དྲག་པོ་སྤྱོད་པ་ཟས་སུ་འབྲས་བུ་དང་རྩ་བ་དང་ཆུས་འཚོ་བ། {རི་དགས་,རི་དྭགས་}ཀྱི་གཡང་གཞི་དང་། ཤིང་ཤུན་གྱོན་པ་མེའི་སྦྱིན་སྲེག་
D343.075.0104b01.01བྱེད་པ་ཞིག་འདུག་གོ། །དྲང་སྲོང་དེའི་མཛའ་བོ་ཡང་རི་བོང་མིའི་སྐད་ཤེས་པ་ཞིག་ཡོད་དེ། དེ་ཉིན་གཅིག་བཞིན་དུ་དྲང་སྲོང་གི་ཐད་དུ་དུས་གསུམ་དུ་འགྲོའོ། །དེར་སོང་ནས་གུས་པར་སྨྲ་བ་བྱས་ཏེ། གཏམ་རྣམ་པ་སྣ་ཚོགས་ཀྱིས་ཡང་དག་པར་དགའ་བར་བྱས་ནས་དེ་གཉིས་ཕྱིར་ཞིང་མཛའ་
D343.075.0104b02.01བར་གྱུར་ཏེ་ཕ་སྤད་དང་འདྲ་བར་འདུག་གོ། །ཕྱིས་རེ་ཞིག་ན་ཐན་ཆེན་བྱུང་ནས་དེས་ཆུ་ཀླུང་དང་ཁྲོན་པ་རྣམས་ཆུ་ཆུང་བར་གྱུར་ལ་ཤིང་རྣམས་ཀྱང་མེ་ཏོག་དང་འབྲས་བུ་མེད་པར་གྱུར་ཏོ། །དེ་ནས་དྲང་སྲོང་དེ་གནས་དེ་ན་བཟའ་བ་མེད་པས་མི་དགའ་ནས་དེས་{རི་དགས་,རི་དྭགས་}ཀྱི་གཡང་གཞི་དང་ཤིང་
D343.075.0104b03.01ཤུན་རྣམས་ཀྱང་བརྟུལ་ཏོ། །དེ་ནས་རི་བོང་དེས་དེ་ལྟ་བུར་གྱུར་པ་མཐོང་ནས་དྲང་སྲོང་ཆེན་པོ་གར་བཞུད་ཅེས་དྲིས་སོ། །དྲང་སྲོང་ན་རེ་ད་ནི་གྲོང་དུ་འགྲོ་སྟེ་དེར་བཙོས་པའི་སློངས་མོས་འཚོ་བར་བྱའོ་ཞེས་ཟེར་རོ། །དེ་ནས་དེས་དྲང་སྲོང་གི་ཚིག་ཐོས་ནས་གདུང་བར་གྱུར་ཏེ་ཕ་དང་བྲལ་བ་ཙམ་དུ་
D343.075.0104b04.01བསམས་ནས། དྲང་སྲོང་དེའི་རྐང་པ་ལ་ཕྱག་འཚལ་ཏེ་སྨྲས་པ། བདག་མི་དོར་བར་གསོལ། གཅིག་ཏུ་ན་ཁྱིམ་གྱི་གནས་ནི་ཉེས་པ་དུ་མས་གང་ལ་དགོན་པའི་གནས་ནི་ཡོན་ཏན་ཕུན་སུམ་ཚོགས་པ་དང་ལྡན་པ་ལགས་སོ་ཞེས་བྱས་སོ། །དེ་སྐད་ལན་དུ་མ་བྱས་ཀྱང་དེ་ལྡོག་ཏུ་མ་བཏུབ་བོ། །
D343.075.0104b05.01དེ་ནས་རི་བོང་གིས་སྨྲས་པ། གལ་ཏེ་མི་འགྲོར་མི་རུང་ན་ཡང་དེང་ཙམ་གཞེས་ལ། སང་གར་དགྱེས་པར་བཞུད་ཅིག་ཅེས་བྱས་སོ། །དེ་ནས་དྲང་སྲོང་དེ་འདི་སྙམ་དུ་སེམས་ཏེ། དུད་འགྲོའི་སྐྱེ་གནས་སུ་སྐྱེས་པ་འདི་དག་ནི་སྡུག་ཅིང་སོགས་པ་ལ་སྲེད་པས་ན། འདིས་ནི་བདག་དེང་ཁ་ཟས་
D343.075.0104b06.01སྣ་འགའ་ཞིག་ལ་གཡར་འདྲེན་པར་འདོད་གོར་མ་ཆག་སྙམ་སྟེ་དེས་དེ་ལ་ཁས་བླངས་སོ། །དེ་ནས་ཉིན་པར་གྱི་བྱ་བ་བྱས་ཟིན་ཏེ། དྲོ་ལ་བབ་པ་ན་རི་བོང་འོངས་ནས་དྲང་སྲོང་དེ་ལ་བསྐོར་བ་བྱས་ཏེ་བཟོད་པ་གསོལ་བ། དྲང་སྲོང་ཆེན་པོ་གང་བདག་གིས་དུད་འགྲོའི་སྐྱེ་གནས་སུ་སྐྱེས་པས་བྱ་མི་
D343.075.0104b07.01