完整藏文原文 · 德格版页 当前仅加载第 75 函德格 13b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོ་སྐྱེས་ཏེ། བདག་གིས་རིན་པོ་ཆེ་འདི་ལྟ་བུ་དག་དགེ་སྦྱོང་གཽ་ཏ་མ་ལ་ཕྱེད་ཇི་ལྟར་སྦྱིན་སྙམ་དུ་སེམས་པ་ལ་ཞུགས་ཏེ་མ་ལ་བདག་གིས་འདི་རྣམས་བདག་གི་ཆུང་མའི་ལག་ཏུ་ཞོའི་བཞི་ཆ་གཅིག་ཏུ་བཙོངས་ལ། བཅོམ་ལྡན་འདས་ལ་སྤོས་དབུལ་བར་བྱ་གོར་མ་ཆག་སྙམ་མོ། །
D343.075.0013b01.01དེས་ཞོའི་བཞི་ཆ་གཅིག་གིས་ཨ་ག་རུའི་སྤོས་ཉོས་ནས་རྒྱལ་བུ་རྒྱལ་བྱེད་ཀྱི་ཚལ་དུ་སོང་ངོ་། །དེ་ནས་ཤིན་ཏུ་ངོ་ཚ་བ་བཞིན་དུ་སྒོ་གང་དུ་འདུག་ནས་ཨ་ག་རུས་བདུགས་སོ། །དེ་ནས་བཅོམ་ལྡན་འདས་ཀྱིས་གང་གིས་བདུག་པ་དེ་སྟེང་གི་ནམ་མཁའ་ལ་ཡང་དག་པར་འཕགས་ཏེ་
D343.075.0013b02.01མཉན་དུ་ཡོད་པ་ཐམས་ཅད་ཁྱབ་པར་གྱུར་ནས་སྤྲིན་ཆེན་པོའི་མགོ་ལྟར་འདུག་པར་འགྱུར་བ་དེ་ལྟ་བུའི་རྫུ་འཕྲུལ་མངོན་པར་འདུ་བྱ་བ་མཛད་དོ། །དེས་ལྷ་དང་མི་དད་པར་བྱེད་པའི་ཆོ་འཕྲུལ་ཤིན་ཏུ་རྨད་དུ་བྱུང་བ་དེ་མཐོང་ནས་དགའ་བ་ཆེན་པོ་སྐྱེས་ཏེ། བདག་གི་སེམས་ལ་བརྒྱད་བཀག་
D343.075.0013b03.01ནས། གང་བདག་གིས་རིན་པོ་ཆེའི་སྒོ་ནས། བཅོམ་ལྡན་འདས་ཀྱི་སྐུ་བསླུ་བ་འདི་ནི་བདག་གི་ཆ་མ་ཡིན་ནོ་ཞེས་བྱས་སོ། །དེ་ནས་དེད་དཔོན་དེས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ཁྱིམ་གྱི་ནང་དུ་བཤོས་ལ་སྤྱན་དྲངས་སོ། །དེ་ནས་ཞལ་ཟས་བཟང་པོས་ཚིམ་པར་བྱས་
D343.075.0013b04.01ནས་རིན་པོ་ཆེ་ཆེན་པོ་དག་གིས་གཏོར་ཏོ། །དེ་ནས་རིན་པོ་ཆེ་དེ་དག་འདི་ལྟ་སྟེ། སངས་རྒྱས་རྣམས་ཀྱི་སངས་རྒྱས་ཀྱི་མཐུ་དང་། ལྷ་རྣམས་ཀྱི་ལྷའི་མཐུས། བཅོམ་ལྡན་འདས་ཀྱི་དབུའི་སྟེང་གི་ནམ་མཁའ་ལ་འཕགས་ནས། རིན་པོ་ཆེའི་ཁང་པ་དང་ཁང་པ་བརྩེགས་པ་རིན་
D343.075.0013b05.01པོ་ཆེའི་རྒྱལ་མཚན་ཅན་མགར་བའམ་མགར་བའི་སློབ་མ་ལེགས་པར་ལོབས་པས་ཀྱང་བྱེད་མི་ནུས་པ་དེ་ལྟ་བུར་གྱུར་ཏེ་འདུག་གོ། །དེ་ནས་དེད་དཔོན་དེས་ཆོ་འཕྲུལ་དེ་མཐོང་ནས་ཆེད་ཀྱིས་དགའ་བ་སྐྱེས་ཏེ། སྡོང་པོ་རྩ་བ་ནས་བཅད་པ་བཞིན་དུ་བཅོམ་ལྡན་འདས་ཀྱི་ཞབས་ལ་
D343.075.0013b06.01ཕྱག་འཚལ་ནས་སྨོན་ལམ་བཏབ་པ། དགེ་བའི་རྩ་བ་དང་སེམས་བསྐྱེད་པ་དང་སྦྱིན་པར་བྱ་བའི་ཆོས་ཡོངས་སུ་གཏོང་བ་འདིས་བདག་འཇིག་རྟེན་ལོང་བ་འདྲེན་པ་མེད་ཅིང་ཡོངས་སུ་འདྲེན་པ་མེད་པར་སེམས་ཅན་མ་བསྒྲལ་བ་རྣམས་སྒྲོལ་བ་དང་། མ་གྲོལ་བ་རྣམས་འགྲོལ་བ་དང་། དབུགས་
D343.075.0013b07.01